All new Citroen Technospace

[A.Adel]

المواصفات الفنية :

C4 Picasso الجديدة تأتي بـأبعاد أصغر من الخارج ,مساحة أكبر من الخارج ,وزن اخف و تكنولوجي أعلى

العربية اقصر و أوطي قليلا من الموديل اللي فات
وهي أول عربية يتم بنائها على منصة PSA الجديدة EMP2
مما أدى لفقدانها 140 كج من وزنها ووزنها اصبح مماثل ل C3 picasso الأصغر منها
وقريبا هيتم استخدام المنصة دي في ال Grand picasso

و لها air drag index أفضل من audi r8 و ford gt !!!!!!!

كما تم زيادة مساحة الشنطة من 500 إلى 537 لتر

العربية هتزود بتكنولوجي puretech الجديدة و التي تقلل انبعاثات CO2 بحوالي 25 %
ودة هيخليها الاولى على فئتها في مواتير الديزل بانبعاثات 98 جرام/كم

العربية هتزود بـفتيس مانيوال 6 سرعات أو EGS من 6 سرعات ايضا

الكماليات :

العربية مزودة بفوانيس 3D في الخلف و فوانيس ليدات في الامام

و شاشة تاتش HD 12in هي الاولى من نوعها في العالم في التابلوه

بجانب شاشة اصغر 7in للتحكم في ال GPS و مكيف الهواء و باقي تطبيقات السيارة
و فرش جلد لونين

سقف بانورامي و زجاج امامي بانورامي

عوامل الأمان:

Park Assist
adaptive cruise control
blind spot monitoring
lane departure warning systems
automatic high beam

ده طبعا بجانب ال ESP و ABS و EBD و EBA
اللي مفيش داعي لذكرهم


العربية هتنزل السوء في فرنسا في نص 2013 و باقي اوروبا في آخر السنة


ودة video فيه 3D view للعربية من بره ومن جوه

New 2013 Citroen C4 Picasso - YouTube

[m_am]

دايما بتتابع كل جديد , مشكور ع التقرير يا استاذ احمد

بس هي الشاشه التاتش دي ممكن تركب على مودلات تانيه في الستروين ؟؟ انا شفتها قبل كده في البيجو ال208 و بيني و بينك حاجه تحفه بجد

[horas3000]

تحفه
لكن للاسف
ملهاش سوق في مصر

[M7amD_7amDy]

تسلم ايدك ياباشا

حلوة من بره بس مش عجبانى من جوه

[A.Adel]

دايما بتتابع كل جديد , مشكور ع التقرير يا استاذ احمد

بس هي الشاشه التاتش دي ممكن تركب على مودلات تانيه في الستروين ؟؟ انا شفتها قبل كده في البيجو ال208 و بيني و بينك حاجه تحفه بجد

العفو :)

الشاشة دي صعب تركب في عربية تانية لأن معمول حسابها في التابلوه

على فكرة العربية دي فيها شاشتين واحدة 12in ودي High definition
و واحدة تانية 7in

تخيل بقى لما ال 208 تحفة ,دي هتبقى إيه ؟؟!!

[A.Adel]

تحفه
لكن للاسف
ملهاش سوق في مصر

للاسف عربيات كتير محترمة مظلومة في مصر

بس أنا أعتقد مع الزيادة المتواصلة في اسعار الكوري , الناس هتعيد تفكيرها تاني

[A.Adel]

تسلم ايدك ياباشا

حلوة من بره بس مش عجبانى من جوه

ليه لأ , لولا اختلاف الأذواق لبارت السلع :)

نورت الموضوع

[hamaka]

للاسف عربيات كتير محترمة مظلومة في مصر

بس أنا أعتقد مع الزيادة المتواصلة في اسعار الكوري , الناس هتعيد تفكيرها تاني

مقتنع برأيك تماماً فى النقطة دى بالذات ، أنا شايف ان تدريجياً على مدار ال4-5 سنين اللى جايين ان شاء الله نسبة مبيعات الكورى هتقل بشكل ملحوظ لمصلحة الماليزى و بشكل أكتر الصينى ، هياخدوا المكانة السابقة للكورى عند المستهلك المصرى و المشكلة ان نفس عقلية المستهلك المصرى اللى ظبطتهم زمان هى هى اللى هتضيعهم عشان عمر ما المستهلك ما هيقبل انو يجيب كورى بسعر أوروبى و يابانى و ميلاقيلوش قطع غيار برة التوكيل عند البقال كما هو الحال دلوقتى ، و ساعتهم هيقولك "ايه يا عم هو انا هدفع دا كله فى عربية فى الاخر كورى ؟ d:" و يروح يجيب يابانى ، بس المشكلة بقى انه برضه هيفضل خايف من الأوروبى :)