الحمد لله استلمت العربية ياإليزاوية :)

[elsayed mohame]

الحمد لله استلمت يوم السبت ورخصت الأحد ..
والعربية ما شاء الله عليها رووووووعة ثبات وتقفيل وخامات حاجة اوروبى فعلا .. من الأخر جامدة تنيييييييييين :)
بس التكييف لما يشتغل صوت العربية اللى مبتسمعوش خالص بيظهر بقى وبتتقل العربية جامد .. فهل فعلا ما استخدموش اول 1000 كيلو ولا انتو رايكم ايه خاصة انه موتور ابن لازينة هيموت وتدوس بنزين :) أنا طبعا عملت بكلامكم وحاولت معديش 100 بس مبحسش بالعربية وبلاقينى على 140 وبنت اللذينة ثباتها ما شاء الله متحسش بالسرعة معها ..
سألت عندالإستلام على العجل والنيتروجين وكده لقيته بيقولى لا .. سيبه على كده والمصنع لو كان عاوز كان عملها سيبها زى ماهى فسمعت كلامه ولفيت بيها شوية فى اسكندرية وركنت ونمت وصحيت الأحد الصبح عادى ورجعت من اسكندرية لبنها علشان ارخص .. عادى انهارده الصبح لقيت العجلة الخلفية الشمال على الأرض خالص وحته ازاز مرمية جمبها !! مش عارف ليها علاقة ولا لأ ..
المهم الكاتلوج عربى مش زى ماكنتم بتقولو وتحفة ولما بصيت على اصلاح العجل لقيته كاتب ان فى الشنطة مع الاستبن والعدة فى جهاز لاصلاح الكاوتش يمشيك بتاع 5 كيلو .. انا اول مرة اسمع عنه .. عامة انا مستنى لما الشمس تروح وهنزل اغير الكاوتش او احاول اصلحه بس مش عارف الجهاز هقدر اتبع الكاتلوج وكل حاجة هتبقى تمام ولا لأ .. المهم انتو ايه رأيكم اعمل ايه فى العجل اسمع كلامكم نيتروجين وكده ولا لأ وجهاز الإصلاح ده حد عنده خبرة فيه يشرح بيشتغل ازاى بسهولة .. وهل لا زما اروح بنزينه علشان اظبط الكازتش ولا اى حد بيصلح الكاوتش والحته دى ضرورى علشان بينى وبين اقرب بنزينه مسافة انما محل اصلاح الكاوتش قريب بس العجلة على الأرض فهغيرها لازم ..
كمان انا رخصت 3 سنين .. كلفتكم لما رخصتو انتو كام ؟
والتأمين بيتكلف كام ؟
وايه النصيحة بخصوص التكييف فعلا مشغلوش دلوقتى ..
ختاما يارجالة بجد الإليزية حاجة تحفة فى الإمكانيات والخامات وكل حاجة واستحالة استحالة استحالة تفضل بالسعر ده ؟!!
ادعولى لانى فى السواقة مش جامد وبقول ياااااااااااااااااارب سلم ..
ختاما الف شكر ليكم رجالة بما تعنية الكلمة وساعدتونى كتير ..
وان شاء الله بس اتمكن اكتر فى السواقة والدنيا تظبط معايا وهاعملكو تقرير بالصور جامد ان شاء الله :)

[kamero]

الف مبروك ومتابع موضوع التكييف والسحب و موضوع الجهاز
ربنا يكفيك شرها يوديك خيرها بأذن الله

[elsayed mohame]

الف مبروك ومتابع موضوع التكييف والسحب و موضوع الجهاز
ربنا يكفيك شرها يوديك خيرها بأذن الله

امين يارب .. والف شكر ليك .. ومتابع انا كمان أكيد :)

[kamero]

[elsayed mohame]

كمان يا جماعة موضوع انها مفيهاش انذار مقلق فعاوز اعرف ايه احسن حاجة علشان انام وانا مطمن بقى :)
وعلى فكرة ده نادر انك تقول مفيهاش لانها بصراحة فيها كل حاجة ما شاء الله :)

[sehs15]

ألف مبروك يا باشا .... متابع بشده

[sehs15]

انت جبت البيزلاين وللا الهايلاين

[S O P H O S]

ما شاء الله
الف مبروك يا باشا وربنا يبارك .. ّ ّ

[elsayed mohame]

ألف مبروك يا باشا .... متابع بشده

انت جبت البيزلاين وللا الهايلاين

الله يبارك فيك .. جبت الكاملة exclusive بـ 130000 .. بس بينى وبينك كام واحد ركب معايا وهما معاهم كورى على فكره وكورى معدى 150000 وهى كلمة واحدة على لسانهم ووشهم واقف كده وتلاقيه بيقول الأوروبى اوروبى برضو :))

[kamero]

لو اعلى فئه هى فيها immbolizer

[elsayed mohame]

ما شاء الله
الف مبروك يا باشا وربنا يبارك .. ّ ّ

الله يبارك فيك يا باشا :)

[elsayed mohame]

لو اعلى فئه هى فيها immbolizer

انته متاكد .. معلش أنا مسألتش ومشفتش فيها ولا لا .. بس هشوف دلوقتى ان شاء الله

[elsayed mohame]

معلش يا جماعة لحظة غباوة على الصبح .. العربية فيها امبوليزر مكنتش اعرف فمعلش على الربكة اللى على الصبح دى :)

[elsayed mohame]

كلمت جورج دلوقتى على العجل .. قالى عادى اعمله نيتروجين فقلتله على 32 قالى لا 28 علشان ده جنط 15 فاحسن له 28

[mohjarr]

ألف مبروك يا باشا و إختيار موفق إن شاء الله و ربنا يكفيك شرها و يديك خيرها و العربية بها إيموبيليزر و فرامل abs و ebd و eba فى كل الفئات بالإضافة إلى 2 إيرباج فى الفئة الإكسكلوسف و إيرباج واحدة فى البيزلاين .