حد يقدر يساعدنى

[mod-say]

السلام عليكم ورحمة الله و بركاته انا يا جماعة معروض عليا ستروين اكسارا موديل ٢٠٠١ بس هيا محتاجة ماتور وشوية شغل فى الديبرياج وشد سمكرة دوكو هى معروضة عليا ٢٨الف فايه رايكو مع العلم ان دى اول عربية اشتريها فى حياتى و حاجة تانية انا عاوز اعرف ضرورى سعر الماتور بتاعها كام وموضوع سلك الديبرياج كمان وواماكن بيع الماتور و قطع غيارها وافضلهم من حيث الامانة و الاسعار مع العلم انى من القاهرة ياريت حد يفيدنى فى اقرب وقت وشكرا لكم جميعا

[aldesha989]

سامحنى فى الرد

اتقى الله فى نفسك
اول عربيه فى حياتك عايز تشتريها وتتعذب مع الصنايعيه وقطع الغيار
ياعم اتقى الله وصلى على النبى وهاتلك حاجه استعمال نضيف شويه وهتلاقى بالسعر ده ولو زودت عليه هتركب حاجه عاليه دايو او سيينا او رينو موديل الفينات برضه وحاجه نضيفه

لكن تجيب حاجه تقعد تصلح فيها وتسقطلها ماتور ياعم هى فلوسك دى ايه

سامحنى فى الرد ولكن رديت عليك من دافع الحرقه على فلوسك لانى وقعت فى عربية قبل كده وماحدش كان معايا يقولى لا

[mod-say]

استاذ ربنا يجزيك كل الخير انا سعيد بردك والله و شكرا للنصحية

[salah_86]

فعلا يا سيدى انا اول عربية اشتريتها فى حياتى كانت نيسان مارش موديل 84 كانت قرفانى فى عيشتى
ياريت حضرتك تدور على حاجة نضيفة فى حدود الفلوس اللى معاك صدقنى وعن تجربة دا احسن ليك بدل ما تجيب عربية تقعد يوم معاك وعشرة عند الميكانيكى وزيهم عند العفشجى وبعدين انا اول مرة اسمع عن ان الدبرياج له سلك يمكن اكون جاهل فى الحتة دى الله اعلم
اسف لو كان كلامى ضايقك بس دا عن تجربة وصلى استخارة قبل ما تعمل اى حاجة

[aldesha989]

فعلا يا سيدى انا اول عربية اشتريتها فى حياتى كانت نيسان مارش موديل 84 كانت قرفانى فى عيشتى
ياريت حضرتك تدور على حاجة نضيفة فى حدود الفلوس اللى معاك صدقنى وعن تجربة دا احسن ليك بدل ما تجيب عربية تقعد يوم معاك وعشرة عند الميكانيكى وزيهم عند العفشجى وبعدين انا اول مرة اسمع عن ان الدبرياج له سلك يمكن اكون جاهل فى الحتة دى الله اعلم
اسف لو كان كلامى ضايقك بس دا عن تجربة وصلى استخارة قبل ما تعمل اى حاجة

اصحح ليك المعلومه بعد اذنك :)

فى دبرياج وير اللى هو سلك بيبقى حديد ملفوف على بعض زى الحبل
وفى دبرياج تانى بيبقى زيت اللى هو من غير سلك ولا اى حاجه

ده الوير


وده بيبقى الزيت

[salah_86]

اصحح ليك المعلومه بعد اذنك :)

فى دبرياج وير اللى هو سلك بيبقى حديد ملفوف على بعض زى الحبل
وفى دبرياج تانى بيبقى زيت اللى هو من غير سلك ولا اى حاجه

ده الوير


وده بيبقى الزيت

مش قلتلك يمكن اكون جاهل فى الحتة دى
بس انا معذور برضة عربيتى الدبرياج فيها من النوع التانى اللى حضرتك حاطط صورتة

[mod-say]

انا مش عارف اشكركم ازاى ربنا يجزيكم كل خير و انا بالفعل اخدت بالنصحية و ادامى سكودا فيلشيا و حالتها نضيفة وربنا يجعلنا فيها نصيب

[amrmaismail]

يا باشا الستروين مش وحشة واحسن من الفلشيا طبعا
لكن بردو كلام الناس صح
انت تدور علي اكسارا حالتها تمام هاتعمل ٣٣ مثلا مش اكتر
لكن انت لو خادت اللي انت بتتكلم عنها دي هاتدخل معاك في ٣٨ غير الغلب معا الصنايعيه
موتورها بالفيتيس حوالي ٤ ونص وطقم دبرياج ب ٧٠٠ وكابل ١٢٠ وطبعا هي كدا مابقتش عروسة يعني هتلاقي فيها شغل في العفشة وكعبله غير انك هاتلف في المرور فبناقصها خصوصا ان الستروين اكسارا مكنتها معمرة جداااا يعني علشان تبوظ يبقي صاحبها مهمل اويييييييي فأكيد مهمل في باقي العربية كمان