يا جماعة أنا لسة جايب العربية جديد فا مش عارف ، هى 2007 عاملة 88 ألف كيلو أوتوماتيك ، حاسس ان استهلاكها عالى جداً ، أنا فولتها أول ماستلمتها من بنزينة موبيل (يعنى لضمان الجودة) بنزين 92 ، هى التانك بتاعها 60 لتر و فى العداد 12 شرطة للبنزين ، يعنى المفروض ان الشرطة ب 5 لتر ، مشيت 50 كيلو بعد ما صفرت عداد الكيلو بتاع الرحلات الشرطة الأولى نزلت بعد حوالى 25 كيلو و خلصت مشوارى على 48.5 كيلو و لسة الشرطة اللى بعدها مانزلتش ، تانى يوم و أنا بسخن الصبح قبل مأطلع الشرطة التانية نزلت قبل حتى ماتحرك ، علماً بأنى ماشغلتش تكييف و مافتحتيش السبورت مود خالص ، و هى على شاشة البيانات بتقرا استهلاك بين 5 لتر لكل 100 كيلو لحد 15 لتر لو عامل كيك داون أو لو بجرى (ماعديتش ال 100 كيلو طول المشوار اللى عملته عشان اليوم كان زحمة جداً و كله حوادث و ناس خابطين بعض) هل دا الطبيعى بتاعها ولا كدة فى مشكلة ؟؟؟
X
-
الطبيعى بتاع العربية معايا و انا مشوارى كله زحمة ( شارع الهرم ) و الجامعة زحمة جدا
الـ 60 لتر بيعملوا متوسط 550 كيلو .. بس انا عربيتى مانيوالLivin' life in the fast lane
Movin' at the speed of life and I can't slow down
Only got a gallon in the gas tank
But I'm almost at the finish line, so I can't stop now
:nemoflow:[COLOR=RoyalBlue]Vive[/COLOR] [COLOR=Silver]La[/COLOR] [COLOR=Red]France[/COLOR]
Comment
-
طب يا باشا انت طبيعة مشيك عاملة ازاى؟ يعنى بتحرق كتير ، بتجرى جامد لما الطريق يسمح ، بتشغل تكييف ؟؟؟ ولا دا أقل استهلاك ممكن بالنسبة لك ؟؟؟المشاركة الأصلية كتبت بواسطة mohab.nabil مشاهدة المشاركةالطبيعى بتاع العربية معايا و انا مشوارى كله زحمة ( شارع الهرم ) و الجامعة زحمة جدا
الـ 60 لتر بيعملوا متوسط 550 كيلو .. بس انا عربيتى مانيوال
Comment
-
لا دا اقل استهلاك ممكن مش بحرق الا نادرا .. الفكرة كلها ان متوسط سرعتى اصلا 12.6 كم/ساعة و على طول ماشى اول تانى قليل لما بمشى فى طريق مفتوحالمشاركة الأصلية كتبت بواسطة hamaka مشاهدة المشاركةطب يا باشا انت طبيعة مشيك عاملة ازاى؟ يعنى بتحرق كتير ، بتجرى جامد لما الطريق يسمح ، بتشغل تكييف ؟؟؟ ولا دا أقل استهلاك ممكن بالنسبة لك ؟؟؟Livin' life in the fast lane
Movin' at the speed of life and I can't slow down
Only got a gallon in the gas tank
But I'm almost at the finish line, so I can't stop now
:nemoflow:[COLOR=RoyalBlue]Vive[/COLOR] [COLOR=Silver]La[/COLOR] [COLOR=Red]France[/COLOR]
Comment
-
طيب انت كده استهلاكك تقريباً 11 لتر لكل 100 كيلو علماً انك دايماً ماشى فى زحمة و دا بيحرق أكتر ، أنا استهلاكى فى ال 50 كيلو اللى عملتهم 10 لتر (و أنا كمان مش حاسب الشوية اللى فى أول التانك لأنى مفول للاخر خالص) يعنى بمعدل 20 لتر لكل 100 كيلو و نص المسافة تقريباً مشيتها فى طريق مفتوح ، أنا كده تقريباً زيك مرتين يمكن أكتر سنة كمان ، معتقدش ان الأوتو فى العربية دى قد المانيوال مرتين فى البنزين ، الغريب انى كاشف عليها فى التوكيل قبل ماخدها و قالو كل حاجة تخص البنزين تمام فى تقريرهم علماً بأنهم فحصوها كويس قوى و طلعوا كل حاجة صاحبها كان قايل عليها و حاجتين زيادة كمان
Comment
-
بص يا باشا انا كنت فى الاكسارا بعمل الاتى
بروح افول العربية وامشى بيها فى مشاويرى الطبيعية (زحمة-تكييف- مشى طبيعى على حسب الطريق) وكانت حوالى 25 كم فى اليوم
وراجع افول العربية تانى لما المؤشر يبقى عند الربع واحسب بقى عدد الكيلومتر واشوف الاستهلاك واطلع متوسط
وكان بيبقى بين 200 ل 220 كم فى الصفيحة يعنى 10 ~ 11 كم لكل 1 لتر
وكانت العربية مانيوال ومفيش سفر ولا طرق سريعة
انت صحيح اوتو بس 5 كم لكل 1 لتر ده كتير
Comment
-
السلام عليكم
انا معايا c4 2006 ستيب ترونك وطريقى اغلبه الدائرى وبيكون جزئ كبير منه ماشى كويس
يعنى تقريبا لحد 100 كم/س واوقات الزحمة المعتادة حسب الظروف
وحسبت الاستهلاك بتاعها كان من غير تكيف ومن غير كيك دون او سبورت مود (وبكون لوحدى) حوالى 10.5 لتر / 100 كم
ولو بالتكيف بيكون حوالى من 7.0 ل 8.0 لتر / 100 كم على حسب السرعة
ملحوظة مهمه جدا
حساب استهلاك البنزين بيختلف تماما باختلاف الوزن داخل العربية وكمان بضغط العجل لان الوزن كل مايزيد
الاستهلاك بيزيد وكل مايكون ضغط العجل اقل بيزيد مساحة احتكاك الكاوتش بالارض وبيعلى المقاومة
بس حتى لو بتعمل كل اللى فى الملحوظة دى المفروض متوصلش العربية للاستهلاك اللى انت بتتكلم عنه انا حسه كتير جدا
ان شاء الله ربنا يوفقك لحل الموضوع ومتنساش تقولنا على الحل او المشكلة فين علشان الكل يستفادالــــطـــيـبــــة ليـــــست غــبـــــاء, الــــطـــيـبــــة نـــعمـــة فــــقــدهــــا الاغـــــبـيــــاء
Comment
-
أولاً أحب أشكر الرجالة كلها ، كل واحد اهتم بمشكلتى كأنها مشكلته و دخل رد عليا ، ولله الواحد فرحان بيكو أكتر من العربية نفسها و انتو بمساعدتكم لبعض اللى شجعتونى أجيب العربية عشان كنت واثق انى لو اتزنقت هلاقى حد يلحقنى...
ثانياً أنا عملت زى ما Rahieb باشا قاللى امبارح و أول ماوصلت لل 100 كيلو قمت داخل أول بنزينة موبيل برضه و مفول التانك و خليت العامل يحط البنزين واحدة واحدة عشان الحسبة تظبط ، العربية خدت 14 لتر لحد رقبة التانك ، يعنى كدة الاستهلاك 14 لتر لكل 100 كيلو بالظبط بغض النظر عن قراءات العدادات كلها (من غير ولا تكييف ولا سبورت) ، علماً انى ماشى تقريباً 70 كيلو من ال 100 دول فى زحام تام ، بالنسبة للوزن أنا فى كل مشاويرى كنت لوحدى ، و بالنسبة لضغط العجل يا وليد باشا انت عامله عندك على كام عشان أعمله زيك و أجرب ؟؟ و كنت عاوز أعرف الاستهلاك عندك و انت فاتح التكييف بيبقى قد ايه ؟؟؟
Comment
-
هجرب يا باشا ان شاء الله و أقولك على النتيجة يا رب تبقى كويسة ، بس أنا كنت عاوز أعرف ايه حكاية العربية تتعود على طريقتى فى السواقة دى؟ مش الاوبشن دا موجود فى الميجان بس ولا موجود عندنا كمان ؟؟؟المشاركة الأصلية كتبت بواسطة ahmed-adel مشاهدة المشاركةاعمل restart لل عداد
من الزرار اللي في دراع المساحات , هتجيب average fuel consumption
افضل دايس على الزرار لحد ما الرقم يتصفر
بعد كده العربية هتبدأ تتعود على طريقتك في السواقة
استنى لحد ماتمشي 100-200 كيلو كده وقولي إيه الأخبار
Comment
-
بص يا سيديالمشاركة الأصلية كتبت بواسطة hamaka مشاهدة المشاركةو بالنسبة لضغط العجل يا وليد باشا انت عامله عندك على كام عشان أعمله زيك و أجرب ؟؟ و كنت عاوز أعرف الاستهلاك عندك و انت فاتح التكييف بيبقى قد ايه ؟؟؟
ضغط العجل هتلاقيه مكتوب على القايم بتاع الباب
هتلاقي أرقام للتحميل الخفيف والتقيل
الارقام دي بتفرق على حسب نوع و مقاس الجنط
لو الجنط عندك ال 16 الحديد
تقريبا هتلاقي 2.3 bar قدام و 2 bar ورا
ده في حالة التحميل العادي
يعني 33 psi قدام و 29 ورا
بالنسبة للتكييف , ميزة العربية دي التكييف مش بيخنقها زي عربيات تانية
و برده مش بياكل بنزين كتير آخره يزود 0.5 لتر في كل 100 مثلا
Comment
-
طب أنا عندى جنوط حديد بس 15 ، نفس الأرقام دى تقول معايا ؟؟المشاركة الأصلية كتبت بواسطة ahmed-adel مشاهدة المشاركةبص يا سيدي
ضغط العجل هتلاقيه مكتوب على القايم بتاع الباب
هتلاقي أرقام للتحميل الخفيف والتقيل
الارقام دي بتفرق على حسب نوع و مقاس الجنط
لو الجنط عندك ال 16 الحديد
تقريبا هتلاقي 2.3 bar قدام و 2 bar ورا
ده في حالة التحميل العادي
يعني 33 psi قدام و 29 ورا
بالنسبة للتكييف , ميزة العربية دي التكييف مش بيخنقها زي عربيات تانية
و برده مش بياكل بنزين كتير آخره يزود 0.5 لتر في كل 100 مثلا
Comment
-
طب أنا عندى جنوط حديد بس 15 ، نفس الأرقام دى تقول معايا ؟؟المشاركة الأصلية كتبت بواسطة ahmed-adel مشاهدة المشاركةبص يا سيدي
ضغط العجل هتلاقيه مكتوب على القايم بتاع الباب
هتلاقي أرقام للتحميل الخفيف والتقيل
الارقام دي بتفرق على حسب نوع و مقاس الجنط
لو الجنط عندك ال 16 الحديد
تقريبا هتلاقي 2.3 bar قدام و 2 bar ورا
ده في حالة التحميل العادي
يعني 33 psi قدام و 29 ورا
بالنسبة للتكييف , ميزة العربية دي التكييف مش بيخنقها زي عربيات تانية
و برده مش بياكل بنزين كتير آخره يزود 0.5 لتر في كل 100 مثلا
Comment

Comment