إستفســـار عن سيترويـــن C3

[3mr Farrag]

انا العربيه بصراحه ماكنتش في دماغي خالص.....غير لما واحد صاحبي جابها جديده.......
و ما شاء الله تحفه بجد و اكتر حاجه عجباني فيها تقفيلها من الداخل .......مالوش حل
بس سعرها مستعمل واقع جدا......يعني تجاب نضيفه جدا علي 55 الف و ممكن اقل علي ما اعرفه كده
و لما كنت بفكر ابيع عربيتي .....قلت ممكن اجبها .......
بس الناس عماله تقول قطع غيارها غاليه اوي.....
ياريت اصحاب العربيه يقولولنا علي اسعار قطع الغيار و هل السياره بها عيوب ولا لأ

[د.اشرف هنداوى]

+1

[أحمد الدرعه]

انا اشتريت ال C3 من سنه كانت موديل 2004 وماشيه 17000 بس
العربيه كويسه وسحبها كويس وزي ما انت قلت من جويه تقفيلها كويس ومدلعه :)
برضه العداد بتاعها ديجتال وفيه شويه حاجات ظريفه زي عدد الكيلومترات الباقي اللي تقدر تمشيها بالبنزين ومثلا مستوي الزيت وامكانيه تحديد سرعه معينه عندها العربيه تدك تنبيه (مفيده لما يكون في ردار) وبرضه تحسبلك استهلاك البنزين الحالي وبتحسبلك متوسط استهلاك العربيه للبنزين وعداد تنازلي كل 15000 عشان الصيانه وممكن تركبلها كمان سينسور للمساعده علي الركنه (بألف جنيه) الخ... باختصار فيها امكانيات ديجيتال حلوه بصراحه (يمكن أنا مركز عليها عشان انا مهندس كمبيوتر :mrgreen: )
بالنسبه لقطع الغيار فهي حراقه حبتين
أولا أنا باجيب قطع الغيار من عند التوكيل- عز العرب - وباعمل الصيانه عندهم احيانا ومره رحت عند امير وجوزيف في مدينه نصر, سر قطعه الغيار واحد عندهم انما الفرق في المصنعيه طبعا امير ارخص وعز العرب عنده ضريبه 10% علي قطع الغيار مش موجوده هناك.
بالنسبه للاسعار عندك مثلا التيل الامامي : 350 ج والمساعد الامامي كل واحد ب 500 ج البوجيهات الواحد ب 64 ج الزجاج الامامي ب 1500 ج (الاصلي) المساحات الاماميه الاصليه (من غير الذراع ) واحده ب 180 والتانيه ب 160 < والورانيه ب 90 ج (طبعا غيرتها بمساحات عاديه مش الاصليه) ده اللي انا فاكره دلوقت ...
يعني قطع غيارها غاليه حبتين, التيل الامامي باغيره تقريبا كل 12000 ك بس انا يمكن استهلاكي للفرامل عالي شويه
المهم هي قطع الغيار التقيله لو دخلت في حاجه في الدبيراج ولا الموتور لا قد الله لأي سبب أو حاجه جامده في العفشه هتدفع ألوفات وربنا يستر :roll:.
الشنطه بتاعتها واسعه والكنبه الخلفيه ممكن تنتيها وحجم الصالون بالنسبه لفئتها كويس جدا
ممم ده كل اللي في بالي لو حبيت تعرف حاجه ابقي قولي :lol:

[3mr Farrag]

انت فين يا راجل من زمان :D
دانا كاتب الموضوع بقالي كذا يوم.........المهم انت ايه رايك فيها بصراحه
انا عن نفسي عجباني .......بس بحس انها بناتي شويه........
و لو تعرف اسعار الفوانيس ورا و قدام تبقي ;)
انا كنت بفكر جديا اجبها لو بعت العربيه ...........بس ما بعتهاش

و شكرا يا باشا علي المعلومات ديه
و اهلا بيك كعضو جديد معانا في المنتدي

[TAG_Turbo0]

منصحكش
صيانة الستروين عموماً صعبة
والرأى ليك فى الأول والاخر