السيارة جديدة و التكييف ضعيف

[mh.abdelghani]

أنا اشتريت السيارة C3 Picasso
استلمت السياره من يومين و الحمد لله حاسسها سيارة ممتازة. بس حاسس إن أداء التكيف ضعيف جداّ.
يعني كنت مشغله على 3 و الطريق سريع و درجة الحرارة 28 بره السيارة و احنا في شهر 11 أمال في أغسطس حاعمل إيه.
هل ده عادي مع بداية عمر السيارة. أفيدوني أفادكم الله.

[Mohab.Nabil]

الف مبروك يا باشا

بصراحة فيه اقاويل كتيرة جدا فى موضوع التكييف ده هل صح اصلا تشغله و العربية لسه جديدة ولا لا .. و بصراحة سمعت اكتر من رأى و مفيش رأى قاطع فى الموضوع

بس ممكن حضرتك تراجع الكتالوج اكيد هيبقى فيه معلومات عن اللى لازم تعمله فى الالف كيلو الاولى عشان تحافظ على العربية ..

التكييف برضه ممكن تراجع الكتالوج جايز يبقى فيه حاجة مش مظبوطة صح

عموما تكييف الاوروبى مش بنفس جودة اليابانى و الكورى و ديه حاجة معروفة حتى فى البى ام بس طبعا مش بيبقى ضعيف يعنى برضه لازم تحس ان فيه تكييف خصوصا فعلا ان الجو مش حر .. لو فضل الموضوع كده بعد مراجعة الكتالوج و تظبيط الاوبشن بتاعه ممكن فى الصيانة تقول ليهم على الملحوظة ديه فى التوكيل و هما هيظبطوها اكيد ان شاء الله لو فيه حاجة و متقلقش نفسك بالموضوع ان شاء الله يبقى حاجة بسيطة

و يا ريت لو تحكيلنا عن العربية اكتر

[mh.abdelghani]

الله يبارك فيك.
السيارة مريحه جدا في المشى. العفشة ناعمه. و واسعه جدا كمان. و فيها كل الإمكانيات ما عدا الزجاج الخلفي مانيوال و المرايات ضم مانيوال أيضاّز المهم موضوع التكييف ده يتظبط إن شاء الله. و أنا تحت أمرك في أي سؤال عن السيارة.

[Mohab.Nabil]

الله يبارك فيك.
السيارة مريحه جدا في المشى. العفشة ناعمه. و واسعه جدا كمان. و فيها كل الإمكانيات ما عدا الزجاج الخلفي مانيوال و المرايات ضم مانيوال أيضاّز المهم موضوع التكييف ده يتظبط إن شاء الله. و أنا تحت أمرك في أي سؤال عن السيارة.

يا باشا ربنا يباركلك فيها ان شاء الله و يديك خيرها و يكفيك شرها

و اختيار ممتاز بصراحة و مع الوقت هتعرف ان العربية فعلا من احسن العربيات فى الفئة ديه و الزجاج ورا مانيوال مش مشكلة اوى و برضه المرايات الضم مش موووع يعنى كله كلام بسيط و فيه اوبشن كتير يعوض الكلام ده فى العربية و اكيد حضرتك حاسس بكده ..

كنت هتقل عليك و اطلب تقرير بسيط كده بس بعد شوية لما تتعود على العربية عشان يبقى حكمك سليم 100%

و نشوفك ان شاء الله فى مقابلة القسم الجاية