رايح عز العرب ... حد عايز يسال علي حاجة

[3mr Farrag]

انا سألت واحد صاحبي بمعرفه بواحد شغال في ستروين عز العرب
وجاب سي 4 كوبيه عامله 45 الف كيلو بس موديل 2007 50 الف جنيه
وشغل النت بصراحه كله هبل
والناس بتزود اسعار العربيات %10 و ممكن % كمان 20

[MoH.SaLaDiN]

ممكن تسأل على لون فرش الاليزيه لانى لما حددت لون العربية بعد ماحجزت افتكرت انو مقلش حاجة عن لون الفرش انا عاجبنى اللون البيج مش عارف موجود ولا لا

[Mohab.Nabil]

انا سألت واحد صاحبي بمعرفه بواحد شغال في ستروين عز العرب
وجاب سي 4 كوبيه عامله 45 الف كيلو بس موديل 2007 50 الف جنيه
وشغل النت بصراحه كله هبل
والناس بتزود اسعار العربيات %10 و ممكن % كمان 20

بصراحة دا سعر غريب جدا و انا اول مرة اسمع سعر قليل جدا فى الارض كده .. يعنى هتبقى عاملة 45 الف كيلو يعنى تقريبا مستخدمهاش و هيبيعها بالسعر ده ليه ؟؟ و هما اصلا 50 الف يجيبوا ايه

السعر دا غير واقعى بالمرة بصراحة و عمرك ما هتلاقى عربية نضيفة بالسعر ده

و لو لقيت عربية سى فور كوبيه ماشية 60 الف مش 45 الف و حالة ممتازة و بـ 55 مش بـ 50 كمان انا مستعد اخلص فيها على طول

[hamaka]

بصراحة دا سعر غريب جدا و انا اول مرة اسمع سعر قليل جدا فى الارض كده .. يعنى هتبقى عاملة 45 الف كيلو يعنى تقريبا مستخدمهاش و هيبيعها بالسعر ده ليه ؟؟ و هما اصلا 50 الف يجيبوا ايه

السعر دا غير واقعى بالمرة بصراحة و عمرك ما هتلاقى عربية نضيفة بالسعر ده

و لو لقيت عربية سى فور كوبيه ماشية 60 الف مش 45 الف و حالة ممتازة و بـ 55 مش بـ 50 كمان انا مستعد اخلص فيها على طول

بالظبط كده...و لو لقيت اتنين هخلص أنا فى التانية ، استحالة يا باشا الأسعار دى ، هى اه العربية اعادة بيعها مش سريعة انما الحالة بتمسك سعرها و مبتوقعهوش ، ما أنا كنت شفت واحد عارض واحدة كوبيه أوتو 2005 ب 55000 و البانوراما بتاعها مشروخ (يعنى قابل فى 12000 لو هتجيبه جديد) و عاملة 95000 كيلو و كان سعر نهائى و باعها ب 54000 (و قبل الدولار ما يغلى على فكرة)

[3mr Farrag]

والله يا باشا هو قالي كده
بس جابها من بره التوكيل

[hamaka]

والله يا باشا هو قالي كده
بس جابها من بره التوكيل

يا باشا أنا مش بكدبك ولا حاجة لا سمح الله ، أنا بس بحاول أوصلك ان مستوى الأسعار الحقيقى بتاع المستعمل اللى بيحدده هو سوق المستعمل ، يعنى حركة البيع و الشراء اللى هى مش متوفرة غير على النت بالنسبة للعربية اللى انت بتدور عليها ، العربيات اللى بيعها و شراها أكتر زى الكورى و بعض اليابانى ليها أماكن تانية زى سوق السيارات ، لاكن الأوروبى بوجه عام و السيتروين خصوصاً ليهم زباينهم و دول اللى عالنت و ده مستوى الأسعار حالياً اللى انت شوفته على كونتاكت أو دوبيزل لأن اللى بيدخل يحط اعلان لعربيته بيشوف الأول الناس بتعرض بكام و بيحط السعر على الأساس ده و بيبقى عارف مسبقاً القيمة طبعاً عشان لو فى حد مستعجل على البيع و منزل السعر أو عربية معيوبة و صاحبها منزل السعر متأثرش على السعر بتاع عربيته هو لو حالتها ممتازة...
أنا بس مش عايزك تضيع عربية كويسة تيجى قدامك عشان انت فاكر ان سعرها مغالى فيه و تكون دى قيمتها الحقيقية (ملحوظة: العربيات دى أصلاً بتتباع أقل من قيمتها الحقيقية مقارنة بعربيات تانية أقل نظراً لثقافة السوق المصرى)...
خليك بتدور عادى لغاية ما تنوى على حاجة و ابقى أدخل قول لاقيت ايه و سعره كام و الناس هنا تقولك ده سعر كويس و لا غالى ، و ربنا يصلحلك الحال و تلاقى اللى انت عايزه ان شاء الله.....