محتارررررررررررررررر

[hassanhassan56]

السلام عليكم,
انا عايز رايكم عشان محتار بين 3 انواع من العربيات
1 -ابيزا (2006-2008)
2- كوردوبا (2006-2008)
3- سى فور (2006-2008)
برجاء سرعة الرد و شكرا

[mhf_77]

اول اتنين حاجه واحده ( زى اللانوس والجوليت) وانت اللى هتقرر الشكل المحبب ليك
والمقارنه هتكون بينهم كاختيار واحد وبين السترويين كاختيار مختلف
بالنسبه لاعادة البيع الاتنين للاسف سوقهم مش ماشى قوى وده واضح من قلة الانتشار وده مش عيب فيهم ده عيب المزاج العام للسوق الغريب
بالنسبه لقطع الغيار السيات اغلى ( لانها فولكس) بس فى نفس الوقت افضل ومعمره من الفرنسى والاتنين هتلاقيهم فى الحرفيين
بالنسبه للشكل دا اذواق
بالنسبه للميكانيكا اى حاجه غير كورى الميكانيكيه بيلفو حوالين نفسهم - ولازم يكون ميكانيكى اصله مهندس اللى هيشتغل فيهم

[aldesha989]

ستروين طبعآ

[eslam3344]

اضم صوتي ل ستروين c4 لان تجربتي مريره مع سيات 2001 وارجو من الله الا يكررها اي واحد من اخواني بجد نفسي يقفلوا مصانع سيات بس لو فولكس هتقفل يبقي نستحمل وجودها عشان خاطر فولكس تفضل تتحفنا
للمره التانيه سيات c4

[hassanhassan56]

شكرا لرد حضراتكم و ياريت اسمع من حد معاه اى من العربيات دى و جربها

[hassanhassan56]

طب سعر سى فور 2006-2008 متكونش ماشية اكتر من 60 الف كيلو و خالتها كويسة كام؟ مانيوال و اوتوماتيك , و شكرا مرة اخرى للرد

[ashraflotfy1]

طب سعر سى فور 2006-2008 متكونش ماشية اكتر من 60 الف كيلو و خالتها كويسة كام؟ مانيوال و اوتوماتيك , و شكرا مرة اخرى للرد

يا سيدي السي4 مانوال قليل و الأكتر أوتو و السعر حسب الحالة و الكيلومتر و تعمل 68 الي 80 ألف و اذا لقيت واحدة نضيفة خدها حتي لو زيادة 2000 أ 3000 جنيه لأن النضيف لا يعوض و هي سيارة جميلة و تكنولوجيا عالية أوي و ثبات و راحة و شياكة بس العناية و الصيانة عند حد بيفهم و لا أنصح بالتظبيط و الروشنة لأنها مش محتاجة و اللعب فى الكهرباء بتاعتها بتعويرة كبيرة أوي

[shaheenOnco]

بص يا باشا.. هيا المعادله بسيطه اوي.. العربيتين الابيزا والقرطبه عربيات لا تقارن من حيث الرفاهيه والتكنولوجيا والشكل والاوبشنز و..و...و.. مع السي 4....بس الميزه اللي فيهم انهم عربيات اقتصاديه..يعني صيانه ببلاش وفطع غيار ببلاش.. غير السي 4 ..
حضرتك في ايدك تختار تصرف قليل ومستوي ركوبه اقل او تركب بس تدفع..
انا شخصيا كان معايا لانوس..ولما قررت اغير قررت اجيب فرنساوي واجرب..لو ما استحملتش هارجع تاني للياباني..بس كركوب مش هاشحكيلك طبعا..وع فكرة اسعتر الصياناا العاليه برضه في المستوي المعقول..يعني انا الصيانه الجاية 90 الف كم..مش شايف ان كتير عليها 1600 ج..
بس اللي مفيش خلاف عليه زي ما الوحوش قالولك..متجبش عربيه مش نضيفه..وما تستخسرش 500 ج تكشف بيهم علي العربيه في عز العرب..حتي لو ظهر حاجه تخليك ماتشتريهاش..
وربنا معااااااااااك

[hamaka]

بص يا باشا.. هيا المعادله بسيطه اوي.. العربيتين الابيزا والقرطبه عربيات لا تقارن من حيث الرفاهيه والتكنولوجيا والشكل والاوبشنز و..و...و.. مع السي 4....بس الميزه اللي فيهم انهم عربيات اقتصاديه..يعني صيانه ببلاش وفطع غيار ببلاش.. غير السي 4 ..
حضرتك في ايدك تختار تصرف قليل ومستوي ركوبه اقل او تركب بس تدفع..
انا شخصيا كان معايا لانوس..ولما قررت اغير قررت اجيب فرنساوي واجرب..لو ما استحملتش هارجع تاني للياباني..بس كركوب مش هاشحكيلك طبعا..وع فكرة اسعتر الصياناا العاليه برضه في المستوي المعقول..يعني انا الصيانه الجاية 90 الف كم..مش شايف ان كتير عليها 1600 ج..
بس اللي مفيش خلاف عليه زي ما الوحوش قالولك..متجبش عربيه مش نضيفه..وما تستخسرش 500 ج تكشف بيهم علي العربيه في عز العرب..حتي لو ظهر حاجه تخليك ماتشتريهاش..
وربنا معااااااااااك

+1111111111111

[shaheenOnco]

يعني ايه +1111؟؟؟
معلش انا جديد في حوارات المنتديات :-)

[S O P H O S]

المقصود ب 1 انه متفق مع الكلام تمام
اما عن الموضوع فمش عاوز اقول رأي لان معروف اني بقيم الابيزا 2008 جدا

[shaheenOnco]

المقصود ب 1 انه متفق مع الكلام تمام
اما عن الموضوع فمش عاوز اقول رأي لان معروف اني بقيم الابيزا 2008 جدا

:-):-)