انا لا تعجبني الـــ ds5 .... !!

[mohammedgido]

السلام عليكم ورحمة الله وبركاتة

الأخوة الافاضل والكرام عشاق سيارات ( ستريون ) وبالأخص عشاق الفارهه ( DS5 )

نعم الـــ ds5 سيارة فارهه بكل ما تحملة الكلمة ، فعند مشاهدتي لفديوهات وصور لها من الداخل أنبهرت بها

أشد الانبهار فلم يكذب من قال تشعر كأنك في طائرة ولا يمكن ان تنزل من السيارة بسهولة أبدا

بل قد تخطط أن تبات ليلتك فيها ان استطعت :)

لكــن .. حقيقة لم يعجبني شكلها الخارجي !! لا أدري لماذا ولكني لم أستسيغة

مع محاولتي تقبلة بأي شكل في كل مرة أشاهد تقارير للسيارة لكن أجد حاجز تجاهه !!

بدأ من مقدمة السيارة حتى الخلفية الهاتش باك .. فاعتقد لو كانت السيارة سيدان لكان لها شأن عظيم

وفي الختام ما هذه الا وجهة نظر وأذواق ولولاه لبارة السلع

تقبلوا مروري

[AlGazar2]

على فكره يا باشا العربيه دى من جوه اوسع من السيدان و شنطتها كذلك بس العربيه فعلا لما ركبتها مكانش هاين عليا انزل منها

[abudrsh]

عربية امكانيتها رائعة ياريت تنتشر بمصر

[abou-yahia]

تبقه وجهه نظر

[rahieb_100]

يا باشا اهلا بيك وطبعا دى وجهات نظر
يعنى هى عجبتك من جوه ومكنتش قادر تنزل منها وشكلها الخارجى زعلك :)
استنى بقى ds9 ممكن تبقى سيدان على حسب مشاركتك السابقة :d

[mohammedgido]

والله يا جماعة العربية فعلا تحفة فنية لا غبار عليها
لكن فعلا من الخارج مش عارف ابلعها يعني الفخامة والاناقة واللمسات الجمالية في الداخل
المفروض كانوا ساوا بين الداخل والخارج في الفخامة وحسن التصميم
والله وصل بي الحال اني قلت لو معايا فلوسها مش هشتريها علشان شكها فعلا مش داخل دماغي من الخارج
وبردو تبقى دي اذواق

[rahieb_100]

اكيد طبعا ...لو مش كده كانت العربيات كلها بقت شكل واحد

[Honda_lover]

اكيد يا باشا وجهات نظر ولولا اختلافها لبارت السلع ولكن اسمحلي بالقول انها تعجب 8499999 شخص فلا يهم انها تعجب الشخص المتبقي اقصد بكلامي انها من وقت مطرحت بالاسواق لم اسمع اي انتقاد في شكلها الخارجي او الداخلي من احد غير حضرتك

[S O P H O S]

وجهة نظر تقدر ..

[mohammedgido]

اكيد يا باشا وجهات نظر ولولا اختلافها لبارت السلع ولكن اسمحلي بالقول انها تعجب 8499999 شخص فلا يهم انها تعجب الشخص المتبقي اقصد بكلامي انها من وقت مطرحت بالاسواق لم اسمع اي انتقاد في شكلها الخارجي او الداخلي من احد غير حضرتك

هههههههههههههههههههه
انا منتقدتش الشكل الداخلي بالعكس انا شايف لحد دلوقتي انه شكل صعب يتوصف غير انة فاره جدا وفوق الرائع بمراحل

لكن للاسف الشكل الخارجي مش عارف استسيغة بصدق ..
مش عارف يمكن دا رأيي لوحدي .. من وسط 90 مليون الي حضرتك بتوقق عليهم :)) الي 90% منهم يعرفوش عن العربية دي حاجة :))

[mido_soliman]

انا متاكد انك الوحيد اللى ممكن اقابلة فى حياتى يقول شكلها الخارجى مش حلو :)
تبقى وجهة نظر لا تستحق موضوع مع احترامى الشديد لك
وتحياتى العطرة

[Mohab.Nabil]

و الله يا باشا العربية ديه فعلا رائعة من برة و من جوة

و عايز اقولك انا شفتها لاول مرة فى شوارع اوروبا و العربية كان شكلها مميز جدا وسط العربيات اللى هناك و طبعا عربيات هناك غير هنا خالص فى كل حاجة .. حتى الاجانب نفسهم كانوا بيتفرجوا عليها لأنها كانت لسه نازلة جديدة و بصراحة شكلها من برة لا جدال انه فخم جدا و جميل بس فى الاخر ديه فعلا اذواق و كل واحد و مزاجه يعنى انا اعرف ناس كتير مش عاجبها اشكال مرسيدس الجديدة فى الاخر التصميم ذوق فنى ممكن يعجب حد و حد تانى ميقبلوش

[Formulator]

يعنى انا اعرف ناس كتير مش عاجبها اشكال مرسيدس الجديدة فى الاخر التصميم ذوق فنى ممكن يعجب حد و حد تانى ميقبلوش

أنا مش عاجبنى الـB-class الجديدة، وشايفها مربعة boxed وكان ينفع تبقى أحلى من كده كتييييير (والـE كمان -إلى حد ما)!

الـDS5 ليها كونسبت ستروين عاملاها بين الستيشن والهاتشباك!!
btw: العربية معمولة على شاسيه DS4 (أو 308/C4)، مش على شاسيه C5/508

شكلها من برا -فـ رأيى- هجومى وجرىء مع خطوط stylish، فـ عادى ممكن تتقبلها وممكن لأ؟!!
هى طبعا لو شكل كومباكت كانت هتبقى vigorous عن كده (وعن الـds4)؟؟!!!
ولو عملها station صريحة على platform الـC5 تبقى حاجة تانى؟!!
Rgds،

[تامر.محمد]

بصراحة تحفة فنية من جوة , و حلوة برده من برة :)

[Ahmed_Adham]

أنا مش عاجبنى الـb-class الجديدة، وشايفها مربعة boxed وكان ينفع تبقى أحلى من كده كتييييير (والـe كمان -إلى حد ما)!

البي 160 مش بتعجبني بس ال 200 شايفها شيك قوي بصراحه وعلى فكره لحد دلوقتي شوفتها حوالي 3-4 مرات وكل اللي راكبينها حريم.

ولو عملها station صريحة على platform الـc5 تبقى حاجة تانى؟!!

كانت هتبقى ضخمه شويتين وأنا متهيألي هما عاملينها سبورتي كده لزوم الشقاوه. مش عائليه يعني. والا هيضطرو يعلوها عشان الطول والعرض هيزيدو وكده تبقى عربيه تانيه خالص.