سعر c4 كوبيه اوتو كام؟؟؟

[3mr Farrag]

انا كل شويه بتطلع في دماغي عربيه غير التانيه اني اجيبها
فكرت في الاسترا و الاكسارا و السي 4 كوبيه بس اوتو
وانا عارف ان الاوتو بتاع الكوبيه قليل

انا قريت عن السي 4 بس مش عارف هي تعمل كام لو حاجه فابريكه بالكامل دلوقتي
و عديد مش معدي 100 الف و ياريت طبعا اقل
و هل الاوتو منها سهل الاقيها

و طبعا الؤال الشهير النقله الثالثه بتاعت الستريبترونيك قبل 2008 اسمع انها بتنتش ذي الالميجان

هل علاجها اني اغير بس الكونترول

انا شوفت الاسعار بتاعتها بس الفرنساوي بالاخص بيكتبوا اسعار و بتخلص باسعار تانيه فا علشان كده عايز اعرف الناهيه بتاعت التخليص لو عربيه نضيفه ذي ما كتبت من 2005 مثلا لي 2008 بالكثير علشان السعر ما يبقاش غالي عليا تعمل كام

ومعلش تعبكوا معايا

[Mohab.Nabil]

الكوبيه الاوتوماتيك نادرة جدا زى الهاتشباك المانيوال نادرة جدا برده

بصراحة انا الاسعار مش هقدر افيدك اوى بس حاول متسخسرش فيها و لو لقيت حاجة سعرها عالى عن السوق شوية و حالتها ممتازة توكل على الله فيها لأنك لو جبت حاجة مش ماسكة نفسها هتصرف عليها جامد و عمرها ما هترجع تمام زى الاول يعنى اشترى حاجة من الاول حاجة ممتازة حتى لو هتدفع اغلى شوية

و بالنسبة للفتيس الاوتوماتيك فيه المشكلة فعلا بس اتحلت تماما فى موديل الفيس ليفت من بعد 2009

[3mr Farrag]

هي مشكله الفتيس بتتلخص بتغير الكونترول ولا حاجه ثانيه
انا شفت من الكوبيه اتوماتيك جاره واحد صاحبي و هساله لو عايزه تبيعها
وشكلها نضيفه جدا
والف شكر يا باشا علي الرد

[3mr Farrag]

مستني حد يرد عليا في الصحرا ديه
علي سعر العربيه مانيوال او اوتو
واسعار قطع غيارها بره التوكيل و مدي توافرها واماكن بيعها

[Mohab.Nabil]

اللى اعرفه

المانيوال لو اقل من 100 الف كيلو و فابريكة و حالة ممتازة تعمل من 60 لـ 70 الف

االاوتوماتيك و صعب جدا تلاقيها كوبيه زود حوالى 5 الاف على الاسعار اللى فوق

قطع الغيار اسعارها معقولة بالنسبة لفئة العربية مثلا المساعدين من 600 لـ 1200 جنيه و البطاحات 200 جنيه و تيل الفرامل 450 جنيه

و فيه كذا موضوع فى القسم فيه اسعار من التوكيل نفسه

[3mr Farrag]

تشكر يا استاذ مهاب
حضرتك الوحيد المعبرني في الصحرا ديه
انا بقارنها دلوقتي بين الجراند بونتو كوبيه
ومش عارف انهي افضل من ناحيه قطع الغيار لسه
اللي اعرفه ان سعر العربيتين قريب من بعض شويه
المهم عندي سعر قطع الغيار بره التوكيل و توافرهم

[Mohab.Nabil]

تشكر يا استاذ مهاب
حضرتك الوحيد المعبرني في الصحرا ديه
انا بقارنها دلوقتي بين الجراند بونتو كوبيه
ومش عارف انهي افضل من ناحيه قطع الغيار لسه
اللي اعرفه ان سعر العربيتين قريب من بعض شويه
المهم عندي سعر قطع الغيار بره التوكيل و توافرهم

العفو

الناس بتبقى مشغولة بس لو حد عنده معلومة اكيد هيفيدك ان شاء الله متقلقش

بص هى السى فور فئة اعلى من الجراند بونتو .. السى فور مقابلة للبرافو و السى ثرى مقابلة للجراند بونتو .. قطع الغيار انا شايفها معقولة فى السى فور معرفش بصراحة نظام الجراند بونتو ايه بس بيقولوا التوكيل بتاعها مش حلو اوى .. السى فور قطع غيارها برة التوكيل معقولة و ممكن تنزل التوفيقية تاخد لفة على محلات الفرنساوى هناك و تشوف الاسعار بنفسك

[3mr Farrag]

انا عارف ان السي 4 فئه اعلي من الجراند بونتو
مش فارقه معايا اوي قد موضوع قطع الغيار بره التوكيل
انا مش بروح عماتا التوكيلات لانهم كلهم مبالغ في اسعارهم
كل الموضوع برضوا واقف علي سعر العربيه و حالتها
وبحب العربيات الصغيره اكثر بس مقلق من موتور الجراند لانه اصغر من السي فور

[ashraflotfy1]

بص يا سيدى أنا معايا سي4 2006 أوتو و مش كوبيه و قطع الغيار نفس السي4 العادية عدا الشكل الخارجى ن الخلف فقط لأن المقدمة واحدة و الموتور واحد و السعر 75 ال80 ألف حسب الحالة و الكيلومتر و قطع الغيار متوفرة جديد و مستعمل للسي4 العادية مش الكوبيه لأنها نادرة لكن أكيد موجودة و الصيانة عند ناس كتير فى الحرفيين و عين شمس و المعادي و مدينة نصر و اسكندرية
كمان مراتي معاها جراند بونتو 2010 اللي بفتيس دوالوجيك و قطع غيارها موجودة عند الكيلانى و بتوع الفيات الجديد في دمشق و التوفيقية و التوكيل طبعا و ما أعرفش أسعار قطع الغيار لكن سعر العربية 75 الي 85 ألف حسب الموديل و الكيلومتر و الحالة و في منها الايفو و هي هي نفس الجراند بونتو بس موديل 2011 و 2012 و الاختلاف في الاكصدام و التابلوه و شكل الفوانيس الخلفية
راي الاتنين زي بعض لكن السي4 أعلي و قطع غيار أرخص و الموتور أقوي
الفيات تكييف أقوى و موفرة أكتر في البنزين و الفتيس بتاعها جميل و ممتع
الفتيس بتاع السي4 فيه عضة بين الأول و التاني لكن مش دايما و مش قصة و مالوش أي تأثير علي أي حاجة و لا توضع في الحسبان
الفيات الموتور مش ضعيف رغم انه 77 حصان لكن مواتير الفيات محترمة و ممتازة و سمعت ان التوكيل بتاع فيات حيتغير أو اتغير و ده خبر كويس لأن التوكيل القديم مش قوي
النهاية الاتنين اختيار كويس و ابعد عن الكوبيه لأنه قليل و قطع الغيار الخارجية طبعا حتبقي قليلة

[3mr Farrag]

بص يا سيدى أنا معايا سي4 2006 أوتو و مش كوبيه و قطع الغيار نفس السي4 العادية عدا الشكل الخارجى ن الخلف فقط لأن المقدمة واحدة و الموتور واحد و السعر 75 ال80 ألف حسب الحالة و الكيلومتر و قطع الغيار متوفرة جديد و مستعمل للسي4 العادية مش الكوبيه لأنها نادرة لكن أكيد موجودة و الصيانة عند ناس كتير فى الحرفيين و عين شمس و المعادي و مدينة نصر و اسكندرية
كمان مراتي معاها جراند بونتو 2010 اللي بفتيس دوالوجيك و قطع غيارها موجودة عند الكيلانى و بتوع الفيات الجديد في دمشق و التوفيقية و التوكيل طبعا و ما أعرفش أسعار قطع الغيار لكن سعر العربية 75 الي 85 ألف حسب الموديل و الكيلومتر و الحالة و في منها الايفو و هي هي نفس الجراند بونتو بس موديل 2011 و 2012 و الاختلاف في الاكصدام و التابلوه و شكل الفوانيس الخلفية
راي الاتنين زي بعض لكن السي4 أعلي و قطع غيار أرخص و الموتور أقوي
الفيات تكييف أقوى و موفرة أكتر في البنزين و الفتيس بتاعها جميل و ممتع
الفتيس بتاع السي4 فيه عضة بين الأول و التاني لكن مش دايما و مش قصة و مالوش أي تأثير علي أي حاجة و لا توضع في الحسبان
الفيات الموتور مش ضعيف رغم انه 77 حصان لكن مواتير الفيات محترمة و ممتازة و سمعت ان التوكيل بتاع فيات حيتغير أو اتغير و ده خبر كويس لأن التوكيل القديم مش قوي
النهاية الاتنين اختيار كويس و ابعد عن الكوبيه لأنه قليل و قطع الغيار الخارجية طبعا حتبقي قليلة

تشكر يا باشا علي ردك
بما انك معاك الاتنين
ياريت تقولي اسعار قطع الغيار الاتنين
وموتور الجراند ايه نظامه و الثباااااااااااات و الفراااااااااااااامل
علشان دول اهم عندي من الموتور
و من ناحيه الكوبيه
برضوا عايز بونتو كوبيه...عايز اجيب حاجه علي مزاجي
زهقت من شغل اللوكال :d

[Hossam_hassan4]

قطع غيار بره التوكيل اعتقد c4 اكتر بس انا مش بتفق مع ان c4 فئه اعلي من الجراند بونتو مش دي بموتور البرافو المفروض !! و اعتقد هيبقي فيه فرق سعر بينهم لان البونتو بدات تنزل من 2009 تقريبا !

[3mr Farrag]

لأ الجراند بونتو فئه اقل
وبتنزل في مصر من موديل 2007 و يمكن 2006 كمان
و موتورها اقل من موتور البرافو لانها 12 صباب و البرافو 16
ده اللي اعرفه

[3mr Farrag]

ياريت يا استاذ اشرف تعملي مقارنه بين السي4 و الجراند بونتو
من ناحيه:
توافر قطع الغيار و اسعارها بره التوكيل
الثبات
الفرامل
الموتور؟؟ وانا عارف ان موتور السي 4 اكبر بس اسمع ان مواتير الفيات الجديده حاميه
يعني الجراند سهل تجيب 200 ولا هتبقي ميته معايا و تسارعها من فوق 160 عامل ازاي؟؟
والحجم مش فارق معايا انا اصلا بحب العربيات الصغيره

معلش هتعبك معايا شويه انا مجربتش اي حاجه منهم قبل كده

[ashraflotfy1]

تشكر يا باشا علي ردك
بما انك معاك الاتنين
ياريت تقولي اسعار قطع الغيار الاتنين
وموتور الجراند ايه نظامه و الثباااااااااااات و الفراااااااااااااامل
علشان دول اهم عندي من الموتور
و من ناحيه الكوبيه
برضوا عايز بونتو كوبيه...عايز اجيب حاجه علي مزاجي
زهقت من شغل اللوكال :d

يا سيدي قطع الغيار للاتنين موجودين جوة و برة التوكيل و البونتو منتشرة أكتر من السي4 و البونتو موجودة في بورسعيد كمان و أسارها مش عارفها لأني لم أشتري لها شئ لكن السي4 مثلا
كبوت جديد تايواني زى الأصل 600 و الأصلي 1000
فانوس أمامي بالموتور و اللمبات ديبو تايواني 600 و المستعمل أصلي فرنسي 600 و الأصلي جديد 1500
فلاتر و كدة عادي للبونتو و السي4 زي الياباني و الكورى الجديد
الثبات للبونتو ممتاز و هايل و أقصي سرعة جبتها كانت 150 و شغالة تمام
الثبات للسي4 رائع رائع
الفرامل للبونتو أقوي فرامل في العالم و السي4 ممتاوة لكن البونتو أقوي
السحب للسي4 كويس فتيس ستيبترونيك
السحب للبونتو فتيس دوالوجيك زي المانوال تقريبا بس النقل بطئ شوية لكن بالقرص عليه يديك اللي انت عاوزه
استهلاك البنزين طبعا البونتو موفرة كتير عن السي4
قطع الغيارمتوفرة للاتنين جديد و مستعمل في كل مكان
الصيانة عند المتخصصين فقط للاتنين مش أي بلية يلعب فيها لأن دي عربيات أوروبي بنت ناس محترمة تعاملها زي الزوجة الشرعية باحترام و شياكة تديلك اللي انت عاوزه و زيادة تعمل العكس لا تلوم الا نفسك و حتعيط
الاتنين صفقة رابحة و لو لاقيت سيارة نضيفة من دي أو دي أشترى و مش مهم 3000 أو 5000 الاف جنيه زيادة لأن النضيف نضيف و لو مش ناوي تغير بسرعة يبقي اتكل علي الله
لو نصيحتي ليك الاتنين مميزين جدا و مش منتشرين و تحس بتفردك معاهم و التميز مطلوب. شوف البونتو لأنها شبابية أكتر و روشة و مواتير حلوه و فرامل ؤهيبة و تكييف كويس جدا رغم انه أقل شويه من الكورى و الياباني لكن فعااااااااال أوي. و الأيفو مميزة أكتر و هي هي الجراند مع اختلاف الفوانيس الخلفية و الأكصادام و التابلوه فقط و شوية كماليات زيادة. هات المانوال لو عاوز شد و حركات و سعرها 65 ل 75 ألف موديل 2011 و لو 2012 أو 2013 طبعا زود الفلوس

[ashraflotfy1]

يا سيدي قطع الغيار للاتنين موجودين جوة و برة التوكيل و البونتو منتشرة أكتر من السي4 و البونتو موجودة في بورسعيد كمان و أسارها مش عارفها لأني لم أشتري لها شئ لكن السي4 مثلا
كبوت جديد تايواني زى الأصل 600 و الأصلي 1000
فانوس أمامي بالموتور و اللمبات ديبو تايواني 600 و المستعمل أصلي فرنسي 600 و الأصلي جديد 1500
فلاتر و كدة عادي للبونتو و السي4 زي الياباني و الكورى الجديد
الثبات للبونتو ممتاز و هايل و أقصي سرعة جبتها كانت 150 و شغالة تمام
الثبات للسي4 رائع رائع
الفرامل للبونتو أقوي فرامل في العالم و السي4 ممتاوة لكن البونتو أقوي
السحب للسي4 كويس فتيس ستيبترونيك كويس أوي أوي و أفضل من البونتو لأن العزم أقوي
السحب للبونتو فتيس دوالوجيك زي المانوال تقريبا بس النقل بطئ شوية لكن بالقرص عليه يديك اللي انت عاوزه طبعا المانوال يبقي أفضل
استهلاك البنزين طبعا البونتو موفرة كتير عن السي4 لفرق سعة المحرك و وزن السيارة السي4 أتقل
قطع الغيارمتوفرة للاتنين جديد و مستعمل في كل مكان مفيش مشاكل يمكن السي4 متوفرة أكتر و أرخص شوية
الصيانة عند المتخصصين فقط للاتنين مش أي بلية يلعب فيها لأن دي عربيات أوروبي بنت ناس محترمة تعاملها زي الزوجة الشرعية باحترام و شياكة تديلك اللي انت عاوزه و زيادة تعمل العكس لا تلوم الا نفسك و حتعيط
الاتنين صفقة رابحة و لو لاقيت سيارة نضيفة من دي أو دي أشترى و مش مهم 3000 أو 5000 الاف جنيه زيادة لأن النضيف نضيف و لو مش ناوي تغير بسرعة يبقي اتكل علي الله. سعر اعادة البيع للاتنين مش حلو لكن انت بتشتري مستعمل يبقى خلاص مفيش مشاكل لكن البونتو مطلوبة و سوقها أفضل لكن كله بيتباع. المشكلة للزيرو بيخسر النص
لو نصيحتي ليك الاتنين مميزين جدا و مش منتشرين و تحس بتفردك معاهم و التميز مطلوب و الكماليات الاتنين تقريبا زي بعض و مش موجودة في اليابانى أو الكورى حتي الهايلاين منهم و كل ما يخطر علي بالك من كماليات موجود في الاتنين لكن البونتو في منها اتنين زجاج كهربي أمامي فقط و فيه منها أربعة. السي4 الأربعة زجاج كهرباء و أوتو كمان. البونتو فيه منها بكروز كونترول و في منها مافيهوش لكن السي4 كله فيه مثبت و محدد سرعة. السي4 منها فيه سقف بانوراما بس لا يفتح و البونتو فيه منها سقف متحرك و مش بانوراما و فيه منها مافيهوش. البونتو جنوط اسبور كلها لكن السي4 فيها كده و كدة.
شوف البونتو لأنها شبابية أكتر و روشة و مواتير حلوه و فرامل رهيبة و تكييف كويس جدا رغم انه أقل شويه من الكورى و الياباني لكن فعااااااااال أوي. و الأيفو مميزة أكتر و هي هي الجراند مع اختلاف الفوانيس الخلفية و الأكصادام و التابلوه فقط و شوية كماليات زيادة. هات المانوال لو عاوز شد و حركات و سعرها 65 ل 75 ألف موديل 2011 و لو 2012 أو 2013 طبعا زود الفلوس
السي4 مواتير أقوي و هورس باور110 و عزم أعلي اتنين كامة و وسع من الداخل أكتر و شنطة أكبر و شكل مميز أكتر و تابلوه ليس له مثيل و مقود متفرد لها فقط فقط
الاتنين طارة مالتي فانكشن
الاتنين ساوند سيستم رهيب من أحلي ما أنتج في البونتو ألمانى . Blaubunkt
السي4 فرنساوي ممتاز لا يقل عن البونتو
أرجو اني أكون أفدتك و أي سؤال تحت أمرك و تلييفوني 01221033397 لو عاوز أي استفسار

معلش أنا زودت حاجات عن الرد اللي قبله فتقبل الاعادة