سيتروين الاسكندريه

[hemaah48]

اخوانى الاعزاء:
اود ان يتم تخصيص هذه الصفحه لمالكى سيتروين بالاسكندريه يتم فيها التواصل والمساعده لحل مشاكل الاعضاء عن طريق عرض كل المتخصصين باصلاح السيارات الفرنسيه بالاسكندريه او عرض المشاكل التى تعرض لها بعض الاعضاء وكيف تم حلها
ارجو من الاخوه الاسكندرانيه المشاركه واى احد عايز يشارك ينورنا ...........اخوكم ابراهيم المنشاوى -ميامى-اسكندريه

[hemaah48]

ايه يا رجاله فين الردود

[Mohab.Nabil]

القسم هنا نايم يا باشا ..

الناس بتظهر مرة واحدة و تختفى بعد كده ..

[hemaah48]

القسم هنا نايم يا باشا ..

الناس بتظهر مرة واحدة و تختفى بعد كده ..

والله يا استأذ مهاب الواحد مستغرب قسم زى سيتروين شبه ميت فى هذا مصر كلها تقريبا رغم ان العربيات ديه احسن من الكورى واليابانى بكتير بس تقول ايه حسن السوق ولا حسن البضاعه

[Mohab.Nabil]

والله يا استأذ مهاب الواحد مستغرب قسم زى سيتروين شبه ميت فى هذا مصر كلها تقريبا رغم ان العربيات ديه احسن من الكورى واليابانى بكتير بس تقول ايه حسن السوق ولا حسن البضاعه

استاذ heemah48

انا ولا استاذ و لا حاجة انا يدوبك 20 سنة

فعلا العربية سوقها ميت فى مصر خالص و السبب عز العرب اولا و ثقافة الشعب ثانيا

بس هنعمل ايه و هو برضه ده مدينا ميزة ان العربية ليها رونقها الخاص و مش كل ما تمشى تلاقيها فى الشارع

بعد اذنك تحكيلى على العربية شوية لأن انا العربية تعتبر جديدة معايا شاريها من حوالى 4 شهور

[hemaah48]

استاذ heemah48

انا ولا استاذ و لا حاجة انا يدوبك 20 سنة

فعلا العربية سوقها ميت فى مصر خالص و السبب عز العرب اولا و ثقافة الشعب ثانيا

بس هنعمل ايه و هو برضه ده مدينا ميزة ان العربية ليها رونقها الخاص و مش كل ما تمشى تلاقيها فى الشارع

بعد اذنك تحكيلى على العربية شوية لأن انا العربية تعتبر جديدة معايا شاريها من حوالى 4 شهور

بص ياباشا ده رقم تيفونى للتواصل 01229746192

[rotanamasoud]

axمعايا وانا قاعد فى اسكندريه ورشيد
عايز تسئل على ايه

[hemaah48]

axمعايا وانا قاعد فى اسكندريه ورشيد
عايز تسئل على ايه

الله ينور يلا يا شباب اسكندريه علشان الجروب ده ان شاء الله عيساعد على انتشار السيارات الفرنسيه لان معظم الناس بتخاف من صيانة السيارات الفرنسيه رغم ان فى قطع غيار فى السيارات الفرنسيه ارخص من الكورى

[A_U3]

اخوانى الاعزاء:
اود ان يتم تخصيص هذه الصفحه لمالكى سيتروين بالاسكندريه يتم فيها التواصل والمساعده لحل مشاكل الاعضاء عن طريق عرض كل المتخصصين باصلاح السيارات الفرنسيه بالاسكندريه او عرض المشاكل التى تعرض لها بعض الاعضاء وكيف تم حلها
ارجو من الاخوه الاسكندرانيه المشاركه واى احد عايز يشارك ينورنا ...........اخوكم ابراهيم المنشاوى -ميامى-اسكندريه

السلام عليكم
انا بدور على عربية اشتريها وشفت كام اعلان لستروين c3 اكلوا دماغى بس قليلة جدا وفى القاهره تقريبا شبه مفيش فى اسكندريه
انا معرفش كتير عنها ياريت لو حد يقدر يفيدنى اكتر عشان انا فعلا طالبه معايا اجيبها

[A.Adel]

بالتوفيق يا رجالة :)

[haythamabo]

استاذ heemah48

انا ولا استاذ و لا حاجة انا يدوبك 20 سنة

فعلا العربية سوقها ميت فى مصر خالص و السبب عز العرب اولا و ثقافة الشعب ثانيا

بس هنعمل ايه و هو برضه ده مدينا ميزة ان العربية ليها رونقها الخاص و مش كل ما تمشى تلاقيها فى الشارع

بعد اذنك تحكيلى على العربية شوية لأن انا العربية تعتبر جديدة معايا شاريها من حوالى 4 شهور

ازيك يا مهاب انا هيثم وانا كمان العربيه بقالها معايا 4 شهور بس الواحد شاف شويه حركات ممكن نبقى نحكيها المهم مش مساله سوق العربيه ميت المهم هيا فيه كام سى 4 فى مصر وهل اصحابها مكبرين دماغهم ولا احنا مش عارفيين نشدهم هنا ولا هما 15 ولا 16 عربيه فى مصر كلها

[amrmaismail]

شباب اسكندريه موجودين يا باشا ماقلقش
انا من اسكندرية ومعايا اكسارا ١ سودا ...
العربيه بقالها معايا سنتين وبحبها جدا وتقريبا دلوقتي بفك واركب فيها كل حاجة
لو اي حد محتاج اي حاجة يسأل فورا وانا تحت امره لو اقدر اساعده مش هتأخر ابدا
وتحياتي لكل الاسكندرانيه

[mostbader]

السلام عليكم
انا مصطفى بدر
انا معايا اكسارا 2 فى الاسكندريه لسه جايبها من 6 شهور كنت بدور على اوتوماتيك بس ملقتش جبت المانيوال
عاوز اعرف التوكيل فى الاسكندريه نظامه ايه كويس ولا لا و اسعاره ايه و عاوز اعرف واحد بيبيع قطع غيار استعمال كويس و ميكانيكى كويس

[amrmaismail]

شوف يا سيدي
التوكيل طبعا عز العرب اللي قبل كوبري ابيس بشوية ( لكن نااااااااااااار )
المهم فيه ميكانيكي كويس في السيوف اسمه محمد العربي انا بتعامل معاه
وفي في صلاح الدين محل نظمي في آخر صلاح الدين علي اول المول شغال استعمال وجديد
ولو عايز نمرهم قولي وانا تحت امرك
ومنور يا باشا