تكييف الاليزيه و الفتيس

[zooma2009]

بسم الله الرحمن الرحيم

انا حبيت اعمل الموضوع ده بناءا علي رغبه القسم كله وخصوصا د. أحمد سراج و asuity

انا الحمد لله لسه مستلم الاليزيه فكنت ناول اليين لمده 1000 كم بس عشان اجرب موضوع التكييف دوست علي قلبي

اولا اداء التكييف : بسم الله ما شاء الله .... رائع ... شغلته علي a/c max الاول لمده خمس دقايق بعد كده نزلت سرعه المروحه للنصف ... والحمد لله الاداء مرضي جدا .... ( الكمبروسور فعلا ياباني )

التأثير علي سحب العربيه : مع تشغيل التكيييف بأقصي سرعه للمرحه واقل درجه تبريد .. (أقصي حموله)
لا يوجد تأثير يذكر علي السحب ... طبعا بتحس بيه ... بس ده العادي ... سحب العربيه مرضي جدا مع تشغيل التكييف بأقصي طاقه له .... مش بتحس بتأثيره الا لو طالع مطلع جامد وبيكون التأثير ده عباره عن تأخير بسيط جدا .

الفتيس : ذكي جدا وبيفهم طريقه سواقتك .... بمعني لما كنت بحسس عليها ومش عايز احرق ... لقيتها بتنقل التالت علي سرعه 50 ... بس لما دوست حاجه بسيطه ( محرقتش برضه) لقيتها نقلت الغيار التالت علي سرعه 70 .... يعني بيحدد طريقه سواقتك من دوستك علي البنزين

بالنسبه للأحساس بالنقلات : نقلات الفتيس ناعمه جدا .... ما عدا النقله من الاول للتاني في ( بعض الحالات فقط) ... بتحس بالنقله ... بس عادي يعني ... بتحصل بس لما بتبقي فزحمه وماشي واحده واحده ...

اي استفسار انا في الخدمه ..... يارب اكون قدرت افيدكو

[SERGIOOO90]

يا دكتور حازم انا مش عارف أقولك إيه إنتا كده موجب معانا بزيادة و كده كتير بصراحة
ألف شكر ليك يا باشا
وربنا يوفقك و يكرمك
و فعلا العربية بإذن الله تكون صفقة ممتازة و أي تخوف من أي حاجة حضرتك وضحتها
ربنا يوفقك و ويكفيك شر الطريق و الحسود و يتحط في عينه عود :) :)

[mohjarr]

نفس الحكاية لم أجد أية مشكلة فى البيجو ال 301 ... لست أدرى إذا كانت هذه المشكلة التى ذكرها بعض الزملاء لها علاقة بطريقة القيادة أم لا !!

[zooma2009]

نفس الحكاية لم أجد أية مشكلة فى البيجو ال 301 ... لست أدرى إذا كانت هذه المشكلة التى ذكرها بعض الزملاء لها علاقة بطريقة القيادة أم لا !!

مش عارف ايه السبب فعلا عند الزملاء... العربيه ما شاء الله موتورها قوي ... وفتيسها ذكي جدا ... والتكييف ياباني .
ممكن يكون الموضوع فعلا ليه علاقه بطريقه السواقه

اتمني ان الموضوع يتظبط عندهم بعد الصيانه

[yousefsemsem]

تقرير اكثر من رائع ربنا يديك خيرها ويكفيك شرها

[Karim Hegab]

شكرا ياريس ... انا جربت العربيه هنا فى جده وممتازه جدا ماشاء الله ... بالمكيف ومن غيره زى الفل ...

[hossam_elwani]

ربنا يباركلك فيها

[zooma2009]

يا دكتور حازم انا مش عارف أقولك إيه إنتا كده موجب معانا بزيادة و كده كتير بصراحة
ألف شكر ليك يا باشا
وربنا يوفقك و يكرمك
و فعلا العربية بإذن الله تكون صفقة ممتازة و أي تخوف من أي حاجة حضرتك وضحتها
ربنا يوفقك و ويكفيك شر الطريق و الحسود و يتحط في عينه عود :) :)

ربنا يخليك يا د.أحمد ... انا فالخدمه ... وربنا يكتبلك اللي فيه الخير ان شاء الله

[samyyousef]

هل نوع الفتيس اوتوماتيك تقليدي

[abo_salah]

هل نوع الفتيس اوتوماتيك تقليدي

انا كنت عايز اعرف حاجه عن كلام حضرتك عن الفتيس ...
هو Dualogic ??
اصل نفس الوصف بتاع حضرتك ده عندي في الجراند بونتو 2013 ..
حاسس انه ذكي شويتين تلاته .. علي حسب سواقتك بينقل علي سرعات مختلفه ..
وباحس بالنقله فعلا في وسط الزحمه اكتر حاجه ... لدرجه اني بافضل اخليها مانيوال وسط الزحمه واتوماتيك لو الطريق مفتوح ....

[kamero]

طب وبالنسبه ل امبير الحراره ؟؟
اللى بقى لمبه ؟؟ فيه اى مشكله ؟؟؟ فدنى ارجوك بسرعه عشان قربت استلم وخايف منه !

[Ahmed Amin]

طب وبالنسبه ل امبير الحراره ؟؟
اللى بقى لمبه ؟؟ فيه اى مشكله ؟؟؟ فدنى ارجوك بسرعه عشان قربت استلم وخايف منه !

خايف من أيه ؟!!!
معظم العربيات الجديدة مفهاش مشاكل من الحرارة, أو خليني أقولها كل العربيات الجديدة مفهاش مشاكل في الحرارة لحد 5 سنين قدام علي الأقل كمان.

وكل العربيات الجديدة عداد الحرارة بتاعها بيبقي ثابت علي النص , أو وما بين 70 كحد أدني, إلي 100 كحد أقصي.

وعشان العداد يا يفضل دايماً ثابت علي النص, أو بيتحرك في رينج ال 70 ل 100,وفي الحالتين مفهوش ضرر علي العربية في حاجة.
الضرر بيجي لما تحصل مشكلة في دورة التبريد ودرجة الحرارة بتزيد عن 100.

ساعتها بدل ما العداد يبدأ يزيد, وممكن متركزش معاه ولا تاخد بالك منه, هتنور لك لمبة في الطابلوة تعرفك إن الحرارة زادت,, وهتاخد بالك منها عشان في العادي هيا مبتنورش في العادي عشان تعرف إن العربية سخنت وكدا في مشكلة في دورة التبريد.

والعداد إتشال عشان في الغلب عشان توفير التكلفة,
وفي عربيات كوري زي الأكسنت اللي قبل ال rb مفهاش عداد حرارة برضه, وأنا كنت أستغربت لما ركبتها بس مفهاش أي مشاكل في الحرارة لحد دلوقتي برضه.
فيها مؤشر البنزين بس والسرعة وعدد لفات الموتور.

[asuity]

ربنا يباركلك يا zooma في عربيتك ويملهالك بركة
انا والله سواقتي هادية .. بس والله العربية بتنح (احيانا) معايا لما التكييف بيكون شغال بمعنى اني لما بدوس على دواسة البنزين العربية مش بتستجيب ومش بتتحرك!!

عموما انا هتابع مع التوكيل وفرنسا .. وانتوا كمان ركزوا مع العربية.

والعربية فعلا الحمد لله كويسة بس لما التكييف بيشتغل ..... لا تعليق

عموما العربية بتنتشر ماشاء الله شوفتها كذا مرة ودي ميزة ان شاء الله لكل الملاك

ربنا يبارك للجميع .. امين

[zooma2009]

هل نوع الفتيس اوتوماتيك تقليدي

الفتيس استبترونك ... مع وجود خاصيه السبورت درايف , وخاصيه تانيه عشان السواقه علي الطرق الزلقه

[zooma2009]

شكرا ياريس ... انا جربت العربيه هنا فى جده وممتازه جدا ماشاء الله ... بالمكيف ومن غيره زى الفل ...

ما شاء الله .... يعني التكييف كمان اداءه كويس ف جده !!! .... ربنا يباركلك فيها يارب