رد شركه سيتروين علي شكوي التكييف وسحب العربيه

[zooma2009]

ده كان رد ادمن صفحه سيتروين عالفيسبوك ... علي شكوي "بعض" ملاك اللأليزيه من ضعف سحب العربيه مع تشغيل التكييف



عملائنا الاعزاء اسف على التأخير فالرد فعلا" المشكله دى ظهرت فى بعض السيارات و لكن !! ليست مشكله اساسيه بكل السيارات المباعه و لكننا فى تواصل دائم مع مراكز الخدمه و الشركه الام ( فرنسا) فلا داعى للقلق بالمره و لكم منى جزيل الشكر و ارجو من سيادتكم لاى اسفسار او شكوه برجاء الاتصال . جورج اسكندر 01006115007

[SERGIOOO90]

إيه الكلام المايع ده
مفيش حاجة عندنا صريحة كل كلام مايع و غش و تدليس و كذب
بره يا باشا مئات الآلاف من العربيات بتتسحب و بيعوضوا أصاحبها عشان أعطال تافهة
و عيب كبير زي ده يقولك سندرس يعني إنتا لسه هتدرس
والعربية بقالها كام شهر في السوق
لامبالاة حاجة تحرق الدم و الله

[zooma2009]

عندك حق يا باشا ... بس ده وضع البلد كلها للأسف

بس في اعتقادي ان دي مشكله بسيطه وحلها اكيد سهل ... لأنها لم تظهر ف كل السيارات ... فمعني كده انها حالات فرديه ويمكن اصلاحها بسهوله ... والله اعلم

[hamaka]

يا باشا سيبك من رد الناس بتوع التوكيل فى المواضيع اللى زى دى ، الشكوى تتبعت ل psa فرنسا عشان يكون فى اهتمام بالموضوع ، طول مالحكاية فى ايد التوكيل و المشكلة فردية مش شكوى من جميع ملاك العربية أو حتى معظمهم التحرك هيفضل بطئ ، خصوصاً ان الدفعات اللى اتسلمت مؤخراً المشكلة مظهرتش فيها تقريباً ، واضح ان الدفعة الأولى هى اللى كان فيها الموضوع ده لحد دلوقتى ، لو الدفعات الجديدة اللى جاية ظهر فيها يبقى لازم تحرك لحماية المستهلك مع الشكوى للشركة الأم عشان المشكلة متطولش ، عموماً يعنى لما بيكون فى عيوب صناعة فى عربيات جديدة و متقفلة بره الحل بيكون بطئ نسبياً عشان أسلوب تعامل توكيلاتنا لكن فى المقابل بيكون حل جذرى (زى مشكلة المساعدين بتوع الأكسنت ار بى رغم بشاعة غبور كتوكيل ) على عكس العربيات اللى متقفلة فى مصر ، المشكلة بتتحل أسرع لكن بترجع تانى نظراً لقلة جودة القطع اللى بتتغير (زى الصنى الجديدة رغم ان توكيلها ممتاز فعلاً) ، و الكلام طبعاً على العربيات المتوسطة و المنخفضة السعر الجديدة لسة على السوق....

[mohjarr]

عنوان مراسلة الشركة الأم إذا لم تحل مشكلتك مع توكيل ستروين مصر
Official International Peugeot Website - Peugeot.......
ثم إنزل لأخر الصفحة و إضغط على c ontact

[zooma2009]

عنوان مراسلة الشركة الأم إذا لم تحل مشكلتك مع توكيل ستروين مصر
Official International Peugeot Website - Peugeot.......
ثم إنزل لأخر الصفحة و إضغط على c ontact

هو ده الكلام الصح .... ياريت asuity وكل اللي جصل معاه المشكله يبعتو شكوي رسمي