ما رأى اخوتى الكرام فى الاكسارا

[imam]

انا كنت عايز اشترى اكسارا, و كل ما اخد راى حد يصرخ فى وشى و يقولى ابعد عن الفرنساوى و يكلمنى فى قطع غيار نادرة و غالية اكنى بقوله انى حشترى طيارة ميراج!
و كتير بيقولو انها تحتاج معاملة خاصة و مش حتتحمل طبيعي شغلى اللى حتخليني استعملها كتير, انا ميال للسيارة جدا و مش حابب اجيب هيونداى اللى هى اكتر شيوعا مع زملائى, يا ريت اصحاب السيارة يتكرمو عليا بخبراتهم و يقولولى اتوكل على الله و اجيبها و لا فى حد عندو معاها تجارب سيئة يقول, بتصرف عليها قد ايه ستويا فى قطع الغيار مثلا. الناس بتحسسنى انى اسهمل اجيب عربية كل سنة من انى اجيب ستروين.
شكرا مقدما لكل من قرا الموضوع....

[fepsceasar]

الاكسارا حاجتها متوفرة جديد واستعمال
والصنايعية اللى بيشتغلوا فيها موجودين بس يا ريت يكون بيفهم فى الستروين او البيجو ودول موجودين
العربية ما شاء الله ممتازة واعطال قليلة وقطع غيار معمرة ونفس اسعار الدايو مثلا
هى الفكرة ان الناس بتستسهل وتحب تمشي ورا بعض وخلاص.. خليك مميز وفكر خارج الصندوق

[mero100]

العربيه دي مع واحد صاحبي و بيشكر فيها جدا و لسه جايبها مستعمله من شهرين و اللي بايعهاله تاجر يعرفه و بيستورد كل قطع الغيار بتاعتها .... المهم صاحبي ده ركب عربيات كتير و شكر جدا في الاكسارا .