New citroen C3 pecasso

[mh.abdelghani]

سيتروين سي ثري بيكاسو

سيارة ممتازة خاصة اذا قارنتها بنظيرها الكوري الي هوا كيا سول من حيث الكفاءة و الامان و السعر و الاداء و الكماليات
بس المشكلة كالاتي:

انا شفت السيارة في المعرض و عجبتني جدا بس المشكلة اني قلقان من التعامل مع عز العرب في الصيانة و قطع الغيار و قلقان ايضا من عدم توفر قطع الغيار مستقبلا لان السيارة ليس لها تواجد في الشارع المصري تقريبا يعني عمري ملشفت اي سيارة منها في الشارع شفتها عند عز العرب بس٠ ممكن حد يفدنا في الموضوع ده؟ و ينقل لينا خبرته مع السيارة ده بشكل خاص لو يعرف عنها جاجة٠ او ينقل لينا خبرته مع الستروين و عز العرب بشكل عام

[A.Adel]

أنا كنت لسة برد على حضرتك في الموضوع التاني :)

[A.Adel]

سيتروين سي ثري بيكاسو

سيارة ممتازة خاصة اذا قارنتها بنظيرها الكوري الي هوا كيا سول من حيث الكفاءة و الامان و السعر و الاداء و الكماليات

ما بلاش المقارنات دي عشان دايما بتعمل مشاكل :)

[A.Adel]

بس المشكلة كالاتي:

انا شفت السيارة في المعرض و عجبتني جدا بس المشكلة اني قلقان من التعامل مع عز العرب في الصيانة و قطع الغيار و قلقان ايضا من عدم توفر قطع الغيار مستقبلا لان السيارة ليس لها تواجد في الشارع المصري تقريبا يعني عمري ملشفت اي سيارة منها في الشارع شفتها عند عز العرب بس٠ ممكن حد يفدنا في الموضوع ده؟ و ينقل لينا خبرته مع السيارة ده بشكل خاص لو يعرف عنها جاجة٠ او ينقل لينا خبرته مع الستروين و عز العرب بشكل عام

أيوه كده اسأل زي ماحضرتك عاوز و بعدين حضرتك تحكم
والرأيين محترمين ,كل واحد بيشوف اهتماماته

أولا فيه ضمان 3 سنين ,يعني التوكل ملزم يوفر لحضرتك قطع غيار أول 3 سنين
و لو حضرتك امنت عليها مش هيبقى فيه أي مشاكل لو لاقدر الله حصل حاجة و ده على فكرة حال أي عربية اوروبي جديدة مش دي بس

بالنسبة لتوافر قطع الغيار ,أساسا أي شركة محترمة بتجبر الوكيل إنه يوفر قطع الغيار قبل العربية و باعداد تفوق اعداد العربية المباعة ومش هقولك غير انزل مرة مركز الصيانة و شوف في حد بيشتكي من حاجة و ممكن برده تكلم george eskandar نمرته موجودة في موضوع ال C5

بعد 3 سنين بقى , هي أساسا مشتركة مع ال c4 وال ds3 في ال motor
يعني هتبقى انتشرت شوية و برده باقي الحاجات هتلاقيها بس نادرة


في الآخر حضرتك ليك الإختيار , تركب حاجة مميزة و عوامل أمان عالية جدا و خامات ممتازة و تكنولوجي عاليَّه و سعر ممتاز بس صعبة شوية في صيانتها

أو تركب حاجة منتشرة عشان اعادة البيع أو سهولة الصيانة

[A.Adel]

او ينقل لينا خبرته مع الستروين و عز العرب بشكل عام

أنا عن نفسي رحت 3 مرات ,عمري ماسمعت شكوى واحدة و طلبت اخرط الطنابير بدل مغيرها و عملوهالي عند واحد تبعهم :) و مرة تانية ال lock بتاع العجل باظ و قطمهولي ببلاش و لما اشتريت العربية منهم طلبت إنهم يوصلوهالي للبيت و جابوها فعلا , الناس متعاونين جدا
على الاقل من سنة و نص أول ما بدأت التعامل معاهم

[Mohab.Nabil]

بص يا باشا

العربية عمرها ما هتنتشر انتشار السول ديه حاجة اكيدة .. و اكيد حضرتك عارف ان ده مش لعيب فى العربية بس ديه ثقافة سوق خلاص مش هتتغير الا بعد كتير بقى لو اتغيرت

يبقى مشكلة قطع الغيار ديه مشكلة حقيقية و مش لازم ننكرها .. قطع الغيار هتلاقيها متوفرة فى التوكيل و هتلاقى برة قطع غيار الموتور و الحاجات الميكانيكية لأن الموتور ده نازل فى عربيات ستروين كتير و فى عربيات بيجو كمان زى ما احمد قالك بس المشكلة هتبقى فى قطع الغيار الخاصة بالعربية زى الفوانيس و الكلام ده و طبعا برضه التأمين هيغطى كل الكلام ده و ممكن حضرتك برضه تسأل على اسعار قطع الغيار فى التوكيل باعتباره هيكون مصدرك الوحيد و تشوف هل الاسعار هتبقى معقولة ولا لا

التوكيل نفسه كويس الى حد ما و متعاون بس طبعا مشكلته غلو قطع الغيار و المصنعية شوية و زى ما بقول لحضرتك ممكن تسأل على الاسعار و تشوفها مناسبة ولا لا

بالنسبة للعربية فهى محترمة جدا و انا شايف سعرها جميل بالنسبة لامكانياتها و حجم التكنولوجيا و الاوبشنز اللى فيها

و العربية ماشاء الله محققة مبيعات ممتازة فى اوروبا و شفتها كتير جدا فى الشوارع الاوروبية لما كنت هناك خاصة فى ايطاليا لأنهم بيفضلوا الاستايل ده من العربيات

بالتوفيق ان شاء الله