ارجوكم أفيدوووني

[hegazi_arc]

أخيرا و الحمد لله لقيت عربيه جراند بيكاسو و من عند التوكيل عامله 70,000 كم بس ارجوكم اريد الاستفسار بخصوص قطع غيارها و صيانتها اعملها فين..عشان طووب الارض مخوفني منها و من اني اتحط تحت ضرس عز العرب..أرجوكم افيدوني عشان انا هاتجنن

[hamaka]

المستوى اللى بعد عز العرب على طول فى الأسعار و زيه فى الكفاءة أمير و جوزيف ، بس يعتبر غالى بالنسبة للميكانيكيين العاديين ، فى بقى الناس المستقلة اللى أعرفهم شغالين فى سيتروين م.ايهاب جلال فى صقر قريش و ده أنا اتعاملت معاه مرة محترم و فاهم جداً و هو كان شغال فى التوكيل ، و فى م.فريد شوقى فى مدينة نصر بس متعاملتش معاه و معرفش نظامه ايه بالظبط....كقطع غيار بقى فى كذا محل قطع غيار فى التوفيقية عندهم كل حاجات السى 4 مثلاً ، ممكن حضرتك تخطف رجلك لحد هناك و تسأل على قطع غيار البيكاسو و اسعارها...

[hamaka]

دى نمرة ايهاب جلال 01223104438
و دى نمرة أمير و جوزيف 22721412
و دى نمرة فريد شوقى01223236021 (بس خد بالك أنا معرفش عنه أى حاجة غير نمرته)

[Mohab.Nabil]

بص يا باشا

زى ما استاذ hamaka قالك كده ده خلاصة الكلام فى الستروين

بس خد بالك برضه انك بتشترى عربية مش منتشرة يعنى متتوقعش انك تلاقى قطع غيارها بسهولة او تلاقى ناس كتير بتفهم فيها و فى الاغلب هتبقى دايما بتتعامل مع التوكيل لأن زى ما قلت الموديل ده مش منتشر و معظم اللى راكبين العربية ديه بهوات من الاخر لأن مش اى حد بيقدرها و حتى لما تروح التوكيل هتلاقى معظم اللى بيوديها الصيانة سواقين شغالين عليها مش اصحاب العربية .. فحضرتك هتجيب عربية محترمة جدا و مش اى حد راكبها و لا يفهمها قصاد كده هتتحمل اسعار قطع الغيار اللى ممكن تسأل عليها فى التوكيل و اظن انك مش هتلاقيها مبالغ فيها .. يعنى مش رخيصة بس مش نار .. و بالتوفيق ان شاء الله و برضه لو العربية من التوكيل اكشف عليها برضه عندهم و اتأكد انها تمام مفيهاش مشاكل مش عيب

[hegazi_arc]

ألف شكر يا شباب..انا فعلا متوتر قوي من الستروين دي و رجل ورا و رجل فدام..المفروض اروح اعمل تيست درايف السبت ..انا متهايئلي انها نفس تكنولوجيا السي 4 العاديه..مش كده؟..مع العلم انها سولار مش بنزين..

[samyyousef]

قابلت احد ملاك الجراند بيكاسو الديزل و قال لي ان البنزين افضل و ان مهندس التوكيل نصحه باستبدالها

[Mohab.Nabil]

ألف شكر يا شباب..انا فعلا متوتر قوي من الستروين دي و رجل ورا و رجل فدام..المفروض اروح اعمل تيست درايف السبت ..انا متهايئلي انها نفس تكنولوجيا السي 4 العاديه..مش كده؟..مع العلم انها سولار مش بنزين..

لا طبعا مش نفس التكنولوجيا .. موتور سولار يعنى موتور مختلف عن موتور السى فور .. كل القطع الخارجية هتبقى مختلفة عن السى فور و مظنش تلاقيها برة التوكيل .. العفشة مش متأكد بصراحة بس اعتقد انها مختلفة عشان تناسب حجم العربية ..

انا مش عايز احبطك بصراحة العربية محترمة جدا و ركوبة فعلا و زى ما قلتلك مش اى حد يفهمها و يقدرها بس برضه مش عايز ابينلك الدنيا وردى و تجيبها و تحس انها عبء عليك .. قطع الغيار و الصيانة 90% هتبقى مع التوكيل لأن زى ما قلتلك قطع غيارها صعب تلاقيها برة لأن العربية نادرة و الناس بتتعامل معاها ان اصحابها ناس مش فارقة معاها الفلوس ..

ربنا يوفقك للى فيه الخير ان شاء الله

[rahieb_100]

أخيرا و الحمد لله لقيت عربيه جراند بيكاسو و من عند التوكيل عامله 70,000 كم بس ارجوكم اريد الاستفسار بخصوص قطع غيارها و صيانتها اعملها فين..عشان طووب الارض مخوفني منها و من اني اتحط تحت ضرس عز العرب..أرجوكم افيدوني عشان انا هاتجنن

انت ليه عايز C4 جراند بيكاسو؟ ده كفاية انها سولار والناس مش لاقية السولار
هو زى ما قالولك الاخوة...العربية قليلة جدا واعتقد انك مش هاتلاقى قطع غيار ليها بره بسهولة
وطبعا ماتورها مختلف عن ماتور C4 العادية علشان دى ديزل مش بنزين
انا فى رأى اسأل الاول على قطع غيارها بره والناس االلى ممكن تشتغل فيها

[Honda_lover]

من رايي ابعد عنها عشان متتعبش في صيانتها

[hegazi_arc]

انا كلمت ايهاب جلال و قالي باش عشان التربو بيبوز من الديزل اللي عندنا و المهندس فريد قالي لا عادي مادمت مولظب عالصيانه..طب لو ماكنش دب..حد عنده بدايل بنفس الامكانيات و المواصفات..

[hamaka]

هو حضرتك كنت ناوى تدفع فيها كام ؟؟

[hegazi_arc]

95.000 ده اخري

[hamaka]

كده قدامك لو انت عايز حاجة عائلية زى الجراند بيكاسو (suv أو كروس أوفر) أو قريبة منها ، بص على السانديرو ستيب واى ، تيريوس ، فيتارا ، كارنز ، لوجان mcv طبعاً بقه لو هنكمل سيدان فى النضيف عندك، فلوينس ، سيفيك و مازدا 3 ، بس للعلم السيتروين أنضف من الكروس أوفر اللى قولتهملك دول ، أنا جوز أختى معاه سانديرو ستيب واى مريحاه جداً...