ايه رايكوا فى ستروين ax

[nesr6060]

ايه رايكوا يا رجاله فى ستروين ax حلوه ولا لا وياترى موتورها بيجيب اد ايه سرعه واجيبها ولا بلاش واشوف حاجه تانيه ولو قارنت بينها وبين ال 128 ياترى انهى الاحسن هى لا 128 موديل فوق ال 92
وياترى هى احسن ولا ستروين CX
انا سمعت ان قطع غيار العربيه غاليه بتاعه الستروين Ax يعنى هى تقريبا فى رنج كام بالنسبه لل 128 قدها كام ضعف تقريبا وسعر العربيه حوالى كام علشان لو جيت اجيبها وياترى لو لاقيتها اجيبها واحده مسقطه موتور استيراد احسن ولا واحده بنفس موتورها احسن
معلشى انا قرفتكم عنها بس ياريت تفيدونى برايكم علشان انا محتار لان شكلها حلو وشيك ده كل اللى يعجبنى بس ياترى تنفع سفر اسكندريه لو حبيت اسافر بيها مع اصحابى فى مره وانا من القاهره وتجيب سرعه كام حلو من غير مشكله

[hamada20008]

انا معايا سيتروين ax وبسافر بيها اسكندريه وبتستحمل دا رقمي 01005612010

[vectra2ever]

بص حضرتك الكلام من واحد كان راكب 128 انا ربني اكرمني وجبت ax من حوالي شهرين تقريبا عايز ااقول لحضرتك بندم اني مجبتهاش من زمان عربيه زي الفل تضرب ال128 بالجذمه موتورها 1400 والبودي بتاعها خفيف فقوته جباره وسحبها زي الفل وثبات تمام التمام وقطع غيارها صدقني مش غاليه زي ما انت متخيل الفرق والله بسيط في نظير انك بتاخد قطعه غيار معمره وبتعيش وبسافر بيها كل يوم صالون زي الفل وتكييف والاوبشن الي فيها اصلي مش اضافات ولو حضرتك احتجت اي حاجه انا تحت امرك ونصيحه لوجه الله لو مش عايز تتمرمط ابعد عن ال28

[azkol2005]

السياره الستروين محترمه
كل موديلاتها محترمه
قطع غيارها معمره جدا وبتعيش
قطع غيارها سهل تلافيها عند بتوع البيجو
والاستيراد النضيف احسن من الجديد كخامه وسعر

[Mustaphaax]

اعتقد من وجهه نظري عيبها انها ضيقه شويه مش اكتر و مش اي ميكانيكي يفهم فيها لكن بصراحه عربيه زي الفل و احسن من ال28 طبعا من وجهه نظري

و قطع الغيار مش غاليه جامد زي مالناس متخيله و عموما استاذ ايمن كان حاطط اسعار قطع الغيار في موضوع هنا في القسم ممكن تبقي تشوفه

[nesr6060]

طيب ممكن يا باشا تقولى فين الموضوع اللى فيه قطع الغيار ده من فضلكك ولو هاجيب ستروين اركز على ايه وانا بشتريها واخد بالى منه ولو حالتها جيده بتعمل كام

[ahmedsiyam]

لا مجال للمقارنة اصلا
انا ركبت الاثنين من حوالى 8 سنين الـ 28 قعدت معايا سنة طلعت عينى فيها
الستروين تحفة و ثباتها و مشيها حلو جدا جدا و قطع غيار معمرة لكن بصراحة ماعرفش متوفرة و لا حاليا

[mazagngi2010]

اى عربيه احسن من ال 28

[AAAH]

الموضوع ده هايفيدك جدا ان شاء الله

http://www.nilemotors.net/Nile/35673-ax.html