زراير الازاز بتاعت اكسارا 1 جننتني

[fepsceasar]

يا جماعة لو حد يعرف اى صرفة لوش التابلوه اللى فيه زراير الازاز الكهربا وما تبوظش شكل العربية يا ريت يفيدنى
انا بدور على واحد استعمال كويس ومش لاقى الا حاجات شكلها معفن وانا مستخسر اشيل وش التابلوه بتاعى واركب الحاجات المعفنة دى، ولو ليها صرفة تانية صاج او فبر يا ريت حد يقولى عند مين.
وانا كمان عندى الوش اللى فيه الساعة اللى على الزراير دى من بره مكسور. فهل الوش ده بيتباع حتى لو بالساعة

[scaniax]

الوش بتاع الساعة مش هتلاقيه لأن الكعوب بتاعته ضعيفة جدا و الناس فى الحرفيين بتفك بغشم بعيد عنك و بتكسر الكعوب حتى لو لقيته هتلاقى كعب او اتنين بالكتير هما اللى ماسكين و الباقى مكسور بالتالى لما هتركبه هيبقى فيه لبه صغيرة بالنسبة للزراير ممكن تلاقى الفرام كامل عند مؤمن فى الحرفيين وهو بيبيعه ب 400 جنيه انا مش عارف السعر ده كويس ولا لا بس من غير الوش او بمعنى اصح بوش مقرف ممكن انت لو تروح لواحد فاهم يصبلك وش على قده او يلحم الوش القديم فيبر و تصنفر و ترش او تلزق عليه ابنوس بس خد بالك دى عاوزة واحد نضيييف

[fepsceasar]

متشكر لاهتمامك
طب ترشح حد اعمل عنده الموضوع ده

[scaniax]

متشكر لاهتمامك
طب ترشح حد اعمل عنده الموضوع ده

بص يا جميل - انا مبحبش اتعامل مع ورشة معينة و معنديش حاجة اسمها الصنايعى بتاعى انا بروح كل مرة عند واحد شكل بس الفكرة انه مابسيبوش يقكر فيها لوحده او بمعنى تانى يشغل مخه علشان انا معرفش اذا كان بيفهم ولا لا و مش مستعد اغامر .......... فرضا فى حاله زى بتاعه الزراير دى لو مكانك هروح لحد يفك الفرايم الاول و بعدين اطلع على قهوة اضرب كباية شاى و اولعلى تلات اربع سجاير و الفرايم قدام عينى و افكر ممكن يتعمل ازاى و احط اختيارات و بعدين اطلع على الصنايعى بتاع الفيبر و اقولة بلغة غير مفهومة انى عايز الزق الزراير هنا و اشاور على الحته الفاضيه هيقولى ازاى هعرض عليه اول فكرة نفعت ماشى مانفعتش هقولة طيب انا كنت شوفت واحد عاملها بكذا اللى هى تانى فكرة و ترتيبها اكتر منطقية ----بأختصار انا المخ و هو العضلات اعمل كده و اكيد هتلاقى حل
بالتوفيق

[hossamkoshy]

الموضوع وقف لية ....مقلتاناش عملت اية....انا عندي نفس المشكلة

[fepsceasar]

انا فى ميكانيكى معرفة ثبتهملى كده (بس اى كلام) قاللى على ما تقرر
وانا لسة ما عملتش حاجة
لو وصلت او حد وصل لحاجة يقول

[mahmoud44]

الله ينور