أنا زهقتت من كتر البحث على c4

[mohammedly]

أنا زهقتت من كتر البحث على c4
وشفت عربيات كتيييير 90 % من العربيات متبهدلة و 10% غالى عن تمنها 15:18 الف

تقريبا c4 مش منتشرة و أعادة البيع مش حلو مش علشان قطع غيارها غالية( بالعكس خالص العربية شايف ان قطع غيارها معقولة جداااااااااااااااااااااااا ما عدا الفتيس والكنترولر لا قدر الله)
لكن علشان العربية دي مينفعش حد يهملها لغاية متتبهدل قوي والى معاه واحدة كويسة بيضرب فى السما
والنتيجة مش عارف أشتري واحدة كويسة بسعر كويس أوفففففففففففففففففففففففففف

[redredzone]

ياباشا متياسش ابدا...انامعايا 307 وكان معايا قبلهااكسارا2 وبصراحة ادمنت الفرنساوي ...انشاء الله ربنا يوفقك في عربية حلوه المهم اكشف كويس لاني تعبت لحد ملقيت بيجو 307 بعد تدوير شهور وبصراحه زهقت كشف علي عربيات .....انشاء الله تلاقي واحده

[Mohab.Nabil]

أنا زهقتت من كتر البحث على c4
وشفت عربيات كتيييير 90 % من العربيات متبهدلة و 10% غالى عن تمنها 15:18 الف

تقريبا c4 مش منتشرة و أعادة البيع مش حلو مش علشان قطع غيارها غالية( بالعكس خالص العربية شايف ان قطع غيارها معقولة جداااااااااااااااااااااااا ما عدا الفتيس والكنترولر لا قدر الله)
لكن علشان العربية دي مينفعش حد يهملها لغاية متتبهدل قوي والى معاه واحدة كويسة بيضرب فى السما
والنتيجة مش عارف أشتري واحدة كويسة بسعر كويس أوفففففففففففففففففففففففففف

بص يا استاذ محمد

اى عربية الواحد هيهمل فيها هتبقى متبهدلة و ان كنت معاك ان درجات البهدلة بتفرق بس اى عربية مش هتعاملها كويس مش هتديك اللى انت عايزه ..

انا شايف احسن حل انك متحطش فى دماغك اسعار السوق اوى و انت بتشترى يعنى لو العربية زيادة شوية عن سعرها فى السوق بس حالتها تمام ممكن تتوكل على الله فيها.. يعنى لو حطينا سعر السوق على جنب فسعر العربية ديه زيرو ستبترونيك بـ 145 الف .. فشوف لو حالة العربية نظيفة انت ترضى تشتريها لحد كام .. طبعا متبعدش اوى عن سعر السوق بس ممكن تدفع اعلى شوية عشان العربية حالتها كويسة

انا عن نفسى جبت عربيتى و انا عارف ان سعرها اعلى من السوق ما بين 5 لـ 10 الاف و صاحبها كان عارف و قالى كده بنفسه .. بس مشيت البيعة عشان العربية حالتها كانت كويسة فعلا و الحمد لله العربية لحد دلوقتى تمام معايا