استفسار عن ال c3 1200cc 2003

[dasboot]

السلام عليكم،

دي اول مرة اكتب في قسم الستروين، علشان انا جاركم في قسم الكيا :)

المهم ان انا بادور علي سيارة لاختي الصغري. و قدامي c3 موديل 2003 ماشية 94,000km
العربية نضيفة مبدايا. و طبعا هاكشف عليها تاني و تالت و خامس.

لكن انا جايلكم في سوالين:

١- سمعت من احد الميكانيكية (و انا عارف فتيهم فا قلت اسئل) ان الكنترول بتاعها عمرة قصير نسبيا و سعرة 12,000 جنية!!!

فما مدي صحة هذا الكلام المريب؟

٢- قطع غيار الموديل ده بالذات متوفرة في اسكندرية ولا لا؟ و عند مين؟


شكرا لوقتكم و اتمني انضم لفريق ستروين قريبا :)

[hamaka]

السلام عليكم،

دي اول مرة اكتب في قسم الستروين، علشان انا جاركم في قسم الكيا :)

المهم ان انا بادور علي سيارة لاختي الصغري. و قدامي c3 موديل 2003 ماشية 94,000km
العربية نضيفة مبدايا. و طبعا هاكشف عليها تاني و تالت و خامس.

لكن انا جايلكم في سوالين:

١- سمعت من احد الميكانيكية (و انا عارف فتيهم فا قلت اسئل) ان الكنترول بتاعها عمرة قصير نسبيا و سعرة 12,000 جنية!!!

فما مدي صحة هذا الكلام المريب؟

٢- قطع غيار الموديل ده بالذات متوفرة في اسكندرية ولا لا؟ و عند مين؟


شكرا لوقتكم و اتمني انضم لفريق ستروين قريبا :)

طبعاً حكاية الكونترول زى ما حضرتك قلت بالظبط ، فتى صنايعية و من النوع الفاخر ، العربية اعتمادية جداً بس المهم متسيبش حد يعك فيها و تعمل صيانتها عند حد بيفهم فيها و يركب لها قطع غيار نضيفة (مش ضرورى الأصلى الفرنساوى ، ممكن البدائل الأسبانى أو التايوانى فى بعض الحاجات)

موضوع قطع الغيار فى اسكندرية أنا أعرف انها متوفرة للسى 4 ، مش عارف سى 3 وضعها بس أعتقد اللى هيجيب ل 4 هيجيب ل 3 ، ممكن حضرتك تنتظر لما حد من ملاك سيتروين فى اسكندرية يدخل و يقولك فين حاجتها تحديداً.....

[rotanamasoud]

اللى بيشتغل عموما فى الستروين فى اسكندريه
اخر صلاح الدين عند الجامع مش متذكر اسمه
حسام نظمى اخر صلاح الدين
انزل خد جوله عندهم واعرف منهم حاجه العربيه وانا بتعامل معاهم فى ال zx

[dasboot]

مشكورين جدا علي الردود يا شباب :)
انا قلت بردو ان موضوع الكنترول ده فتي خاصة ان ستروين شركة لها اسم و سمعة سواء في مجال الراليات او سيارات الركاب و حتي السيارات التجارية و مايصحش يعملوا كده.

شكرا جدا علي وصف الميكانيكي، هاروحله بعد بكره بما ان بكره الاحد.

و في انتظار حد من ملاك ال c3 الاسكندرانية يطمنا اكتر :)