عايز حد يطمنى عشان بفكر فى الds5

[Mohamed said]

السلام عليكم يا رجالة سيتروين. انا كنت عملت مقارنه فى قسم المقارنات ما بين البيجو 508 و الds5 فكنت عايز شباب سيتروين يقولوا رايهم فى الموضوع لانى خايف الصراحه من السيتروين انها متعمرش معايا (تكون فافى يعنى مع انى اسمع انها احسن عفشه فى مصر بس هل قويه بقى زى ماهى ناعمه كده) و ايه رايكوا فى التوكيل و هل موفر اغلبية قطع الغيار (بجيبها كلها من التوكيل و مش بفكر اجيبها من بره). يا ريت يا شباب تكلمونى باستفاضه عشان اطمن انى اجيبها (التوكيل بيقول ان الفتيس يابانى و الموتور المانى و هو هو اللى متركب فى المينى كوبر) مش عارف ايه مدى صدق الكلام ده. مستنى ردود خبراء ستروين و شكرا على الرد مقدما.

[Honda_lover]

عشان بتفكر فيها لا يا باشا دي مش محتاجة تفكيير دي طيارة علي هيئة عربية

[Mohamed said]

انا شايف يا باشا ان كان معاك عربيه ستروين اكسارا الاول و بعدين غيرت لستروين بردوه. معنى كده ان ستروين عامة مريحاك و توكيلها محترم و مريحك و موفر اغلبية قطع الغيار و لا ايه؟

[Honda_lover]

انا شايف يا باشا ان كان معاك عربيه ستروين اكسارا الاول و بعدين غيرت لستروين بردوه. معنى كده ان ستروين عامة مريحاك و توكيلها محترم و مريحك و موفر اغلبية قطع الغيار و لا ايه؟

http://www.nilemotors.net/Nile/354266-c4-new-shape-2013-a.html

[Mohab.Nabil]

بص يا باشا اولا اهلا و سهلا فى قسم ستروين و ان شاء الله تبقى عضو معانا فى القسم قريب

العربية ممتازة جدا و افضل من الـ 508 لأن الـ C5 هى المكافئة للـ 508 و فئة الـ DS اعلى من الفئات العادية فى ستروين

ثانيا العفشة مش ناعمة اوى و دا قريته فى اكتر من تقرير عنها برة بس طبعا محترمة جدا و ستروين فعلا رائدة فى موضوع العفشة ده

قطع الغيار هتلاقيها فى التوكيل مفيش مشاكل طالما تعاملك مع التوكيل بس اسعارها هتبقى متوسطة يعنى مش غالية و مش رخيصة برضه بس طبعا مناسبة للفئة بتاعتها

مسمعتش عن حد فى ستروين ملقاش قطع غيار لعربيته فى التوكيل بس طبعا فيه حاجات معينة اللى مش دورية اسعارها بتبقى نار خصوصا ان العربية فئة عالية

الموتور فعلا مبنى على اساس من BMW - MINI COOPER و هو موتور الـ PRINCE 1.6 و متركب عليه تربو بيوصلها لـ 163 حصان طبعا موتور قوى جدا و هتحس ان العربية طيارة

عربية تستحق ثمنها من الاخر

و اى استفسار تانى اتفضل

و دا تقرير هيفيدك جامد عنها ان شاء الله

http://www.nilemotors.net/Nile/31670...troen-ds5.html

[Mohamed said]

اولا بشكرك جدا على ردك. ثانيا يا باشا موضوعك اتقتل مشاهده. ده انا كل ما احب اشوفها ولا اجيب سيرتها اجرى على موضوعك فالف شكر يا باشا على المجهود الجميل ده. بس معنى كده ان عفشتها انشف من ال 508؟ و هل عفشتها رياضيه عشان ناشفه و لا ملهاش علاقه. و اخبار الكهرباااااااا يا باشا ايه. لحسن انا اسمع ان الكهربا مشكله فى الفرنساوى عامة سواء ال 508 او ds5 فهل هقابل مشاكل كتير فى موضوع الكهربا ده و لا ايه النظام و شكرا لسعة صدرك و يا ريت بقيت الاعضاء يفيدونا بتجاربهم زى ما استاذ Honda _Lover قال ان التوكيل اتحسن فعلا و بقى مختلف عن زمان و بالتجربه.

[Mohab.Nabil]

اولا بشكرك جدا على ردك. ثانيا يا باشا موضوعك اتقتل مشاهده. ده انا كل ما احب اشوفها ولا اجيب سيرتها اجرى على موضوعك فالف شكر يا باشا على المجهود الجميل ده. بس معنى كده ان عفشتها انشف من ال 508؟ و هل عفشتها رياضيه عشان ناشفه و لا ملهاش علاقه. و اخبار الكهرباااااااا يا باشا ايه. لحسن انا اسمع ان الكهربا مشكله فى الفرنساوى عامة سواء ال 508 او ds5 فهل هقابل مشاكل كتير فى موضوع الكهربا ده و لا ايه النظام و شكرا لسعة صدرك و يا ريت بقيت الاعضاء يفيدونا بتجاربهم زى ما استاذ Honda _Lover قال ان التوكيل اتحسن فعلا و بقى مختلف عن زمان و بالتجربه.

العفو يا باشا ، الموضوع مش موضوعى هو موضوع احمد عادل و فعلا هو موضوع جميل عشان كده حطيته لحضرتك عشان لو مخدتش بالك منه .. بصراحة معرفش موضوع النشوفية ديه ولا لا لأن ديه محتاجة حد جرب الاتنين تجربة فعلية بس انا حبيت الفت نظرك لحاجة انا قريتها فى التقارير اللى اتعملت عنها برة و اظن ان عز العرب بيبقى عنده ساعات test drive فممكن تحاول معاهم و تجربها و التجربة هتبقى اهم و افضل من اى كلام .. هى مفروض فئة الـ DS معمولة عشان تبقى SPORTY + LUXURY و دا هتحسه من مجرد الركوب فى العربية تحس انها رياضية بلمسات فخامة باينة من الداخل و الخارج .. و مشكلة الكهرباء ديه خلاص مبقاش فيه الكلام ده و على فكرة فى الموديلات القديمة مكانتش زى ما الناس فاكرة كده كل الفكرة ان الدينامو بتاع السى فور الشكل القديم المنتشر بيبوظ فى كتير من العربيات بس و بيتغير عادى لكن المشاكل الكتيرة ديه بتبقى بسبب ان حد غير مختص بيلعب فى العربية فيعك الدنيا

[Mohamed said]

انا عايز اقولك انى عملت تست درايف معاهم و العربيه كانت تحفه و مكنتش بحس بتكسير الشارع بس الصراحه بردوه كان الوقت قليل جدا و معرفتش احكم عليها قوى. لكن كفخامه و خامات و قاعده و كله كله كله بصراحه عربيه وهمممم . بس سمعت انهم هينزلوا السبورت منها فى الدفع الجديده بجنوط 17 بدل 18و قالولى انهم عدلوها و بقت بتاخد بنزين 92 عادى و كمان احتمال تغلى عن ال 299 فشكلها كده بقى حنفكر فى الهاى لاين مش السبورت و لو ان حلاوتها حتبقى ناقصه حته الصراحه و حته كبيره كمان.

[Kareem.ElAraby]

متابع

[Mohamed said]

اومال فين بقيت رجالة ستروين؟؟؟؟