مشكلة سحب في الايزيه مع التكيف

[engmina2013]

انا استلمت العربية من أسبوع تقريبا و عملت بالعربية حوالي ٦٠٠ كيلو الملحوظة الوحيدة علي العربية أن التكيف بتاعها في مشكلة بيحمل أوي علي العربية خصوصا في الزحمة الطويلة لدرجة أن العربية مش بتستجيب للبنزين و مش بتتحرك عالطول و العيب ده موجود في عربيات اتنين من زمايلي في الشغل استلموا العربية معاية
انا لسه معملتش صيانة الألف و بقول لنفسي أن ده بسبب التلين
لكن هو فعلا حاجة غير طبيعية أن التكيف في الجو الحر و الزحمة بيفصل و يشتغل مروحة فقط لحد ما العربية تتحرك تاني و تأخذ سرعة معينة فيرجع يسقع تاني
غير كده العربية ممتازة و ثابتة علي الارض

[horas3000]

اولا الف مبروك
و ربنا يديك خيرها و يكفيك شرها
و متنساناش في التقرير عنها

اما بقي في موضوع السحب فصعب تحكم علي العربية قبل التليين و قبل اول صيانه
و المفروض تبص علي المانوال و تشوف التعليمات بتاعت التليين و هل ينفع تشغل التكيف اصلا خلال الفتره ده و لا لا
و عموما السحب بيتحسن مع الوقت

[abdulkhaleq]

رأيي تستنى بعد صيانة ال 1000
وتقولهم الشكوى دي
وتشوف

[MoH.SaLaDiN]

انا استلمت العربية من أسبوع تقريبا و عملت بالعربية حوالي ٦٠٠ كيلو الملحوظة الوحيدة علي العربية أن التكيف بتاعها في مشكلة بيحمل أوي علي العربية خصوصا في الزحمة الطويلة لدرجة أن العربية مش بتستجيب للبنزين و مش بتتحرك عالطول و العيب ده موجود في عربيات اتنين من زمايلي في الشغل استلموا العربية معاية
انا لسه معملتش صيانة الألف و بقول لنفسي أن ده بسبب التلين
لكن هو فعلا حاجة غير طبيعية أن التكيف في الجو الحر و الزحمة بيفصل و يشتغل مروحة فقط لحد ما العربية تتحرك تاني و تأخذ سرعة معينة فيرجع يسقع تاني
غير كده العربية ممتازة و ثابتة علي الارض

معلش انت اشترتها من انهى معرض وعلى كام

[Land_Cruiser]

لسه يا فندم العربيه بتلين . استني عليها لحد ال ١٠٠٠ كيلو علشان الموتور يكون اتفتح شويه

[الجنرال]

ياااااااااااااه اخيرا حد استلم الاليزيه :d

الف مبروك طبعا الاول ويارب تكون كويسة معاك وربنا يديك خيرها ويكفيك شرها

ثانيا انت كده هتخوفني منها .. بس مش عارف حاسس ان الموضوع نسبي لان الناس اللى استلمت البيجو لم تشتكي خالص من الموضوع ده فمش عارف

ثالثا .. ياريت تحاول تفضي من وقتك نص ساعة تكتبلنا تقرير عن العربية لحد دلوقتى .. لان انا شخصيا قرار الشراء متوقف على اللى هتكتبه انت والاعضاء الاخرين اللى اشتروا العربية

رابعا حتة ان التكييف يفصل لفترة وبعدين يرجع يسقع .. فلو انت مش عاملة على ماكس فاعتقد ده طبيعي وبيحصل معايا فى الكيا

خامسا: ايه اخبار استهلاك البنزين معاك؟؟

سادسا: ياريت تفيدنا فى حتة التوكيل سواء انت رحت او حد من اصحابك علشان نعرف التوكيل ايه اخباره مع العربية دي خصوصا انها جديدة عليه

ثامنا: بخصوص موضوع التكييف فى الحر .. هل العربية سخنت؟؟ درجة الحرارة بتاعتها عاملة ايه؟؟

تاسعا: هل انت حاسس ان فى مشكلة فى الفتيس؟؟ يعنى لو قفلت التكييف الفتيس بيستجيب بسرعة وبيديك عزم وتجميع سريع ولا المشكلة برضه موجودة حتى وانت قافل التكييف؟

[Fo1Fo]

هى العربيه مانيوال ولا أوتو ؟ فى الأشارات والعربيه سيلانسيه بيبقى التكييف مش قوى فى عدد كبير من العربيات بأستثناء اليابانى والعربيات الأعلى من 2000سى سى اما وأنت ماشى حتى بسرعه 20او 10كم بيكون فعال وثانيا وانت واقف وعلى السيلانسيه وتشغل التكييف السيلنسيه بيعلى لوحده من غير ماتدوس على البنزين ولا لأ؟ لأن الحكايه دى بيتم تفعيلها بعد التليين بمعر فه الصيانه ومن غيرها العربيه بتزهق اما الكومبريسور يفصل لمده 10-20 ثانيه ده طبيعى لعدم تكوين الصقيع ( الثلج) على السربنتينه............. أسف نسيت أقولك ألف مبروك وربنا يديك خيرها ويكفيك شرها وعلى فكره انا معايا ستروين من 18 سنه وناوى على الأليزيه ان شاء الله

[Moratoz]

التوكيلات بتنصح بعدم تشغيل التكيف الا بعد ١٠٠٠ ك

[megop6m]

تشغيل التكييف قبل 1000 كيلو غلط جدا لأنه تحميل شديد على الموتور اللي لسة في التليين ثانيا متحرقش على العربية وانت ماشي يعني المفروض متعلاش بالسرعة أكتر من 70-80 ك/س لحد متخلص صيانة الـ 1000

[asuity]

بغرض التجربة والاطمئنان .. التكييف الحمد لله مش بيأثر على السحب .. وسحب العربية ما شاء الله ممتاز.

[sohbamody]

مبرك ياباشا ربنا يكفيك شرها ويباركلك فيها
وعقبالى يارب