محتاج رايكم جدا فى ستروين ax

[xxmidoxx]

السلام عليكم

انا يا جماعه معايا 20 الف جنيه محتاج عربيه ترحمنى من الزحمه ولموصلات

ونفسى فى عربيه لا تكركر ولا اعد اسمع فى تخبيط وهى ماشيه

بصراحه محدش قلى اشترى ستروين ax بس انا من بحثى على النت لقتها من افضل الاختيرات لانى نفسى فى عربيه يكون فيها تكيف

فا انتوا بما انكوا متخصصين فى ستروين ايه رايكوا فى العربيه وايه نصيحتكوا ليه ؟!!!

يا ترى اتوكل على الله ولا فى اختيار انسب منها ؟

[Mohab.Nabil]

انا شايف انها من افضل الاختيارات فى السعر ده

خصوصا ان هى احدث الاختيارات كسنة صنع و برضه اهم حاجة تشترى عربية مش متهانة و ماسكة نفسها عشان متتعبش معاها بعد كده

و دا موضوع مفيد ان شاء الله تستفاد منه و تعرف اكتر عن العربية

http://www.nilemotors.net/Nile/35673-ax.html

[rotanamasoud]

من خبره 3 سنين مع العربيه
لو حاله العربيه ممتازه حتتبسط جدا منها وحتحبها موتور قوى على عربيه صغيره
اقتصاديه فى البنزين(اقتصاديه جدا فى السفر)
نعومه الفرنساوى قطع غيار معقوله جدا
لاكن التكييف ادائه جيد وميصلش الى جيد جدا(تكييف عربيتى يمكن لو تكييف فبريقه يفرق)
والمحرك لا يشعر بالتتكييف وانت سائق
لو الحاله تعبانه حتكره العربيه(شخصيا عانيت من مشكله السخونه حتى حللتها الحمد لله)
اى اسئله انا معاك