ميكانيكي شاطر اواي في الستيروين

[salah_moahmed]

شباب / انا اعرف ميكانيكي شاطر اواي وفنان فيما يخص الستيروين اسمها البشمهندس ايهاب كان شغال في المصانع الحربية لما كانوا بيجمعو الستيروين هناك وداه ماكنه في صقر قريش علي طرق الاتوستيراد .
انا هكتبلكم رقم تليفونه يمكن يكون في افادة ليكم 0123104438 الراجل داه امين يمكن يكون مفيد ليكم ، واللي عايز يعمل معاه واجب يقوله انا جايلك من طرف حسام شرم ياريت اي حد يعرف بتاع قطع غيار او صيانة يكتبه هيكون مفيد لينا كلنا

[furp]

اخي العزيز

الف شكر علي المعلومه المفيده الغاليه دي

وبالنسبة لقطع الغيار في محل بيبع قطع غيار السيتروين اسمه الفرعونية امام القريه الفرعونية وليس امامها مباشرة لكن يعني بعدها ب100 في اتجاه المنيب

[amrco99]

ياعم منا قلتلك قبل كدا أنا بجيب قطع الغيارمن عند هارون فى العجوزةوليه فرع فى السيدة وتليفونه 0166154950 وعموما قطع غيار معقولة وابقى قله انك جاىمنطرف أبو لمى

[FrozenFire]

يارترى يقدر يصلح الستروين الجديد ؟ ولا هو بيصلح القديم بس؟
أقصد بالجديد ال C4 and C3

[K_awadallah]

ان معاي c3 و ودتها لى واحد فى عمارات الفاروقيه فى امتداد جسر السويس. المهندس ده انا جربته مرتين هو عنده مركز صيانه و مركز سمكره
ده بجوار مركز صيانه فيات فى جسر السويس

ده رقمى "كريم عوض الله " عايز يروح اوصفلوا المركز
0121748661

[fepsceasar]

هو المركز ده متخصص سيتروين سمكرة وميكانيكا؟ يعنى لو عايز ارش العربية هى اكسارا اشد عليه ويعملها الصيانة بالمرة ولا أروح للتوكيل، أنا بالمناسبة جربت ايهاب وهو فعلا راجل محترم بس عنده حتة صنايعى رخم رخامة
ما تكتبلنا تليفون المركز ده يا باشا

[elmohandes1]

وانت مالك و مال الصنايعى؟ انت خلى كلامك مع صاحب الورشة و هو يظبطلك الصنايعى! و على فكرة الصنايعية بيبقوا مستنيين البقشيش! تلاقيك قلبتوا و معبرتوش و عشان كده رخم معاك :)

[fepsceasar]

لا والله مش فاكر رزعته 15 ولا 20جند قاللى يا بيه ده انت بتعاملنى معاملة الصبيان وقاعد يقول قصايد فى نفسه وأنا بعمل شغل محترم والشغل المحترم غالى والشغلانة دى لو روحت لحد برة هيعملها بكذا، وأنا صنايعى توكيل وما حدش يعرف مكان قطعة الغيار دى لا صنايعى التوكيل وهكذا كل ما يعمل حاجة

[ahmedghalwash]

السلام عليكم/انا م/احمدغلوش مديرمركزالخدمة اللي امام الفاروقية بجوار فيات___وانا عندي خبرة مميزة في الاكسارا---صيانة_اصلاح-تكييف-سمكرة-دهان-اعمال كهرباء-الكتونيات
واضع كافة خبرتي تحت تصرف المنتدي مع العلم ان المركز هواول من تعامل مع الاكسارا في مصر
وشكرا
تم حصولك على انذار مصاحب بوقف اسبوع لاغراقك المنتدى بدعاية تجارية لك بدون استئذان الادارة

[fepsceasar]

هو فين المركز ده بالضبط يا باشا وعايز اعرف رش العربية خارجى بس يتكلف كام، وهل فى طريقة تدارى الخدوش بدون دهان العربية

[Ahmed Selim]

السلام عليكم/انا م/احمدغلوش مديرمركزالخدمة اللي امام الفاروقية بجوار فيات___وانا عندي خبرة مميزة في الاكسارا---صيانة_اصلاح-تكييف-سمكرة-دهان-اعمال كهرباء-الكتونيات
واضع كافة خبرتي تحت تصرف المنتدي مع العلم ان المركز هواول من تعامل مع الاكسارا في مصر
وشكرا

معلش على تدخلى

بس طبقاً لقواعد المنتدى ممنوع الأعلانات التجارية بدون الأتفاق مع الأدارة

لو حضرتك مهتم أنك تعمل عرض للمنتدى راسلهم على يوزر الأدارة او راسل أستاذ كريم منير المنسق العام للمنتدى.

و عذراً مرة أخرى على التدخل.....بس وجب التنويه.

[HOSSAM_ZAKARIA]

شباب / انا حسام بتاع شرم اللي كاتب الموضوع داه باسم
( salah_moahmed)
سامحوني كنت مسافر وكمان الباس ورد تعيشو انتووووووو مش فاكره المهم لو حد عايز حاجة في الاكسارا يمكن اقدر اساعد ، رغم اني جبت بورا لكني مازالت معتز بالسيارة دي لحد دلوقتي بحبها ياخوناااااااااااااااا اعمل ايه بقا ؟؟؟؟

[khaled_khlaf]

مركز المهندس ....................* دة رقمة

الأعلانات التجارية ممنوعة طبقاً لقواعد المنتدى
سوف نكتفى بحذف الرقم هذه المرة و لكن عند وجود أى مشاركة أخرى بنفس الطريقة سوف تعرض عضويتك للأيقاف لمدة شهر حسب قواعد المنتدى
نرجو مراجعة قواعد المنتدى
مشرف عام 4

[Romeo26222]

مركز المهندس ....................* دة رقمة

اذا كان فعلا افضل مركز لية مش معتمد من عز العرب او ستروين فرنسا!!


بلاش كلمة افضل واسوأ والتعميم دا مالوش معني..ممكن حضرتك تقول انك جربتة وكان كويس لكن انك تقول علية الافضل

[redredzone]

اختلف معاك م-رامي....انا لي تجارب مريرة ومؤذيه مع ما يسمي التوكيل الوهمي عز العرب وتوابعه من خدمه سيئه وتشخيص خاطيء ولم يتم حلها الا خارج التوكيلات في اوتو تك....كما اود ان تجاوبني بصراحه هل قطع الغيار الموجوده في عز العرب وامير في مدينه نصر والتي تركب في الاكسارا2 اصليه؟؟؟؟؟؟؟؟؟؟؟ومصدرها سيتروين فرنسا؟؟؟؟ااعتقد يوجد توكيلات محترمه مثل تويوتا والبافاريه....اما سيتروين فهي ليس اكثر من اهداف بين افراد للاسف..