بخصوص ستروين c4 2012

[Ghost2]

السلام عليكم
طبعا دي اول مشاركة ليا في قسم ستروين
انا عايز اسأل على العربية دي عشان بفكر اجيبها وقريت عنها كتير وهي شداني بصراحة خصوصا بعد تفوقها على الاسترا والجولف .. وستروين فعلا قدرت تنافس في الفئة دي
وهل التوكيل هيقرفني ولا هيبقى تمام وقطع الغيار كويسة ولا سعرها عبيط كالعادة من التوكيل . في العربيات الجديدة واظن ان صعب يكون ليها حاجة برة التوكيل .
يعني رأيكو عموما ايه
وشكرا

[haythamabo]

السلام عليكم
طبعا دي اول مشاركة ليا في قسم ستروين
انا عايز اسأل على العربية دي عشان بفكر اجيبها وقريت عنها كتير وهي شداني بصراحة خصوصا بعد تفوقها على الاسترا والجولف .. وستروين فعلا قدرت تنافس في الفئة دي
وهل التوكيل هيقرفني ولا هيبقى تمام وقطع الغيار كويسة ولا سعرها عبيط كالعادة من التوكيل . في العربيات الجديدة واظن ان صعب يكون ليها حاجة برة التوكيل .
يعني رأيكو عموما ايه
وشكرا

انا معايا سيتروين 2005 واللى عملها مش ممكن يعمل اى حاجه نص كم بس كنت عايز اعرف انت حكمت منين انها 2012 اجمد من الاسترا والجولف مجرد استفسار انا ماشوفتش التلاته غير فى الشارع

[Ghost2]

اللي خلاها فرقت عن الجولف و الاسترا .. السعر ونظام التعليق انا شايفه احسن فيها .. وكماليات اعلى .. وموتور احسن من الاسترا في الهورس باور والتورك ... يعني حاجات كتير غير اني ليا تجربة مريرة في اوبل فيكترا 2007

[Mohab.Nabil]

السلام عليكم
طبعا دي اول مشاركة ليا في قسم ستروين
انا عايز اسأل على العربية دي عشان بفكر اجيبها وقريت عنها كتير وهي شداني بصراحة خصوصا بعد تفوقها على الاسترا والجولف .. وستروين فعلا قدرت تنافس في الفئة دي
وهل التوكيل هيقرفني ولا هيبقى تمام وقطع الغيار كويسة ولا سعرها عبيط كالعادة من التوكيل . في العربيات الجديدة واظن ان صعب يكون ليها حاجة برة التوكيل .
يعني رأيكو عموما ايه
وشكرا

و عليكم السلام اهلا و سهلا

هى عربية حلوة جدا طبعا بس للاسف مش منتشرة حالها حال كل الستروين فى مصر مع انى شايفها صفقة رابحة بالامكانيات ديه و السعر ده و انها صناعة و تقفيل كامل فرنساوى ..

بالنسبة للمقارنة مع الجولف و الاسترا انا شايف الجولف اوت بصراحة يعنى عشان تجيبها كاملة زى الستروين اظن فى حدود 210 الف يعنى فرق 50 الف و بصراحة شكلها مبيعجبنيش عكس جولف 5 كان شكلها مميز جدا و طبعا الموتور التعبان بتاع الجولف و الفتيس اللى عليه كلام الـ dsg..

استرا حلوة برضه و تقريبا فى حدود سعر السى فور مش بعيدة عنها و شايفها منافس مش بطال

التوكيل بيحاول يحسن من نفسه بس قطع الغيار اكيد سعرها مش هيبقى لطيف اوى بس ده حال كل الفئة ديه و هتلاقى نفس المشكلة فى الاسترا و الجولف برضه ان مكانتش قطع غيارهم اغلى

برضه اظن صعب تلاقيلها حاجة برة

انا شايف المقارنة بين السى فور و الاسترا و ممكن تضيف البرافو والـ 308 و الاحسن لو تقدر تجرب العربيات ديه او حتى تقعد فيهم فى المعرض هتفرق كتير فى قرارك

و بالتوفيق ان شاء الله

[Ghost2]

مش عارف ان حاسس ني مرتاح اكتر للستروين .. وعايز اطمئن منكو على العربية عشان اخد القرار .. خصوصا اني من راكبي البي ام وعايز اجيب عربية فيها ثبات عالي وفاهية وانا بحب العربية اللي فيها تكنولوجي عالي .. ايه رأيكو

[mohaismail]

شوف ى باشا سى 4 كعربية حاجة كده فوق الوصف عربية جميلة جدااااا وتقفيل فوق الممتاز واستهلاك بنزين رائع وعزل تام عن الاصوات الخارجية يعنى وانت قافل الزجاج تحس انك فى دنيا تانية خالص ونظام تعليق ممتاز والعربية مصفحة من الاسفل دى تقييمى ليها كعربية لانى ركبتها بس مكنتش سايق ..توكيلها بقى معرفش عنه حاجة غير اللى بسمعه من الناس انه توكيل سىء واسعار قطع الغيار غالية بس معمرة وزى منت قولت هيا فعلا افضل من جولف بس معرفش استرا الجديدة ظروفها ايه انا مركبتهاش وخلى بالك العربية فرنساوى بالكامل وتقفيل فرنساوى واللى تتقارن بيها من وجهة نظرى بيجو 308 وهيا برضه عربية فوق الوصف

[Mohab.Nabil]

مش عارف ان حاسس ني مرتاح اكتر للستروين .. وعايز اطمئن منكو على العربية عشان اخد القرار .. خصوصا اني من راكبي البي ام وعايز اجيب عربية فيها ثبات عالي وفاهية وانا بحب العربية اللي فيها تكنولوجي عالي .. ايه رأيكو

الارتياح النفسى مهم و هى عربية حلوة فعلا فربنا يكرم ان شاء الله .. بصراحة انا مجربتهاش الا تست درايف كده على السريع بس انا معايا الشكل القديم و اكيد مش هتبقى اقل منه ان مكانتش اعلى فى الاداء و فى كل حاجة .. الستروين معروف عنه ثباته الرهيب على الطريق مفيش قلق من النقطة ديه .. الرفاهية عربية مليانة اوبشنز و فيها تقريبا كل حاجة الا فتحة السقف و طبعا ستروين معروفة انها دايما سابقة فى التكنولوجى و فيها اعلى تكنولوجى موجود

بالتوفيق ان شاء الله

[dede_dodo88]

أنا لفترة كنت بفكر في العربية دي و كانت عجباني كشكل و كماليات,
بس صرفت نظر تماماً عنها لأني مش ميال للعربيات الفرنساوي + أنتشار يقارب الصفر + مفيش حد محذرنيش من التوكيل..
هي يمكن أه كماليات أعلى من الجولف و الأسترا -و هي نازلة بالكماليات الكتير دي عشان تقدر تنافس في فئة العربيات دي- لكن أنا في رأيي الألماني يتفوق تماماً.. جولف, أسترا, و فوكس طبعاً.. و صعب أوي ستروين أو أي عربية تانية تدخل في المنافسة مع العربيات التلاتة دول..
أنت لو بصيت على ترتيب أعلى مبيعات عربيات في أوروبا مثلاً, هتلاقي التلاتة دول من ضمن أول 10 و الستروين مش في المنافسة أصلاً..
ممكن تفكر في الفوكس هاتشباك, هي أغلى شوية بس تستاهل..

[Ghost2]

هو ليه الشكل القديم مظلوم في مصر مع ان العربية دي محترمة ومن كلامكو واغضاء القسم محدش بيشتكي منها خالص .. يعني لا حد قال فتيس ولا حد قال بتسخن ولا اي كلام من ده .. طيب ليه مباعتش كويس

[fepsceasar]

هو ليه الشكل القديم مظلوم في مصر مع ان العربية دي محترمة ومن كلامكو واغضاء القسم محدش بيشتكي منها خالص .. يعني لا حد قال فتيس ولا حد قال بتسخن ولا اي كلام من ده .. طيب ليه مباعتش كويس

لان فى مصر عموما ما حدش بيدور ويقارن بين العربيات هو بيشوف بن خالته وجاره جاب ايه وخلاص لذلك هم موديلين تلاتة فى كل فئة اللى بتلاقيهم ماشيين فى مصر ولو حاولت تخرج عن الاطار ده تلاقى واحد عمال يفتيلك ويقولك ما الناس كلها راكبة الموديلات دى اشمعنى انت اللى هتعمل نفسك بتفهم