أمــاكن بيــع قطـع غيار مستعمــلة لسيترويـــن

[tareksamir556]

مسا الفل يا جماعه
أنا زميل جديد في المنتدي ومالك جديد لسيتروين
ملاحظ انكم تقريبا مش بتشاركوا في المنتدي
مش عارف ده يأس من السيترويين ولا معدش عندكو كلام
علي العموم انا معايا سيتروين ax مو 95
ممكن نبدأ نتكلم سوا
من فضلكم عاوز اقترح عمل أجندة لبائعي قطع غيار السيتروين المستعمل
وهبدأ بمحل في دار السلام أسمه بورسعيدلقطع الغيار استعمال خارج
2ش ناصر عجيبه المعادي خلف المحكمة الدستورية
اشتريت من عنده موبينه ب100 جنيه
في انتظار تواصلكم
شكرا

[Nader]

فكرة جميلة فعلاً وياريت اي حد عندة معلومات تانية يضيفها لتعم الافادة.

[habdelbar]

انا فيه واحد بروحله اسمه محمد الابيض هو فى زينهم يعنى جنبك يا طارق هو ميكانيكى شاطر اوى وفاهمها كويس اوى وعنده كل حاجتها استيراد وممكن يجبلك جديد ارخص من السوق شوية.
وفيه محل بعد منزل كوبرى ابو الريش وانت رايح ناحية زينهم بعد المنزل على طول على اليمين بس مش فاكر اسمه
عنده كل حاجتها استيراد برضو وفيه واحد فى شارع السلسلة فى السيدة وانت طالع على ابو الريش اسمه على شاهين ده بيقول انه بيسافر بيشترى الحاجات بنفسه من بره.

وفيه طبعا امير وجوزيف واحد فى التوفيقية قطع غيار فقط وفرع مدينة نصر فىلا مكرم عبيد قطع غيار ومركز صيانة. بس غاليين شوية

[tareksamir556]

صباح الخير
أشكرك علي ردك اللطيف
أنا تعاملت مع أمير وجوزيف وعندي تعليق أحب أوضحه
أنا رحت ليهم والعربية كان أمبير الحرارة بيعلا المهم أن الميكانيكي يقول ده عيب كهربا والكهربائي يقولي عيب رادياتير وبتاع الرادياتير يقولي عيب ميكانيكا وفضلت ألف حوالين نفسي في المقطم لحد ما اتخنقت
بتاع الردياتير قال لي التشخيص وأنا صدقته لأنه شخص محترم وصنايعي نضيف جدا وعنده ضمير الصراحه
المهم وديت العربية لأمير وجوزيف لقيت العيب اللي قاله متولي رادياتير
كان ترموستات وكتاوت وبلف
الرجاله عملوها وظبطوها زي الفل جدا جدا جدا
طبعا المكان زحمه لاز تودي عربيتك بدر علشان تحجز وبيقفلوا الساعه 6 مساءا
الفاتورة طلعت وكانت أ سعار قطع الغيار زي السوق والمصنعية مكتوبه وموضحه
وفي رأي انه مكان هايل وان كانت المصنعيه عاليه ويه فده مقابل النظافه في العمل
وبيستعملوا قطع الغيار الأصلية
وأنا قررت اتعامل معاهم علي طول
ماعدا في العفشة هأستعمل استيراد خارج
ملحوظه لو حد من سكان المقطم وعايز يعمل رادياتير يقولي
طارق
بحب نايل موتورز

[fiatmomo]

استاذ طارق ..... اهلا بيك ومبروك على الستروين

كلمنا على العربية شوية ... التكيف كويس ... وهل بيحمل على الموتور جامد

كلمنا على اداء العربية عموما ... انا شخصيا بحترم العربية دة .. بالرغم من عدم انتشارها ...

واهلا بيك مرة تانية

[tareksamir556]

صباح جديد وجميل ان شاء الله
العربيه سيتروين ax موديل 95
كنت جايبها ب 26 ألف
فيها تكييف جميل
وسنتر الأصلي اللي نازل مع العربية وده قديم بمعني انه بيشتغل انفرا ريد يعني لازم توجه الريموت ناحية جهاز الاستقبال الموجود بجوار مراية الوسط
معاها الكتالوجات الأصلية بتاعتها
الشنطه لسه لمبتها شغاله مع فتح الشنطه
طبعا أقصد من كده أن المالك السابق كان مهتم
عملت بيها 140 كيلو داخل اقاهرة
علي الطريق السريع العربية متزنه جدا مش أي عربيه تعدي جنبك تهز العربية
قطع غيارها متوفرة بس غاليةلو انت بتقارنها بالفيات واللادا والحاجات دي لكن احساسك بيها مختلف
اقصي سرعه عملتها علما باني عاقل في السواقه 120ك فقط بخاف علي الأرواح وممتلكت الغير واتمني ان ده ينتشر
كانت العربية انسيابية جدا وراسيه جد
موتور العربيه تحفه وكل اللي يشوفه يبدي اعجابه
المشكله في الميكانيكي وحالات الطوارئ وعلشان كده باهتم ان مع أول حدوث حاجه او صوت اروح بيها للكشف علشان متعملهاش تعذبني
طارق

[tareksamir556]

عملت 140 كيلو داخل القاهرة ب 13 لتر

[Ahmed Hassan]

انته عندك الموتور الأسود صح؟ الموتور ده احلى حاجه في العربيه... اعطاله قليله جدا و آداؤه يعتمد عليه... كان عندي الموتور ده في البيجو 205

[tareksamir556]

فعلا الموتور الأسود
ووالله حسبتها بالورقة والقلم يا صاحبي
طارق

[fiatmomo]

ما شاء الله ... 140 كيلو ب 13 ليتر داخل المدينة .. نسبة كويسه جدا
اولا لانها داخل المدينة, ثانيا لانها عربية مستعملة من سنة 95 ,ثالثا لانها 1400 .

ربنا يحفظهالك ويديك خيرها ويكفيك شرها .

[rzeiny]

انا عندي عربية ax مو 95 كاملة 1400 سي سي
العربية تحفة في كل شيء وثباتها رائع وعلى فكرة قطع غيارها بالكامل عند ابوحمادة في بورسعيد عموما علشان ظروف خاصة عايز ابيعها
فيها جنوط سبور اصلي وعفشة جديدة ولونها روز وطالب 23000 جنيه
0167046558 -0165522984

[amrco99]

بقلك فيه محل هارون لقطع الغيار بيبيعو مستعمل ستروين وبيجو 0166154950 - مكانهم فى السيدة وليعممكان تانىىالعجوزة وانا جربتهم وأسعارهم رخيصة

[amrco99]

بقبك عندى طقم جنوط وشنطة حمرا كنت جايبه لعربتى بس بعتها لوحد عايزه يكلمنى 0125600133