سحب العربية ضعيف و بفكر أغير طقم دبرياج ... إيه رأيكم

[Boory]

السلام عليكم و رحمة الله و بركاته
عربيتي اكسارا 1 موديل 2002 عاملة 160 ألف كيلو ... أنا اشتريتها من 5 سنين و كانت عاملة 114 ألف و من ساعتها ما غيرتش طقم دبرياج و أنا أغلب سواقتي جوا البلد

اللي خلاني أفكر في تغييره إني لما بأمشي مشوار جوا البلد بعد شوية في الزحمة العربية بتبدأ تترجرج و أنا بأطلع بيها و أحيانا بأحس إن الموتور بيلف على الفاضي الأول (بالظبط زي لما الكاوتش يلف في مكانه و العربية واقفة بس من غير ما الكاوتش يلف) و بعدين العربية تبدأ العربية تجمع

عايز أعرف هل فيه طقم دبرياج استيراد و يتكلف كام ... و هل فيه ميكانيكي مضمون قريب من المعادي و ألا لا

و جزاكم الله كل خير مقدما

[Honda_lover]

السلام عليكم و رحمة الله و بركاته
عربيتي اكسارا 1 موديل 2002 عاملة 160 ألف كيلو ... أنا اشتريتها من 5 سنين و كانت عاملة 114 ألف و من ساعتها ما غيرتش طقم دبرياج و أنا أغلب سواقتي جوا البلد

اللي خلاني أفكر في تغييره إني لما بأمشي مشوار جوا البلد بعد شوية في الزحمة العربية بتبدأ تترجرج و أنا بأطلع بيها و أحيانا بأحس إن الموتور بيلف على الفاضي الأول (بالظبط زي لما الكاوتش يلف في مكانه و العربية واقفة بس من غير ما الكاوتش يلف) و بعدين العربية تبدأ العربية تجمع

عايز أعرف هل فيه طقم دبرياج استيراد و يتكلف كام ... و هل فيه ميكانيكي مضمون قريب من المعادي و ألا لا

و جزاكم الله كل خير مقدما

بناءا علي الاعراض التي تتكلم عنها هي فعلا طقم دبرياج الرجرجة في اول مشوار العربية دي بيكون الديسك تالف والتفويته بتكون من اسطوانة الدبرياج وطبعا هتغير البلية كمان بالمرة عشان متحلش مرتتين ثانيا ينفع تركب تيل فرامل استيراد؟ اكيد لا طبعا طقم الدبرياج كذلك مينفعش استيراد لازم يكون جديد وركز اوي في الحتة دي واوعى تروح لحد يقولك بص يا باشا انا عندي طقم استيراد بس ايه زيروووووووو هتركبة وهتدعيلي اوعي تركبه.هتقولي ليه؟ اقولك الاسطوانة الاستيراد بيكون التيل بتاعها محمص من الشمس والركنة والتخزين وكده فلازم تكون جديدة . نيجي بقا للديسك برضو مينفعش استيراد غير لو انت فاهم فيه 100% لانه ممكن تكون ريشه سليمة ومفيهاش تأاكل ولكنه ملسوع برضو هيرجرج معاك تاني يبقا انت خسرت تمنه بالاضافة الي 150 جنيه المصنعية فوفر علي نفسك الوقت والفلوس وهاته جديد واسأل عليه فالتوكيل لان الفاليو الاصلي اللي موجود فالسوق في كل المحلات تركي وليس فرنسي وسعره 650 جنيه ولو لاقيته فالتوكيل اغلي النص يعني لغاية 1000 هاته وركبه بره دي نصيحة وحضرتك ليك الاختيار وبالنسبة تركبه فين ؟ تركبه عند امجد فالحرفيين او كلمني وانا هديك رقم الميكانيكي بتاع التوكيل وللعلم انا بتعامل معاه وهياخد نفس المصنعية 150 جنيه وهترجع العربية باذن الله زي الاول واحسن وهتقفل بيها العداد باذن الله. واعذرني علي الاطالة رقمي 0101113170

[amrmaismail]

الراجل جابلك من الاخر فعلا لازم اسطوانه جديده
انا لسه مركب الفاليو اللي ب ٦٥٠ جنيه دي وكانت مكتوب عليها made in france علي العلبة والاسطوانه والديسك
لكن كل شيء جايز ممكن يكونوا بيعملوها في تركيا ويكتبوا عليها كده الله اعلم

[Boory]

الله يجزيكم كل خير على مساعدتكم ... أنا إن شاء الله حفكر و أستخير ربنا و ربنا ييسر الحال

[behman]

بناءا علي الاعراض التي تتكلم عنها هي فعلا طقم دبرياج الرجرجة في اول مشوار العربية دي بيكون الديسك تالف والتفويته بتكون من اسطوانة الدبرياج وطبعا هتغير البلية كمان بالمرة عشان متحلش مرتتين ثانيا ينفع تركب تيل فرامل استيراد؟ اكيد لا طبعا طقم الدبرياج كذلك مينفعش استيراد لازم يكون جديد وركز اوي في الحتة دي واوعى تروح لحد يقولك بص يا باشا انا عندي طقم استيراد بس ايه زيروووووووو هتركبة وهتدعيلي اوعي تركبه.هتقولي ليه؟ اقولك الاسطوانة الاستيراد بيكون التيل بتاعها محمص من الشمس والركنة والتخزين وكده فلازم تكون جديدة . نيجي بقا للديسك برضو مينفعش استيراد غير لو انت فاهم فيه 100% لانه ممكن تكون ريشه سليمة ومفيهاش تأاكل ولكنه ملسوع برضو هيرجرج معاك تاني يبقا انت خسرت تمنه بالاضافة الي 150 جنيه المصنعية فوفر علي نفسك الوقت والفلوس وهاته جديد واسأل عليه فالتوكيل لان الفاليو الاصلي اللي موجود فالسوق في كل المحلات تركي وليس فرنسي وسعره 650 جنيه ولو لاقيته فالتوكيل اغلي النص يعني لغاية 1000 هاته وركبه بره دي نصيحة وحضرتك ليك الاختيار وبالنسبة تركبه فين ؟ تركبه عند امجد فالحرفيين او كلمني وانا هديك رقم الميكانيكي بتاع التوكيل وللعلم انا بتعامل معاه وهياخد نفس المصنعية 150 جنيه وهترجع العربية باذن الله زي الاول واحسن وهتقفل بيها العداد باذن الله. واعذرني علي الاطالة رقمي 0101113170

+11111111111