حصرياً لنايل موتورز .. تقرير بالصور عن سيتروين ds 5

[eng.m7md.ali]

النهاردة كنت عند وزة ( عز العرب ) بعمل شوية حوارات في عربيتي
قولت اوصل لسيترويين اتفرج على الوحش واعمل تقرير بسيط يارب يفيد ناس كتير

وانا في الطريق شوفت الوحش مترخص وواقف قدام ورشة سيترويين





بعد مادخلت بصيت الاول على ورقة المواصفات عشان اتفرج على العربية براحتي بعد كدة
مواصفات الموتور :



- 1600 سي سي \ 4 سلندر بقوة 163 حصان عند 6000 rpm وعزم 240 نيوتن عند 1400 rpm

الكماليات :



-تكييف اوتوماتك خلفي وامامي
- ستب ترونيك جير بوكس 6 سرعات
-ايرباجز امامية وفي الجناب والكراسي وخلفي في القوايم ( تقريبا 8 )
-abs + ebd + esp + eba + tcs
- سمارت كي
- مثبت سرعة
- وليدات وحاجات تانية كتير جدا
- كاميرا خلفية
- جي بي اس
- سخانات في الكراسي
- فتحت سقف ورا وقدام
- كراسي كهربة للسائق والراكب الامامي

طبعا مكتوب في المواصفات انها بتنزل بجنوط 18 مع كاوتش 235 - 45
بس اللي في المعرض اللي هيا high line بتنزل بجنوط 17 مع كاوتش 225-55

نكمل باقي الصور !!

صورة الطارة والعدادات


التكييف والكاسيت والجي بي اس


التكييف الخلفي


التابلوه


فرش الباب


الفتيس


الكونسول


التكييف والتابلوه تاني


الكنبة الخلفية


الكرسي الكهربة + السخان + الميموري


فتحت السقف الامامية .. قصدي فتحتين السقف اللي قدام




فتحت السقف الخلفية


مساحة الرجل ورا ( ديقة حبتين )


العفشة الخلفية






ودي شوية صور للعربية من برة ( قولو بسم الله ماشاء الله )














للذكرى :)


ودي بقى عزيزة اللزيزة ( my ride ) تقريباً مفيش فرق :)


احساسي بالعربية :
العربية ضخمة جداً وتخوف اي حد جمبها او شايفها في مرايته
بصراحة قمة الابداع في التصميم
الخامات طبعا فوق الممتازة
القاعدة قدام زي الفل وواسعة وتحس انك راكب طيارة او عربية زي ال e300 (مرسيدس)
طبعا من ورا مش واسعة اوي بس شغالة

السعر :
245 الف جنيه
وزود عليها 40 الف هتاخد جي بي اس
فوانيس ليدات تقريبا قدام
سنسور بارك امامي
فتحات سقف
فرش جلد
وحاجات تانية كتير


بصراحة انا لو معايا فلوسها مش هفكر في حاجة اسمها شيروكو ولا ميني كوبر
العربية تحفة بجد
يارب يكون التقرير عجبكم
Felix

[ahmad--ezzat]

فخمه جداااا
مشكور جدا علي التقرير

[A.Adel]

تقرير ممتاز :) , بس مش كنت تعمله في قسم citroen

[شاهين - بنز]

ألف شكر على التقرير تحفة
وبالنسبة للي صمم التابلوه فأكيد حيروح النار حدف

[A.Adel]

بالنسبة لضيق المساحة من ورا
بيتهيألي الصور موضحة إن الكرسي اللي قدام راجعة لورا اوي
ده الدواسة اللي ورا نصها مش باين :)

[eng.m7md.ali]

يارب يكون التقرير عجبكو يا رجالة
والف شكر لمروركو الكريم
بالنسبة لاني معملتوش في سيتروين عشان اغلب الاعضاء بتدخل هنا اكتر من سترويين وفي بردو ناس كتير جداً مستنيين تقرير عن العربية دي
يابختكو يا بتوع السيترويين :))

[Mohab.Nabil]

ههههه يا فيلكس باشا مستخسر التقرير فى قسم ستروين

بهرج طبعا

لا تقرير مميز جدا ماشاء الله و سبقتنا المرة ديه :d

بالنسبة للمساحة فعلا هما بيكونوا مرجعين الكرسى اللى قدام ورا اوى عشان يدى الاحساس بالوسع فى الامام زى الكوبيه و طبعا دا بيأثر جامد فى المساحة ورا

انا جربت الركوب فى العربية فى المعرض برضه مرتين و لاحظت الموضوع ده بس العربية فعلا ماشاء الله تحفة فنية

[eng.m7md.ali]

مهاب باشا صباح الفل عليك
التقرير وصاحب التقرير تحت امرك ياكبير بس انا نفسي العربية دي تاخد شريحة كبيرة من الناس عشان بجد تستحق

وبالنسبة للكرسي فانا ركزت تاني وفعلا كلامكو صح لان مش معقول المساحة الرهيبة اللي قدام دي تبقى على حساب اللي ورا

[Mahmoud Nagieb]

على فكرة بقى

العربيات اصلا حرااااااااااااام

[hany63]

لو الوكيل ما عرفش يسوقها و خصوصا مع خوف الناس من ال vw يبقى ما لوش في البطيخ وخصوصا ان كل كاتيجوري ال s هو اللي بيعادل ال tsi و اقوى كمان
و تسلم ايدك على التقرير

[eng.m7md.ali]

على فكرة بقى

العربيات اصلا حرااااااااااااام

مش كله
السيتروين ds5 دي كفر اساسا :)

[A.Adel]

لو الوكيل ما عرفش يسوقها و خصوصا مع خوف الناس من ال vw يبقى ما لوش في البطيخ وخصوصا ان كل كاتيجوري ال s هو اللي بيعادل ال tsi و اقوى كمان
و تسلم ايدك على التقرير

هو الناس برده عندها عقدة الفرنساوي , يعني يركب الماني بـ DSG أحسن من الفرنساوي !!!!!!
هو بس عيب ال ds5 إنها ولا HB صرف زي ال ds4(شبابي يعني )
ولا هي sedan ,دي حاجة كده زي ال(bugatti galibier (4-door saloon

مش أي حد يقدرها ;)

[ecybrarian]

التقرير رائع...العربية تحفة...السعر مبالغ فيه...قعدنا من اواخر الستينيات لحد الالفية الجديدة نركب 128، عربية زي دي ما تكلش معنا :-)))

[medoghaly]

هيا شكلها وهم و خسارة عربيات زي دي متاخدش شهرة اللي تستحقها
الف شكر يا باشا علي التقرير

[Mohab.Nabil]

التقرير رائع...العربية تحفة...السعر مبالغ فيه...قعدنا من اواخر الستينيات لحد الالفية الجديدة نركب 128، عربية زي دي ما تكلش معنا :-)))

مبالغ فيه ليه يا باشا حضرتك بص على المنافسين فى نفس الفئة كده و على الاوبشنز و الموتور و الامكانيات اللى فيهم و هتلاقى فعلا ان سعرها منافس بالنسبة للفئة ديه