من فات داره إتقل مقداره ولا إيييييه ؟؟؟؟!!!!

[mohamedowais]

صبحكم الله بالخير يا أهل الستروين :D
والله أنا من أهل البروتون (معايا بروتون جين 2 2007) ومريحاني معنديش معاها مشاكل
ومعروض عليا إ‘ني أنضم لعائلتكم الكريمة عم طريق شراء ستروين C4 2007 بحالة ممتازة وبسعر 60000
فما رأيكم دام فضلكم
هل أنتقل للستروين ولا من فات داره إتقل مقداره ؟؟!!!!

[akmm]

موفق فى قرارك ان شاء الله .

[mbx4e]

فرق شاسع بين الاوروبي والاسيوي

[haythamabo]

بص يا باشا ده رئىى المتواضع انا ركبت الاتنين السى 4 تحس انك فى سفينه فضاء عربيه مميزة جدا مافيش عربيه فى العالم فيها العدادات بالشكل ده ولا الدريكسيون الثابت ده فعشان كده تحس انها مميزة عن اى عربيه تانيه مهما كانت اغلى منها وبعدين هاتحس ان الربيه متفصله عليك وبتديك كل اللى بيحلم بيه اى حد فى عربيته من غير ما تعدل فيها الهوى

[Mohab.Nabil]

انا دايما رأى ان اللى مرتاح فى حاجة ميغيرهاش بعيدا عن البروتون و الستروين دا رأى عام .. بس طبعا بتفرق حسب شخصية كل واحد هل بيحب دايما انه يبقى مستقر و لا يحب يغير و يتعلم و الاثنين مش غلط .. كلها وجهات نظر

بالنسبة للعربيتين فأنا قبل كده كان معايا بروتون جين 2 و بصراحة عربية ممتازة جراية جدا ماشاء الله و رأى انها تعتبر احسن عربية فى فئتها .. السى فور طبعا فئة تانية .. جين 2 زيرو اوتو بحوالى 90 الف و السى فور حوالى 140 الف ... لما تنقل للسى فور هتحس بستايل و برستيج اعلى .. خامات افضل كتير .. ثبات افضل شوية .. تكنولوجيا اعلى .. تسارع اقل شوية .. بس اهم حاجة فى الستروين انك تكشف عليها فى التوكيل و لازم التوكيل عشان لازم تتوصل بالكمبيوتر بتاعها بيبين الاعطال اللى فيها .. سعر الستروين ممتاز لو حالتها كويسة توكل على الله فيها هتحس بنقلة ان شاء الله عن البروتون بس لازم تتأكد من حالتها 100% او ممكن تزهقك من العربيات كلها لو حالتها مش تمام

[rahieb_100]

اتفق مع استاذ مهاب فى كلامه
دى حمادة ودى حمادة تانى خالص :d
وزى ما قالك اكشف عليها كويس وربنا يوفقك

[fepsceasar]

افحص العربية كويس وتوكل على الله بس ما تخليش اى حد يعكلك فيها