New Citroen C3 Picasso-تقرير كامل

[A.Adel]

الموتور cc1600




HP : 125 @ 6000 rpm






Torque : 160 nm @ 4250 rpm






السرعة القصوى: 188 كم






التسارع : 0-100 11.5 ثانية






استهلاك البنزين المتوسط : 6 ل/100 كم (8 داخل البلد و 4.8 على الطريق السريع )






مساحة الشنطة : 385 لتر و 500 في حالة شيل الرف الخلفي

و 1506 في حالة طي الكراسي الخلفية

العفشة الأماميه : Pseudo Macpherson






العفشة الخلفيه : Deformable beam






وزن السيارة : 1402 كج









العربية بتنزل مصر فئة واحدة بفتيس EGS و ده فتيس 6 سرعات auto بس مبني على أساس فتيس manual زي ال dual logic بتاع fiat






اوبشنز العربية :






1 - تكييف مانيوال 5 سرعات مزود بفتحات خلف الكراسي الخلفيه




2- شفتات في الطارة




3 - 4 ايرباج




4- abs/ebd/eba/ ESP with traction control




5-عجلة قيادة من الجلد بها مالتى فنكشن للتحكم فى وظائف الكاسيت و مثبت السرعة مع حليات من الالمونيوم




6- مثبت و محدد سرعة




7 - بلوتوث




8- خاصية guide me home




9 - نور ضباب امامى مع خاصية الـ cornering و نور ضباب خلفى




10 - زجاج خلفى و جانبى فاميه




11- سنتر لوك مع ريموت كنترول




12- مسند يد امامى منزلق بحامل أكواب




13- حليات من الالمونيوم و الكاربون فيبر فى جسم السيارة الخارجى




14- مصفحة تحت محرك السيارة




15- اماكن للتخزين تحت الكراسى الامامية




16- راديو سى دىmp3 مزود بخاصية الـ aux/usb




17- سبويلر خلفى به نور ستوب




18 - مساحة زجاج خلفية تعمل اوتوماتيكيا مع وضع الـ reverse




19- 2 زجاج كهرباء مع خاصية الـ One touch




20 - خاصية الـ child safety




21 - امكانية تعديل ارتفاع كرسى السائق




22- مرايات ضم كهربائية مع اشارات بالمرايات




23- عداد ديجيتال مع كمبيوتر رحلات مدمج




24 - نظام تعليق خدمة شاقة للطرق المصرية




25- حساس خلفى للركن




26 - حامل اكواب




27 - بارات حماية للابواب فى حالة التصادم




28 - درج التخزين مكيف ( ثلاجة صغيرة )




29 - مخرج كهرباء 12 فولت



30 - جنوط سبور مقاس 195/55 R16



و دي شوية صور للعربية






الصور منقولة من صفحة citroen egypt على ال FB و بعتذر لو جودتها مش ممتازة :)



السيارة من الامام






السيارة من الخلف







الجنط







تابلوه العربية







الطارة






بادل شفت و مثبت سرعة





بادل شفت يمين و ملتي فنكشن




الكاسيت والتكييف





العدادات





الفتيس





الكرسي الامامي





الكنبة الخلفية





الباب الامامي





الباب الخلفي





الشنطة





سعرها 129000 و ضمان 3 سنين أو 100000 km
و فيه عروض تقسيط سنة بدون فوايد و عروض تانية من عز العرب و اوتو ماجد

[samyyousef]

السلام عليكم
تقرير رائع , و مجهود هايل
كنت احب اعرف بخصوص العفشة الخلفية هل هي افضل ام الملتي لينك
و هل هذا النوع من الفتيس سبق تجربته في موديلات اخرى قبل ذلك و هل به ثمة مشاكل
تقبل تحياتي

[A.Adel]

و هل هذا النوع من الفتيس سبق تجربته في موديلات اخرى قبل ذلك و هل به ثمة مشاكل
تقبل تحياتي

الفتيس ده موجود من زمان في citroen ,كان الاول اسمه sensodrive و ده كان 5 سرعات
كان بينزل في c1, c2 ,c3
و بعد كده طوروه ل EGS و ده 6 سرعات
أنا رأيي ده ممتاز كاستهلاك بنزين و أداء

و عشان تطمن ,لو حضرتك عملت سيرش على EGS problems , مش هتلاقي كتير
و هتلاقي اغلبهم بيسألوا عليه :) , والتقييمات بتاعته كويسة

بس فيه حاجة لازم تاخد بالك منها إن ده semi-auto , يعني ممكن تحس بالنقلات شوية عالأول والتاني زي المانوال (لو ركيب مانيوال هيعجبك قوي :) )

[hossam_elwani]

يعنى التكنولوجيا دى كلها وفى الاخر البيبان الى ورا اكر !!!!!!!!!!!!!!!!!!!

[A.Adel]

السلام عليكم
تقرير رائع , و مجهود هايل
كنت احب اعرف بخصوص العفشة الخلفية هل هي افضل ام الملتي لينك

كل واحدة ليها مميزاتها , بس عموما الملتي لنك مش بتنزل فالعربيات الصغيرة إلا نادرا
ممكن حضرتك تبص عالموضوع ده كده ,هيفيدك في الموضوع ده

http://www.nilemotors.net/Nile/151237-torision-beam-multi-link.html

بس مش شرط أي عربية multi link تبقى أحسن من أي عربية torsion beam
و مثل على كده ال elantra القديمة كانت multi link

[Mohab.Nabil]

يعنى التكنولوجيا دى كلها وفى الاخر البيبان الى ورا اكر !!!!!!!!!!!!!!!!!!!

دا نوع من انواع الامان عشان العربيات اللى من النوع ده بيعتبرها عربيات دايما بيركب فيها ورا اطفال صغيرين فمش بيركب زجاج كهرباء عشان يحميهم ان حد يزنق ايده او يتعور مثلا .. مش ضعف فى التكنولوجيا خالص

[Mohab.Nabil]

تقرير متميز جدا

الف شكر على التقرير يا احمد .. شغل جامد و الله

و العربية ديه فعلا ممتازة و منتشرة جدا فى شوارع اوروبا و سعرها جميل جدا على الاوبشنز اللى فيها و الشكل بتاعها جميل .. تستحق تحقق مبيعات اكتر من كده كتير

[A.Adel]

يعنى التكنولوجيا دى كلها وفى الاخر البيبان الى ورا اكر !!!!!!!!!!!!!!!!!!!

ال punto evo إزاز ورا أكر و opel corsa و كمان seat ibiza المانيوال لما كانت موجودة :)

[Hosam_Optrawy]

شكرا جزيلا على التقرير والمجهود

دا نوع من انواع الامان عشان العربيات اللى من النوع ده بيعتبرها عربيات دايما بيركب فيها ورا اطفال صغيرين فمش بيركب زجاج كهرباء عشان يحميهم ان حد يزنق ايده او يتعور مثلا .. مش ضعف فى التكنولوجيا خالص

ال punto evo إزاز ورا أكر و opel corsa و كمان seat ibiza المانيوال لما كانت موجودة :)

اسمحولى ياجماعه السبب دا مش مقنع :) الأكر دى استرخاص مش حاجه تانيه

لو على الامان والاطفال , الازاز الكهربا تقدر تدوس على الزرار بتاع اللوك فى باب السواق وانت الوحيد اللى تتحكم فيه

او لو العربيه نازله ب Safety Power Windows لو جيت تقفل الازاز وفى اى حاجه حجزته هايقف اوتوماتيك

[hossam_elwani]

شكرا جزيلا على التقرير والمجهود





اسمحولى ياجماعه السبب دا مش مقنع :) الأكر دى استرخاص مش حاجه تانيه

لو على الامان والاطفال , الازاز الكهربا تقدر تدوس على الزرار بتاع اللوك فى باب السواق وانت الوحيد اللى تتحكم فيه

او لو العربيه نازله ب safety power windows لو جيت تقفل الازاز وفى اى حاجه حجزته هايقف اوتوماتيك

احييك فعلا كلامك مزبوط والاطفال مش حجه ده استرخاص او عدم وعى !!!!!!!!!!

[Mohab.Nabil]

شكرا جزيلا على التقرير والمجهود





اسمحولى ياجماعه السبب دا مش مقنع :) الأكر دى استرخاص مش حاجه تانيه

لو على الامان والاطفال , الازاز الكهربا تقدر تدوس على الزرار بتاع اللوك فى باب السواق وانت الوحيد اللى تتحكم فيه

او لو العربيه نازله ب safety power windows لو جيت تقفل الازاز وفى اى حاجه حجزته هايقف اوتوماتيك

مش عارف بصراحة يا حسام باشا بس برضه مش قادر اقتنع ان هيسترخصوا فى حاجة زى ديه اصل التوفير فيها هيبقى قد ايه يعنى .. هو كلام حضرتك صح طبعا بس برضه الموضوع محير يعنى هينزلوا عربية بالشكل ده و كل الاوبشنز ديه و هيسترخصوا فى زجاج كهرباء ؟

[Mohab.Nabil]

احييك فعلا كلامك مزبوط والاطفال مش حجه ده استرخاص او عدم وعى !!!!!!!!!!

يا جماعة اظن الموضوع مش استرخاص .. اصل فيه حاجات كتير اوى كانت ممكن تتشال بسهولة و هتوفر عليهم اكتر كتير زى الجنوط مثلا .. مش عارف بصراحة الموضوع ده محير فعلا

[حاتم]

يعنى التكنولوجيا دى كلها وفى الاخر البيبان الى ورا اكر !!!!!!!!!!!!!!!!!!!

فيه منها فئات برة مصر أربعة زجاج كهرباء.
المفروض الوكيل هنا يهتم بتوفير فئة أعلى أو على الأقل يوفر الفئتين ويترك الاختيار للناس.

[A.Adel]

أستاذ optrawy و أستاذ elwany
لما يسترخص في مكن إزاز , مش أحسن ما يسترخص في عوامل أمان زي عربيات كتير قوي منتشرة ؟؟
أو برده مش أحسن ما يشيل بارات الحماية اللي في البيبان زي عربيات برده منتشرة ;)

[A.Adel]

فيه منها فئات برة مصر أربعة زجاج كهرباء.
المفروض الوكيل هنا يهتم بتوفير فئة أعلى أو على الأقل يوفر الفئتين ويترك الاختيار للناس.

عز العرب جايب تاني فئة اللي هي VTR+
ال exclusive فعلا فيها إزاز كهربة , بس خليك مكانه إذا كان مش عارف يبيعها وهي بـ 129
مابالك بقى لو بقت بـ 135-140 ألف ؟؟ :)

عموما أنا شايف إنه حاجة هايفة جدا لو قارنته بكماليات و عوامل أمان العربية