بأمانه ودون تحيز .. اشتري ستروين ax ولا لا ؟

[AAAH]

مع احترامي للجميع انا بحس ان قسم الستروين بيشجع الناس انهم يقتنوا الانواع دي
بما انها ستروين ومش بيحبوا يظهروا عيوبها الفعليه
وانا بعد نصائح حقيقيه قررت انى ابعد عن العربيه دي
انا اسف لو كلامي حاد بس مش لقيت حد هنا في القسم قالي بلاش علي عكس القسم العام لما كتبت فيه
وكأن كل قسم بيدافع عن العربيات اللى تخصه
يعني لو فكرت لقيت قطع الغيار وان مش اى حد يشتغل فيها واعاده بيع صعبه
كل دي كوارث تخليني مفكرش فيها
شكرا اوى علي اهتمامكم وردكم

خلاص اوك اعمل زى ما انا عملت بالظبط
اول ما فكرت فكرت فى نفس العربيه دى (ستروين ax) وطبعا عملت زيك بالظبط وسمعت كلام الناس اللى خوفونى منها واشتريت كميه عربيات مش هاتتخيلها خلال 4 سنين زى 127 و ال 128 و132 .... الخ وكل واحده صرفت عليها دم قلبى غير العطله والمفاجات الغير لذيذه بالمره خصوصا وانت معاك مراتك وعيالك والبهدله عند الصنايعيه .... الخ الخ الخ
وف مره خدت عربيه واحد صاحبى كانت رينو 9 وروحت بيها مشوار طويل وكانت العربيه موديل قديم يعنى تمانينات وبصراحه انا اتصدمت لما سوقت العربيه دى من النعومه والتجميع وحسيت بفرق شاسع بينها وبين الدبابات اللى انا بركبها لأانى ماعرفش وماسوقتش غير نوعين من العربيات اولهم الفيات الهلكان بتاع زمان وثانيهم العربيات الحديثه زى اللانسر والشيفروليه وكده وماكنتش متخيل ان ممكن عربيه رخيصه تديك اداء شبيه بالعربيات الحديثه لحد ما جربت الرينو 9 وابتديت اسأل على الفرنساوى وعرفت ان كله تقريبا نفس النعومه والسحب الممتاز اللى كنت مفتقدهم فى العربيات القديمه وبما ان شغلى كان فى شارع الحريه فى جسر السويس فكنت بشوف الورش وبتوع قطع غيار الستروين بالعبيط فى المنطقه والعربيه نفسها كانت منتشره فى المنطقة دى وقررت انى اغامر واجيبها
والحمد لله بعد التظبيطه الاولى للعربيه ماصرفتش عليها جنيه وكمان الحمد لله (ربنا يديمها علينا نعمه) ماعطلتش ولا مره واداءها ممتاز لدرجه انى ندمت انى ماجبتهاش من زمان وضيعت السنين اللى فاتت دى كلها فى عربيات قرفتنى وفلستنى وصرفت عليها اكتر ما باصرف على بيتى وعيالى وقضيت وقت عند الصنايعيه اكتر من اللى بقعده فى البيت او فى شغلى
وعموما انا بدافع عن الفرنساوى عموما مش العربيه دى بالذات ولو انت ظروفك سامحه كنت نصحتك بالميجان او الفلوينس او السى فور
وطبعا زى ما كله قالك ماحدش ليه مصلحه فى انك تشترى العربيه دى لكن نصيحه منى اسمع من اللى معاه العربيه فعلا او كانت معاه مش اللى سمع عنها وزى ما كلنا قلنا قبل كده اهم حاجه الحاله واكيد اللى العربيه دى تعبته كانت حالتها وحشه
واخيرا لك كامل الحريه فى الاختيار ولى كامل الحريه فى الدفاع عن سياره اغلى واقيم بكثير من وضعها المهين فى مصر واللى يخلى عربيات زى الفيات القديم ليه سعر عنها (مع احترامى الشديد لكل مالكى الفيات)

[Hasan_EGT]

والله انا المفروض في شهر يوليو اجيب فيات 127 بس لمل شفت العربية دي قلت اهدا شوية وافكرهي ايه اخبارها في السفر والثبات والسرعة

[rotanamasoud]

لا يا باشا اسلوب النقاش كان كويس بس انت هاجمتنا وحسستنا اننا عايزين نلبسك العربيه وهى نصيحه لوجهه الله
فاكيد حتلاقى اسلوبى اتغير معاك والموضوع متروك ليك اختار ما يناسبك
ولو عندك اى سؤال عن العربيه انا معاك

[rotanamasoud]

Hasan_EGT الثبات ممتاز التجميع قوى جدا لدرجه انى كنت بنرفز عربيات اعلى منى بكتير جدا
كنت بجيب 140 وفى فرق بين 140 مستريحه و140 قرص وخفت ازود
ال120 انت بتهزر مفيش حمل على الموتور وتسافر اى مكان مستريح
يعنى الحجم الصغير والمحرك الكبير عمل ميزتين عربيه صغيره للمدينه ومحرك كبير للسفر
والمهم ان عشان كل ده فبريكه معاه نظام فرامل متناسب مع قوه الموتور يعنى لما تفكر تقف حتقف باذن الله

[A3SAR]

hasan_egt الثبات ممتاز التجميع قوى جدا لدرجه انى كنت بنرفز عربيات اعلى منى بكتير جدا
كنت بجيب 140 وفى فرق بين 140 مستريحه و140 قرص وخفت ازود
ال120 انت بتهزر مفيش حمل على الموتور وتسافر اى مكان مستريح
يعنى الحجم الصغير والمحرك الكبير عمل ميزتين عربيه صغيره للمدينه ومحرك كبير للسفر
والمهم ان عشان كل ده فبريكه معاه نظام فرامل متناسب مع قوه الموتور يعنى لما تفكر تقف حتقف باذن الله

طيب انا سمعت ان ثباتها مش اد كده
لان زي منتا قولت موتور بيدي قوة وسرعه عاليه علي حجم صغير واكيد وزن خفيف
والوزن الخفيف هو اللى بيخلي العربيه تطير
صح ولا ايه ؟؟

[Dr.Solom]

لا يا باشا اسلوب النقاش كان كويس بس انت هاجمتنا وحسستنا اننا عايزين نلبسك العربيه وهى نصيحه لوجهه الله
فاكيد حتلاقى اسلوبى اتغير معاك والموضوع متروك ليك اختار ما يناسبك
ولو عندك اى سؤال عن العربيه انا معاك

بالظبط

Sent from my Sony Xperia™ Z smartphone

[Hasan_EGT]

hasan_egt الثبات ممتاز التجميع قوى جدا لدرجه انى كنت بنرفز عربيات اعلى منى بكتير جدا
كنت بجيب 140 وفى فرق بين 140 مستريحه و140 قرص وخفت ازود
ال120 انت بتهزر مفيش حمل على الموتور وتسافر اى مكان مستريح
يعنى الحجم الصغير والمحرك الكبير عمل ميزتين عربيه صغيره للمدينه ومحرك كبير للسفر
والمهم ان عشان كل ده فبريكه معاه نظام فرامل متناسب مع قوه الموتور يعنى لما تفكر تقف حتقف باذن الله

الف شكر على رد حضرتك بس اناكنت قلقان عشان سمعت ان ثباتها مش كويس بس مدام هي معاك وثباتها كويس ان شاء الله خير بس ليا سؤال انا شايف ان العربية بسم الله ماشاء الله كويسة على سعرها قوي انت بقا شايف في العربية اي عيوب ؟؟؟ يعني مثلا قطع غيارها كلها موجودة والا في حاجات هادوخ عليها ؟؟

[rotanamasoud]

طيب انا سمعت ان ثباتها مش اد كده
لان زي منتا قولت موتور بيدي قوة وسرعه عاليه علي حجم صغير واكيد وزن خفيف
والوزن الخفيف هو اللى بيخلي العربيه تطير
صح ولا ايه ؟؟

انا ظبط العربيه وصرفت عليها فلاقيت كل اللى صرفته(اقرب ما يكون لحاله المصنع)لاكن لو عربيه مش مظبوطه اكيد مش حتاخد اداء صح
وزن العربيه مش خفيف لاكن الموتور هو اللى اكبر من الوزن بكتير لان صاجها محمل
نظام الفرامل متناسب تماما مع قوه موتور العربيه
لو كانت العربيه معايا كنت خليتك تسوقها وتعرف بنفسك امال لو شوفت ال اللىgti موتورها 100 حصان
اما الثبات فناتج من التصميم لان العربيه واطيه والكراسى قعدتها واطيه فبقتراب مركز الثقل من الارض بيزيد التزان

[youtube]http://www.youtube.com/watch?feature=player_detailpage&v=jkMs1nWmMfw[/youtube]

[rotanamasoud]

الف شكر على رد حضرتك بس اناكنت قلقان عشان سمعت ان ثباتها مش كويس بس مدام هي معاك وثباتها كويس ان شاء الله خير بس ليا سؤال انا شايف ان العربية بسم الله ماشاء الله كويسة على سعرها قوي انت بقا شايف في العربية اي عيوب ؟؟؟ يعني مثلا قطع غيارها كلها موجودة والا في حاجات هادوخ عليها ؟؟

قطع الغيار حسب مكانك لو القاهره كله موجود ولو اسكندريه اصعب قليلا لو قريب من بورسعيد كله كله موجود
لو فكرت تشتريها لازم تنزل تعمل جوله على قطع الغيار عشان تطمن وتعرف انت داخل على ايه
والشرط الاساسى انك تشترى واحده نضيفه اساسيات عشان متتعبكش

[Honda_lover]

مع احترامي للجميع انا بحس ان قسم الستروين بيشجع الناس انهم يقتنوا الانواع دي
بما انها ستروين ومش بيحبوا يظهروا عيوبها الفعليه
وانا بعد نصائح حقيقيه قررت انى ابعد عن العربيه دي
انا اسف لو كلامي حاد بس مش لقيت حد هنا في القسم قالي بلاش علي عكس القسم العام لما كتبت فيه
وكأن كل قسم بيدافع عن العربيات اللى تخصه
يعني لو فكرت لقيت قطع الغيار وان مش اى حد يشتغل فيها واعاده بيع صعبه
كل دي كوارث تخليني مفكرش فيها
شكرا اوى علي اهتمامكم وردكم

نصيحة مني يا باشا بلاش تركب اي نوع فالستروين خليك مع القسم العام احسنلك وهات كوري عشان تستمتع بالركوبة

[A3SAR]

نصيحة مني يا باشا بلاش تركب اي نوع فالستروين خليك مع القسم العام احسنلك وهات كوري عشان تستمتع بالركوبة

شكرا لردك هوندا لفر !

[AAAH]

نصيحة مني يا باشا بلاش تركب اي نوع فالستروين خليك مع القسم العام احسنلك وهات كوري عشان تستمتع بالركوبة

بيتهيئلى ده نوع من التهكم
يا راجل دا انت عندك عربيتين ستروين :)

[Honda_lover]

بيتهيئلى ده نوع من التهكم
يا راجل دا انت عندك عربيتين ستروين :)

غلطة يا باشا وان شاء الله تتصلح وفي اقرب فرصة هبيعهم واركب كوري

[Mohab.Nabil]

مع احترامي للجميع انا بحس ان قسم الستروين بيشجع الناس انهم يقتنوا الانواع دي
بما انها ستروين ومش بيحبوا يظهروا عيوبها الفعليه
وانا بعد نصائح حقيقيه قررت انى ابعد عن العربيه دي
انا اسف لو كلامي حاد بس مش لقيت حد هنا في القسم قالي بلاش علي عكس القسم العام لما كتبت فيه
وكأن كل قسم بيدافع عن العربيات اللى تخصه
يعني لو فكرت لقيت قطع الغيار وان مش اى حد يشتغل فيها واعاده بيع صعبه
كل دي كوارث تخليني مفكرش فيها
شكرا اوى علي اهتمامكم وردكم

على فكرة الكلام طريقته مش كويسة ابدا !!

يعنى ايه مش بنحب نظهر عيوبها الفعلية للناس و بعد ما لقيت نصائح حقيقية يعنى احنا بنكدب و بنلبسك ولا ايه ؟

اولا احنا الحمد لله هنا فى القسم كلنا اخوات و محدش فينا ابدا بيفتى او بيلبس حد و محدش بيتكلم الا عن تجربة و اللى بيقول كلام هو مجربوش بنفسه بيقول فى اول كلامه ان دا كلام سمعه مش كلام متأكد منه

عندك مثلا انا المنسق بس معرفش اوى عن الـ ax مدخلتش الموضوع و قولتك هات ستروين ديه احسن عربية فى مصر لأ مردتش و استنيت الناس اللى فعلا جربوا العربية و كتر خيرهم و قالولك المفيد كله ..


عامة ديه مش مشكلنتا احنا ان السوق المصرى معظم اللى بيركبوا عربيات اصلا مش فاهمين فيها حاجة و كلهم بيحبوا يقلدوا و خلاص .. و اصلا و لا تفرق معانا ان اى حد يركب ستروين او لا لأنك زى ما قلت و لا لينا نسبة فى المصنع و لا لينا اى مصلحة .. احنا بننصح لوجه الله و مينفعش ابدا كل شوية عضو يدخل يدينا كلمتين و احنا اصلا بنفيد الناس !

و فى الاخر يا باشا ليك عقل و ليك دماغ تقدر توزن بيها الامور و تشوف انهى عربية احسنلك

و بحب اشكر كل الاعضاء اللى ردوا عليك على خدمتهم للناس و على سعة صدرهم

[AAAH]

على فكرة الكلام طريقته مش كويسة ابدا !!

يعنى ايه مش بنحب نظهر عيوبها الفعلية للناس و بعد ما لقيت نصائح حقيقية يعنى احنا بنكدب و بنلبسك ولا ايه ؟

اولا احنا الحمد لله هنا فى القسم كلنا اخوات و محدش فينا ابدا بيفتى او بيلبس حد و محدش بيتكلم الا عن تجربة و اللى بيقول كلام هو مجربوش بنفسه بيقول فى اول كلامه ان دا كلام سمعه مش كلام متأكد منه

عندك مثلا انا المنسق بس معرفش اوى عن الـ ax مدخلتش الموضوع و قولتك هات ستروين ديه احسن عربية فى مصر لأ مردتش و استنيت الناس اللى فعلا جربوا العربية و كتر خيرهم و قالولك المفيد كله ..


عامة ديه مش مشكلنتا احنا ان السوق المصرى معظم اللى بيركبوا عربيات اصلا مش فاهمين فيها حاجة و كلهم بيحبوا يقلدوا و خلاص .. و اصلا و لا تفرق معانا ان اى حد يركب ستروين او لا لأنك زى ما قلت و لا لينا نسبة فى المصنع و لا لينا اى مصلحة .. احنا بننصح لوجه الله و مينفعش ابدا كل شوية عضو يدخل يدينا كلمتين و احنا اصلا بنفيد الناس !

و فى الاخر يا باشا ليك عقل و ليك دماغ تقدر توزن بيها الامور و تشوف انهى عربية احسنلك

و بحب اشكر كل الاعضاء اللى ردوا عليك على خدمتهم للناس و على سعة صدرهم

+1111111111111111
تسلم يا كبير
والله الواحد بس بيحاول يقول شهادة حق يرضى بيها ربنا وضميره
وزى ما انت قولت كل واحد ليه دماغ وليه عقل يقدر يوزن بيه الامور