عضو جديد في ستروين ومحتاج مساعدة

[م.احمد زكريا]

السلام عليكم ورحمة الله

اليوم والحمد لله تم شراء

ستروين إكسارا 2 1600 الموتور الاسود اتوماتيك 2002

فابريكة بره وجوة عدا رفرف ماشية 125 الف كلو

حالة الفرش ممتازة وكل حاجة فيها شغالة على قد ما لحقت اتفرج

حطيتها على الجهاز طلعلي حساس شكمان بس والباقي سليم

والفتيس تمام



العربية للوالد وهو ساكن في الهرم

فكنت عايز اعرف ميكانيكي وعفشة و"كهربائي" واهم حاجة الكهربائي يكون في الهرم او اكتوبر ويكون فاهم كويس

انا الناس البتعامل معاهم في الحرفيين بس طبعا ده بعيد جدا عن الهرم

وعايز اعرف الصيانة الدورية بتكلف كام وقطع غيارها فين جديد واستيراد في الهرم

وشكرا ليكم مقدما

[hamaka]

السلام عليكم ورحمة الله

اليوم والحمد لله تم شراء

ستروين إكسارا 2 1600 الموتور الاسود اتوماتيك 2002

فابريكة بره وجوة عدا رفرف ماشية 125 الف كلو

حالة الفرش ممتازة وكل حاجة فيها شغالة على قد ما لحقت اتفرج

حطيتها على الجهاز طلعلي حساس شكمان بس والباقي سليم

والفتيس تمام



العربية للوالد وهو ساكن في الهرم

فكنت عايز اعرف ميكانيكي وعفشة و"كهربائي" واهم حاجة الكهربائي يكون في الهرم او اكتوبر ويكون فاهم كويس

انا الناس البتعامل معاهم في الحرفيين بس طبعا ده بعيد جدا عن الهرم

وعايز اعرف الصيانة الدورية بتكلف كام وقطع غيارها فين جديد واستيراد في الهرم

وشكرا ليكم مقدما

أولاً ألف مبروك على العربية و ربنا يديك خيرها باذن الله :)
هو لو قريب من الدائرى بتاع المعادى يبقى الأفضل يروح للمهندس ايهاب جلال فى صقر قريش أول ما ينزل من نزلة الدائرى على يمينه ، المشوار كله 7 دقايق من أول ما يطلع الدائرى لحد ما يبقى عند ايهاب جلال ، لو بعيد بقى عن الدائرى فى الهرم نفسه أو ناحية فيصل أو أول الهرم يبقى نستنى بقى حد من الرجالة يقولنا مين كويس فى الهرم ، أعتقد مهاب باشا نبيل ساكن فى الهرم لما يدخل بس ممكن يفيدك فى الموضوع ده ، بس لو الوالد قريب من الدائرى يبقى خلى المهندس ايهاب جلال اختيار معاك ، و ربنا يكرمك و يسهلك الأمور ان شاء الله..

[م.احمد زكريا]

شكلكم كدة عايزني اروح لأبو غالي الفي ابو رواش

واتروق

[mangawy2012]

في واحد في المريوطيه متخصص في الفرنساوي

[م.احمد زكريا]

في واحد في المريوطيه متخصص في الفرنساوي

أحمدك يا رب

الحقني يا باشا بأي معلومات عنه الله يكرمك

[msalahasd120]

مبروك عليك العربية فى واحد فى الهرم كويس وكمان شغال فى التوكيل اسمة وليد امشى فى شارع الهرم من الجيزة لحد بنزينة كالتكس خش يمين اخر الشارع وبعدين خش شمال فى يمين

[م.احمد زكريا]

مبروك عليك العربية فى واحد فى الهرم كويس وكمان شغال فى التوكيل اسمة وليد امشى فى شارع الهرم من الجيزة لحد بنزينة كالتكس خش يمين اخر الشارع وبعدين خش شمال فى يمين

شكرا على الرد

اعتقد ده كدة شارع المستشفى من شارع الهرم

بس ده كهربائي ولا ميكانيكي