عملت حادث بالسيتروين بتاعتي أرجو النصيحة

[ahmed salah90]

الف سلامه ليك و انشاء الله يعوضك خير محدش عارف لو كنت كملت المشوار كان ايه اللي حصل ربنا هو بس اللي عالم بالغيب

[Ahmed Amin]

شكرا ليك. انا روحت الحرفيين و الحاجات موجودة عدا الكبوت و الاسعار يعني.
المهم كلمت واحد في عين شمس اسمه جميل و جبت الحاجات من عنده جديد كله
الكبوت 600 جنيه تايواني أفضل من الأصلي الألومنيوم لما يتخبط ما يتسمكرش
الفانوس depo 600 بالموتور من غير لمبات
الفيبرة اللي ماسك فيها المروحة و كده 275 جنيه
الشبكة الصغيرة اللي في الاكصدام فوق 80 جنيه
السوكة النيكل اللي علي حرف الكبوت بتاعة العلامة سيتروين 100 جنيه
الفيبرة اللي مغطية الكالون فوق 175 جنيه

كدة كل حاجة جبتها فاضل المصنعيات و الدهان دي بقي بتاعة كريم منير نتكلم فيها معاه

الشكر لله, الكبوت الالومنيوم مش بيستعدل أه. بس بيتحمل الحرارة عن العادي ومش بيطبق بسرعة زي العادي في حالة الحوادث.
الدهان في رينج 200 للقطعة في التوكيل وبرة. رفرف او باب او اكصدام
ابقي عرفنا عملت أيه في الباقي

[ashraflotfy1]

اخوتي الأعزاء شكرا ليكم جميعا علي ردودكم و أنا أخذت بآرائكم و كنت محتار فعلا أعمل ايه و أجيب منين و أروح التوكيل ولا لا و نفسي انها ترجع زي الأول تاني و انا روحت فعلا لكريم منير زي ما نصحتوني و جبت الحاجات من واحد في عين شمس و ربنا يسهل في الجاي و ألف شكر و لما أستلم العربية حابقي أقول ايه اللي حصل. هو علي الكلام بتاع احمد قدورة اللي ماسك ورشة كريم منير بيقول الثلاثاء و انا معاهم ليوم الجمعة مش مشكلة المهم ترجع تاني ز ما كانت و العملية كلها في الفيبر و الكبوت و الفانوس لكن العضم و الصاج و الشاسيه و لا الهوا فيهم والخبطة أصلا كانت صغيرة لكن الخسائر كانت في الجون نظرا لهشاشة الكبوت المضروب بتاعها اللي معمول من الألومنيوم و ده لا ينفع معاه سمكرة أو لحام و الفانوس أصلا غالي لأنه بموتور. عموما اسعار قطع الغيار عادية و أرخص من الدايهاتسو سيريون بتاعة مراتي أو التيريوس اللي كانت معايا أو البروتون جين2 اللي كانت معايا قبلها من حيث أسعار القطع او توافرها و دي ميزة تحسب للسي4 بجد و تطمن الواحد مستقبلا لو لا قدر الله احتجت حاجة تانية للصيانة أو خلافه

[ashraflotfy1]

الف سلامه ليك و إن شاء الله يعوضك خير محدش عارف لو كنت كملت المشوار كان ايه اللي حصل ربنا هو بس اللي عالم بالغيب

فعلا عندك حق بس الواحد بيزعل علي بهدلة العربية و العطلة و الفلوس بتتعوض لكن القلق كله من عدم رجوع العربية لأصلها

[ashraflotfy1]

الشكر لله, الكبوت الالومنيوم مش بيستعدل أه. بس بيتحمل الحرارة عن العادي ومش بيطبق بسرعة زي العادي في حالة الحوادث.
الدهان في رينج 200 للقطعة في التوكيل وبرة. رفرف او باب او اكصدام
ابقي عرفنا عملت أيه في الباقي

ان شاء الله و أخلص بس و أقول عملت ايه

[haythamabo]

متابع