تجربتي مع صيانة c4 والمهندس ايهاب جلال

[hanytahia]

قررت اني اعمل صيانة ال120 الف وفكرت اعملها فى التوكيل ولا اجيب الحاجات من التوكيل واعملها بره ولو عملتها اعملها فين ولكن كان ليا سابق معاملة مع المهندس ايهاب جلال فى صقر قريش وحسيت انه فاهم ومحترم فبعد بحث وسؤال عن اسعار قطع الغيار واسعار المصنعيات عند اكتر من واحد اكتشفت اني اروح للمهندس ايهاب عشان علي الاقل عارفه قبل كده وروحت له وكانت مفاجأة بالنسبة لي بجد راجل محترم جدا جدا ومتعاون لاقسي درجة جيه معايا بنفسه اثناء شراء قطع الغيار وشاف الكويس من اللي مش كويس وكان عنده قطع غيار جديدة اصلية بعهالي بسعر اقل من السوق بكتير وبيرشدني علي الافضل بصراحه معاملة اكتر من رائعة وكان لزاماً عليا اني ادي للراجل حقه واوصي كل من يملك سيتروين بالتعامل معاه فألف شكر ليك ويارب نلاقي مهندسين وصنيعية كتير بنفس مستوي التعامل وتمت صيانة ال120 من تغيير فلاتر وسيور وزيوت وجوان كمان لوش التيكهات وبلي الكاتينة والحمد لله العربية ممتازة معايا ... هي تجربة قد تفيد البعض خاصة مالكي الc4 ... أخيكم هاني فتحي

[A.Adel]

يا ريت تكتب اسعار قطع الغيار و المصنعيات لو سمحت
و يا ريت لو جربت حد غيره تقول
و دى اسعار بعض قطع الغيار من التوكيل و دى من غير الضريبة
فلتر زيت 73
فلتر هواء 97
فلتر بنزين 50
فلتر تكييف 113
بوجيهات 4*53=212
4 لتر زيت 266
تيل فرامل امامى 462
اسبراى فوم 35
اسبراى بوابة 45
لمبة فانوس خلفى 7
ده اللى اتغير عندى فى صيانة ال 30 الف بتاريخ 17/12/2011
و بالنسبة للمصنعية كانت 642 و بعد الخصم 480
و يا ريت اكون فدتكم بحاجة

[ashraf79]

فين مكان المهندس ايهاب جلال؟

[A.Adel]

صقر قريش المعادى
و ده رقمه 0123104438

[azkol2005]

المهندس ايهاب محترم جدا وعلى خلق رفيع
لكن مركز شغله في الموديلات الحديثة فقط ويجيد التعامل معاها
وبالتوفيق للجميع

[Eng.Sameh]

أنا اتعاملت معاه ايام مكانت معايا ال c4 .. شهادة حق هو فعلا محترم جدا ومعتدل جدا في اسعاره وغير مبالغ فيها اطلاقا ، وفعلا فاهم كويس جداً وكتعاون لأقصى درجة.

[elmohandes1]

انا باتعامل معاه دايما فى عربيتى الإكسارا و بصراحه انا بارشحه لأى حد عنده إكسارا

تحياتى

[S O P H O S]

مشكور علي التجربة
تسلم

[mangawy2012]

ممكن اعرف ايه سبراي فوم والاسبراي البوابه؟

[specialmomo]

حصل معايا موقف لازم أقولهولكم كان عندي مشكلة فى الفتيس بتاع العربيه مكنتش بتنقل فمكنتش عارف امشي فروحت لمكانيكي جنب البيت عملي قصه وقالى هفكلك الجيربوكس و شغلانه سوده كلمت ايهاب جلال ورحتله ماشي على نقل تالت بس مكنش فى نقلات تانيه وقفت قدامه الصبي بتاعه 10 على 10 فاهم جدا فتح الكبوت في دقيقة راح قايلى المشكله فى ويرات النقلات و راح ربطهالى وقالي المهندس ايهاب قطعه الغيار دي مش عندي لكن انا عملتهالك تقدر تمشي عليها روحت مديله قهوته وشكرا قمه فى الأمانه و المفهوميه كان ممكن يعملها قصه ولو كنت لبست فى فك الجيربوكس والقصص دي كنت هتقول على العربيه السلام

[fepsceasar]

بصراحة الرجل انا اتعاملت معاه فى الاكسارا وهو راجل محترم

[elmohandes1]

حصل معايا موقف لازم أقولهولكم كان عندي مشكلة فى الفتيس بتاع العربيه مكنتش بتنقل فمكنتش عارف امشي فروحت لمكانيكي جنب البيت عملي قصه وقالى هفكلك الجيربوكس و شغلانه سوده كلمت ايهاب جلال ورحتله ماشي على نقل تالت بس مكنش فى نقلات تانيه وقفت قدامه الصبي بتاعه 10 على 10 فاهم جدا فتح الكبوت في دقيقة راح قايلى المشكله فى ويرات النقلات و راح ربطهالى وقالي المهندس ايهاب قطعه الغيار دي مش عندي لكن انا عملتهالك تقدر تمشي عليها روحت مديله قهوته وشكرا قمه فى الأمانه و المفهوميه كان ممكن يعملها قصه ولو كنت لبست فى فك الجيربوكس والقصص دي كنت هتقول على العربيه السلام

نفس الموضوع حصل معايا فى الإكسارا و رحتله على النقله التالته برضه و ف 5 دقايق غيرلى تيش النقلات علشان كان نعم و فلت من مكانه

[mohamed.sh]

انا عايز اشترى سيتروين c4 2006بس مش عارف ايه اخبار الفتيس بيقولو فيه مشاكل فكنت عايز اتاكد وكمان لو حد بيفكر فى بيع عربيتو ممكن يقولى

[mangawy2012]

انا عايز اشترى سيتروين c4 2006بس مش عارف ايه اخبار الفتيس بيقولو فيه مشاكل فكنت عايز اتاكد وكمان لو حد بيفكر فى بيع عربيتو ممكن يقولى

الفتيس كويس بس بيبقى فيه رجه من الاول للتاني لو في الزحمه وده في كل عربيات 2006 بالنسبه للبيع ماتفكرش فيه الا لما تاخد خير العربيه دي وتتمتع بيها بعد كده فكر بيع

[samyyousef]

هل عيب الفتيس بيكون في موديل 2006 فقط
ما متوسط سعر c4 2008