تكييف c4...كالعاده :-(

[shaheenOnco]

تكييف الc4 ده تعبان اوووي بجد
لسه شاحنه من حوالي شهر في التوكيل ودلوقتي.... اولا بيصفر لما اشغله..ثانيا ضعيف ...ثالثا ودي المصيبه..في فتحه كده في الجنب جمب دواسة البنزين مش عارف ايه لازمتها المهم انه بيسرب منها..يعني غالبا في ماسورة بتسرب تحت التابلو...
بجد انا لو قررت اسيب الc4 او الفرنساوي عموما هايبقي بسبب التكييف بتاعها...مش بيسد خالص :-(:-(:-(

[Gelgel2004]

روح اة اتصل بكوول اير و تتحل المشاكل كلها
26202455
و بلغهم من نايل موتورز
تحياتى

[shaheenOnco]

روح اة اتصل بكوول اير و تتحل المشاكل كلها
26202455
و بلغهم من نايل موتورز
تحياتى

كلمتهم واخدت العنوان وهاروحلهم بكرة ان شاء الله..
شكرررررااااا يا باشاشاااا

[Gelgel2004]

تحت امرك نتقابل ان شاء الله هناك
معايا سيينا 1500 بتاعه واحد صاحبى هغيرلها طقم دبرياج ان شاء الله
تحياتى

[hamaka]

يا باشا أنا معايا أخت عربيتك بالظبط انت عارف ، التكييف معايا معقول جداً بسم الله ما شاء الله ، مش هقولك تلاجة بس نادراً ما احتجت انى أوصل ل level 6 ، كان يوم ما الحرارة كانت 45 من شهرين باين و يوم كمان كنت مسافر ، و عمرى ما وصلت ل 7 ده خالص ، دايماً على 3 أو 4 لو بالنهار و على 2 لو باليل ، و دى المفروض حاجة كويسة بالنسبة لك لأن ده معناه انها مشكلة عندك مش طبيعة التكييف و ان شاء الله تكون قابلة للعلاج....شوف المكان اللى Gelgel باشا قالك عليه و لو الدنيا مظبتتش استشير التوكيل أو أمير و جوزيف هما أكتر ناس أدرى بالعربية و ان شاء الله يعرفولك العيب فين ، و ابقى بلغنا بال Updates....

[hamaka]

ايه الأخبار يا باشا ، طمنا عملت ايه عند الجماعة بتوع كول اير ؟؟

[mangawy2012]

كان عندي نفس المشكله بيسرب هوا من فتحة الرجل روحت لواحد كهربائي اسمه زناتي فصلي الهوا اللي داخل من عند الرجل بقى يجيلي من الوش بقى احسن كتير بس تكييف السي فور عموما مش عالي

[shaheenOnco]

ايه الأخبار يا باشا ، طمنا عملت ايه عند الجماعة بتوع كول اير ؟؟

والله ياباشا للاسف مرحتش..انشغلت وكمان البلد زفت لاني ساكن في الهرم ف كل يوم يحصل حاجه تخليني اخاف اتحرك بالعربيه :-(
لما اروح اكيد هاكتب التخبار

[hamaka]

والله ياباشا للاسف مرحتش..انشغلت وكمان البلد زفت لاني ساكن في الهرم ف كل يوم يحصل حاجه تخليني اخاف اتحرك بالعربيه :-(
لما اروح اكيد هاكتب التخبار

معلش ان شاء الله الأمور تهدى و تعرف تروح و تتحل المشكلة ، أنا كمان ولله عايز أروح مدينة نصر أعمل الريموت و مش عارف بسبب الاعتصام بتاع رابعة...

[shaheenOnco]

معلش ان شاء الله الأمور تهدى و تعرف تروح و تتحل المشكلة ، أنا كمان ولله عايز أروح مدينة نصر أعمل الريموت و مش عارف بسبب الاعتصام بتاع رابعة...

انا عندي مشكله في الريموت برضه..كنت كتبت فيه بوست والمفروض اني اروح لفريد شوقي..مش انت رايحله برضه؟؟

[hamaka]

انا عندي مشكله في الريموت برضه..كنت كتبت فيه بوست والمفروض اني اروح لفريد شوقي..مش انت رايحله برضه؟؟

هروحله اه ان شاء الله ، مانا للأسف معرفش غيره و Honda lover دخل قالنا عليه انه تعبان و جرى و مقالش ليه ، بس أنا برضه مش هخاطر ، مش هخليه يعمل حاجة فى العربية نفسها ، الريموت يعيش فيه براحته ما هو كده كده بايظ و أنا ماشى بال Spare Key أصلاً ، عموماً لو عرفت حد تانى غير فريد ده هقولك عليه على طول ، و لو هنروح لفريد الأهم ان الفيلم بتاع رابعة ده يتفض عشان كده مش هنعرف نروح أصلاً ، و ربنا يستر و تكون المشكلة فى المفتاح مش فى العربية...

[shaheenOnco]

انا رحت لكول اير..الحقيقه الناس محترمين اوي ..كشف علي التكييف وقاللي - وياريته ما قاللي :( -
في حاجه اسمها سربنتينة الكويل ..دي حاجه تحت التابلوة- محتاجه تتغير وده لان الكومبرسور شغال كويس والفيوز شغال بس الفيريون مش واصل جوه علشان سربنتية الكويل دي
المشكله ان سربنتية الكويل دي تحت التابلوه..يعني لازم هايفك التابلوة كله ويركبها :(
قاللي الحوار كله هايكلفني حوالي 3000 ج ( تلاتلاف) وهوا هايجيب كل حاجه..
انا رحت برضه لواحد تاني الصراحه قاللي نفس الكلام بس قاللي الحوار هايتكلف 1800 ج ..
بغض النظر عن الفرق اللي مش قليل..وان اصلا المبلغ ده او ده مش قليل الا ان حوار ان يفك التابلوه دي مخوووووفننني
طبعا التوكيل كلمتهم قالولي هايتكلف 6000 ج !!!
مش اعرف اعمل ايه الصراحه :(

[Mohab.Nabil]

انا رحت لكول اير..الحقيقه الناس محترمين اوي ..كشف علي التكييف وقاللي - وياريته ما قاللي :( -
في حاجه اسمها سربنتينة الكويل ..دي حاجه تحت التابلوة- محتاجه تتغير وده لان الكومبرسور شغال كويس والفيوز شغال بس الفيريون مش واصل جوه علشان سربنتية الكويل دي
المشكله ان سربنتية الكويل دي تحت التابلوه..يعني لازم هايفك التابلوة كله ويركبها :(
قاللي الحوار كله هايكلفني حوالي 3000 ج ( تلاتلاف) وهوا هايجيب كل حاجه..
انا رحت برضه لواحد تاني الصراحه قاللي نفس الكلام بس قاللي الحوار هايتكلف 1800 ج ..
بغض النظر عن الفرق اللي مش قليل..وان اصلا المبلغ ده او ده مش قليل الا ان حوار ان يفك التابلوه دي مخوووووفننني
طبعا التوكيل كلمتهم قالولي هايتكلف 6000 ج !!!
مش اعرف اعمل ايه الصراحه :(

هو فك التابلوه حاجة رخمة جدا و صعب جدا يرجع زى المصنع حتى لو فى التوكيل نفسه دا غير ان المبلغ كبير برضه

بس برضه مش هينفع تمشى من غير تكييف

بصراحة ربنا معاك الاختيارين اصعب من بعض

[hamaka]

خليك مع المتجرب قبل كده من الاتنين اللى فى الأول عشان متلبسش ، و اعمله و اخلص من الحوار ده عشان ترتاح ، و طبعاً فاكس التوكيل وش فى الحوار ده 6000 جنيه ايه فى تكييف ده استهبال ، بس سؤال معلش ازاى عيب زى ده متقفش قبل ما تشترى ، انت فحصت العربية فين قبل الشراء ؟

[shaheenOnco]

خليك مع المتجرب قبل كده من الاتنين اللى فى الأول عشان متلبسش ، و اعمله و اخلص من الحوار ده عشان ترتاح ، و طبعاً فاكس التوكيل وش فى الحوار ده 6000 جنيه ايه فى تكييف ده استهبال ، بس سؤال معلش ازاى عيب زى ده متقفش قبل ما تشترى ، انت فحصت العربية فين قبل الشراء ؟

كنت كاشف في التوكيل ومكانش فيه مشكله في التكييف..والحقيقه قعدت معايا بتاع 4 شهور وقبلها اصلا كانت مع واحد صاحبي ومكنش فيها مشكله ..
شكلها حاجه جدت بس مش عارف ايه سببها..ايا كان انا فعلا خايف افك التابلوة ..ربنا يكرم ويعمل الصالح