مساعده ستروين c4 2007

[amr_barca]

انا لسه جايب C4 2007 عامله 104000 كل صياناتها فى التوكيل بس فى شوية حاجات :
1- لما جربت جبت على manual واجى انقل من الاول للتانى للتالت احس بهبده او نتشه مش عارف جايه منين وبرده ونا ماشى على auto بتنتش بس على التالت و مبتنتش بين النقلات
2- العربيه كانت كويسه وركنت ونزلت اجيب حاجه رجعت دورتها بعد مالموتور دار حسيت بهبده بطلتها و دورتها تانى عملت نفس الحركه
3- طالع على الشاشه كلمة service ,وجمبها مفتاح ولما اجى ادور يطلع المفتاح و جنبه 400 KM

[mangawy2012]

علامة المفتاح ده مؤشر الصيانه خاصة لو ال 400 نة جنبها علامة سالب ده معناها انها ماشيه 400 كيلو فوق عدد الكيلوات اللي المفروض عنده تعمل صيانه

[amr_barca]

لا هى مش بالناقص فمعنى كده انها فاضلها 400 km

[MuhamedNabil]

400 دى علامة السيرفيس و لو عاير تشيلها افتح الكنتاكت , دوس على الزرار البيصفر العداد و خليك دايس عليه و اقفل الكنتاكت
حتلاقى عد تنازلى بدأ و بعد ميخلص حيجبلك 20000Km للصيانة البعدها

الخبط و انت واقف مع تدوير الماتور 90% قواعد و برده قاعدة الفتيس لو بيظة حتحس بالنقلات شوية
هما 3 قواعد
- ماتور على الشمال علوية و واضحة جدا و هى اغى واحد 450-550 على حسب
- سفلية فى نص الماتور تقريبا من تحت , بتكون كبس لا رخيصة بس رخمة فى التركيب
- قاعدة فتيس مكنها تحت البطارية و برده سعرها مش عالى ممكن 120 فى الحدود دى و فى منها نوع اسمه فيبى ب 60

بتاعت الفتيس و السفلية دول اكتر حاجة بتبوظ اتزان الماتور
و ابدأ بالكشف على بتاعت الفتيس لانها اسرع واحدة بتبوظ .

[amr_barca]

الف شكر على المساعده بس ليه النتشه بالذات على التالت و باقى النقلات لا

[ahmdghalwash]

عزيزي السلام عليكم......احب اطمانك...اولا بالنسبه ل400كم فهو كما وضح الزميل المتبقي للصيانة وكما وصف بشكل جميل ا-مهاب نبيل كيفية تصفيره مره اخري وبدون جهاز...اما الخبطه ايضا في بداية التشغيل تكون كما تفضل الزميل من القواعد خاصة القاعده العلويه ولكني اتحفظ علي السعر فالاصلي في حدود 780عند المسيري وهي افضل من الانواع المتداوله....اما النتشة فهي سدد في احد صمامات الفتيس ...فاذا كان السدد في صماما نقلة من النقلات يحدث نتشة...وقد سبقت شرح ذلك باستفاضة وهو يحتاج لفك مجمع الصمامات والكشف عليه وتنظيفة وتغيير او اصلاح التالف فيه مع وضع زيت al4...وان شالله العيب يروح
وتاكد من تغيير السيور والصيانة الدورية في مواعيدها كي تستمتع بسيارتك الجديده

م-احمدغلوش

[mangawy2012]

بشمهندس احمد غلوش ممكن تعرفني تكلفة حل مشكلة النتشه اللي في الفتيس

[MuhamedNabil]

الف شكر على المساعده بس ليه النتشه بالذات على التالت و باقى النقلات لا

هو فى حجات مينفعش تشتغل فيها على التوازى لانها ليها علاقة ببعض و ممكن تعمل حجات حتضيع فيها مجهود و مصاريف بدون نتيجة

موضوع النتشة دى ممكن يكون حاجة فى الفتيس زى السلينويدز بتاعت النقل مثلا و ممكن تكون القواعد باظت خالص.
لان عموما عند النقل لفات الماتور بتكون عالية و لما تيجى تنقل لنقلة اعلى RPM بينزل و بيريح الفتيس و الماتور من التنشن الكان عليه قبل النقلة.
القواعد هى البتمتص حركات الماتور و الفتيس لانهم بطبيعة الحال مربوطين فى بعض .
ممكن لو القواعد بايظة قوى تأثر فى الوضع ده عشان كده بقولك ابدا بيهم و اكشف عليهم الاول قبل متخوش فى كشف على فتيس مدام مفيش رسلة تحذير بتطلع زى gearbox fault.
و عموما الكيلومتر بتاعك قريب من وقت

عزيزي السلام عليكم......احب اطمانك...اولا بالنسبه ل400كم فهو كما وضح الزميل المتبقي للصيانة وكما وصف بشكل جميل ا-مهاب نبيل كيفية تصفيره مره اخري وبدون جهاز...اما الخبطه ايضا في بداية التشغيل تكون كما تفضل الزميل من القواعد خاصة القاعده العلويه ولكني اتحفظ علي السعر فالاصلي في حدود 780عند المسيري وهي افضل من الانواع المتداوله....اما النتشة فهي سدد في احد صمامات الفتيس ...فاذا كان السدد في صماما نقلة من النقلات يحدث نتشة...وقد سبقت شرح ذلك باستفاضة وهو يحتاج لفك مجمع الصمامات والكشف عليه وتنظيفة وتغيير او اصلاح التالف فيه مع وضع زيت al4...وان شالله العيب يروح
وتاكد من تغيير السيور والصيانة الدورية في مواعيدها كي تستمتع بسيارتك الجديده

م-احمدغلوش

القاعدة انا شاريها من 3 شهور كدة كانت بيجو مش قطعة بديلة 500جم على ما اذكر , و انا عموما بشترى الحجات دى من مصطفى شوقى مستورد بيجو فى مدينة نصر بس القاعد كانت من واحد اسمه غزال فى ش دمشق و هو بيجيب حجته من مصطفى شوقى برده. ممكن يكون السعر زاد بعد ارتفاع سعر الدولار اكيد .

[amr_barca]

الف شكر على المساعدات وان شاء الله تطلع حاجه بسيطه

[m_am]

ان شاء الله تطلع حاجه بسيطه و تصلحها و تستمتع بعربيتك

الشهاده لله القسم هنا في ناس في منتهى التعاون و الذوق و هما اكبر سبب خلاني اقتنع اني ان شاء الله اكون سترويني في اقرب وقت , ربنا يبارك فيكم جميعا و يزيد عليكم فضله

[amr_barca]

استفسار كمان انا عندى فيوز مروحة التكييف محروق هل ممكن اعرف مكانه بسهوله واغيره

[amr_barca]

ايه يا جماعه محدش عنده فكره عن موضوع الفيوز

[mangawy2012]

من كتالوج العربيه هتعرف مكانه وكام امبير كمان لو عايز انت تغيره

[amr_barca]

تمام الف شكر حدور عليه فى الكتالوج

[A.Adel]

التكييف فيوز F-14 ودة 15A




ودة مكانه