مشكلة ال c4 موديل ٢٠٠٦

[fiot]

السلام عليكم
شباب الستروين
انا معروض عليه سي فور ٢٠٠٦ وماشيه ٧٦ ألف بس لاقيت حد في النتدي بيتكلم ان موديل ٢٠٠٦ في مشاكل صناعة والفتيس
فهل ده صحيح
أرجو نصيحتكم وربنا يكرمكم جميعا

[fiot]

ايه يا شباب ما فيش حد في المنتدي ولا إيه

[Mohab.Nabil]

مفهوش مشاكل صناعة

الفتيس بس فى ساعات بيحصل منه مشاكل زى حال معظم الفتيسات الفرنساوى فى اول نزل الستبترونيك فى مصر 2005 و 2006 و معظمها بيبقى ناتج عن اهمال فى الصيانة

العربية ممتازة جدا و best value for money فى السوق المصرى .. بتركب عربية فيها كل حاجة و شكلها رائع و مش ناقصها حاجة بحوالى 60-65 الف جنيه

اهم حاجة تاخد العربية تكشف فى التوكيل او مركز معتمد لأن العربية بيتكشف عليها بجهاز مخصوص لستروين و بيجو بيبين لو فيها اى مشاكل فى اى كماليات و العربية كده الكيلومتر بتاعها معقول جدا بالتوفيق ان شاء الله

[fiot]

شكرا لردك يا أستاذ مهاب وربنا يبارك فيكم جميعا

[Mohab.Nabil]

شكرا لردك يا أستاذ مهاب وربنا يبارك فيكم جميعا

العفو يا باشا و لو عندك اى استفسار عن العربية اتفضل

و بالتوفيق ان شاء الله

[fiot]

معلش عشان اطمن العربية ايه نظام العفشة ناعمه ولا ناشفة
ثباتها كويس ولا لحد سرعه معينه
الفتيس بينتش في النقلات ولا ما تحسش بيه
معلش شوية تفاصيل بس علشان اطمن
وربنا يجازيكم خير على مساعدتكم

[Mohab.Nabil]

معلش عشان اطمن العربية ايه نظام العفشة ناعمه ولا ناشفة
ثباتها كويس ولا لحد سرعه معينه
الفتيس بينتش في النقلات ولا ما تحسش بيه
معلش شوية تفاصيل بس علشان اطمن
وربنا يجازيكم خير على مساعدتكم

العفشة متوسطة مش ناشفة اوى و مش ناعمة اوى برضه بس متتعبكش و انت راكب يعنى

الثبات ماشاء الله ثابتة جدا على الطريق .. عايز اقولك اتفرج على اى c4 على طريق سريع و هتلاقيه عمره ما بيهدى على اى ملف

الفتيس معرفش بصراحة لأن عربيتى مانيوال مش اوتوماتيك فمعرفش ادائه عامل ايه بصراحة فى موضوع النقلات

و اطمن عربية ممتازة اهم حاجة تطمن على حالتها فى التوكيل و لو قالولك تمام جيبها من غير تردد

[khaled1732]

أتمني تكون اشتريت ال c4
وجربتها ، لاني انا شخصيا معجب شديد الاعجاب بيها برضه بس بعد اللي بسمعه علي الفتيس ومشاكله ممكن افضل ادور علي الفتيس المانيوال
هل رأيي دا صح ولا غلط