تسعير ds5 hi.line

[dr_waswas]

صباح الخير
ادامي دي اس ٥ موديل ٢٠١٣ هاين لاين
العربية دي ظروفها ايه اخبار التوكيل معاها ايه
وسعرها كام هيا ماشية ٢٠٠٠ ك

[SERGIOOO90]

190000

[eng.m7md.ali]

190000

ياااااااراحل!! .. اذا هيا بأكتر من 295 الف

[Mohamed said]

ممكن تعمل من 280 الى 285 الف. انا شوفت كذا واحده معروضه على النت. بس مش عارف ليه انا شايف ناس بتبيع علطول و مكملتش بيها اول 10000 كم. تفتكر ممكن يكون فى حاجه مش عمليه فى العربيه؟

[الجنرال]

اكيد البنزين .. لان الموتور تربو وطبعا بتاكل بنزين 95

مع ان التوكيل بيقول تمشي ب 92 عادي

[ahmed.ammar]

انا سألتهم فى توكيل العجوزه يا جنرال قالولي الـ ds3 والـ ds5 لازم بنزين 95 مينفعش 92

[Hossam_hassan4]

انا سألتهم فى توكيل العجوزه يا جنرال قالولي الـ ds3 والـ ds5 لازم بنزين 95 مينفعش 92

ds4 قصدك ds3 ايه ذنبها بس :] :D

[dr_waswas]

حسام باشا متقولينا رأيك في الدي اس ٣ بتاعتك وظروف التوكيل معاك

[Honda_lover]

ال ds5 و الds4 بياخدو بنزين 92 عادي ومعتمد من الشركة الام في فرنسا بناء علي طلب عز العرب منهم وبعد سؤال مالكي السيارة اقروا بذلك وانهم بيضعوا بنزين 92 عادي

[Mohamed said]

معتقدش ان الموضوع موضوع بنزين لانها فعلا بتاخد 92 لكن يمكن تكون واطيه على الارض و بتحك كتير فى المطبات مثلا.

[Hossam_hassan4]

حسام باشا متقولينا رأيك في الدي اس ٣ بتاعتك وظروف التوكيل معاك

لا كنت عملت كذا موضوع عنها :)

عامه العربيه مميزاتها : ثبات كويس جدا - فرامل كويسه و نظام امان كان - القعده فيها مريحه خاصه من قدام - تصميم العربيه كويس اوي و فيه استغلال كويس للمساحات بالنسبه لان العربيه صغيره - خامات صناعه اعتقد الاحسن في الفئه بتاعتها

العيوب : مالهاش قطع غيار بره التوكيل بس فيه واحد قالي ان احتمال يجلها قطع غيار بعد رمضان - القعده ورا مريحه بس فيه مشكله في الطلوع و النزول لانها كوبيه و مساحه الخروج من الباب صغيره - العفشه ناشفه شويتين لانها عفشه سبور المفروض و جنط 17 - طبعا سعر اعاده البيع خاصه لو اول مالك بتبيع عربيه مش متجربه و ملهاش قطع غيار و فرنساوي و كوبيه (من وجهه نظر السوق :) ) - الفتيس مفيهوش مشكله بس مش متطور زي بقيت العربيات اللي فئتها مع ان التطور ده اوقات بيسبب مشاكل خاصه في مصر


في المجمل انا مرتاح للعربيه الحمدلله و لو رجع بيا الزمن كنت هجيبها هي هي برضه ..... و لو اتكلمت عن العيوب اكتر من المميزات فدا علشان لو حد عايز يجيبها يبقي عارف كويس و ميتصدمش :)