الحمد لله استلمت العربية ياإليزاوية :)

[Swift94]

الحمد لله استلمت يوم السبت ورخصت الأحد ..
والعربية ما شاء الله عليها رووووووعة ثبات وتقفيل وخامات حاجة اوروبى فعلا .. من الأخر جامدة تنيييييييييين :)
بس التكييف لما يشتغل صوت العربية اللى مبتسمعوش خالص بيظهر بقى وبتتقل العربية جامد .. فهل فعلا ما استخدموش اول 1000 كيلو ولا انتو رايكم ايه خاصة انه موتور ابن لازينة هيموت وتدوس بنزين :) أنا طبعا عملت بكلامكم وحاولت معديش 100 بس مبحسش بالعربية وبلاقينى على 140 وبنت اللذينة ثباتها ما شاء الله متحسش بالسرعة معها ..
سألت عندالإستلام على العجل والنيتروجين وكده لقيته بيقولى لا .. سيبه على كده والمصنع لو كان عاوز كان عملها سيبها زى ماهى فسمعت كلامه ولفيت بيها شوية فى اسكندرية وركنت ونمت وصحيت الأحد الصبح عادى ورجعت من اسكندرية لبنها علشان ارخص .. عادى انهارده الصبح لقيت العجلة الخلفية الشمال على الأرض خالص وحته ازاز مرمية جمبها !! مش عارف ليها علاقة ولا لأ ..
المهم الكاتلوج عربى مش زى ماكنتم بتقولو وتحفة ولما بصيت على اصلاح العجل لقيته كاتب ان فى الشنطة مع الاستبن والعدة فى جهاز لاصلاح الكاوتش يمشيك بتاع 5 كيلو .. انا اول مرة اسمع عنه .. عامة انا مستنى لما الشمس تروح وهنزل اغير الكاوتش او احاول اصلحه بس مش عارف الجهاز هقدر اتبع الكاتلوج وكل حاجة هتبقى تمام ولا لأ .. المهم انتو ايه رأيكم اعمل ايه فى العجل اسمع كلامكم نيتروجين وكده ولا لأ وجهاز الإصلاح ده حد عنده خبرة فيه يشرح بيشتغل ازاى بسهولة .. وهل لا زما اروح بنزينه علشان اظبط الكازتش ولا اى حد بيصلح الكاوتش والحته دى ضرورى علشان بينى وبين اقرب بنزينه مسافة انما محل اصلاح الكاوتش قريب بس العجلة على الأرض فهغيرها لازم ..
كمان انا رخصت 3 سنين .. كلفتكم لما رخصتو انتو كام ؟
والتأمين بيتكلف كام ؟
وايه النصيحة بخصوص التكييف فعلا مشغلوش دلوقتى ..
ختاما يارجالة بجد الإليزية حاجة تحفة فى الإمكانيات والخامات وكل حاجة واستحالة استحالة استحالة تفضل بالسعر ده ؟!!
ادعولى لانى فى السواقة مش جامد وبقول ياااااااااااااااااارب سلم ..
ختاما الف شكر ليكم رجالة بما تعنية الكلمة وساعدتونى كتير ..
وان شاء الله بس اتمكن اكتر فى السواقة والدنيا تظبط معايا وهاعملكو تقرير بالصور جامد ان شاء الله :)

الف مبروك انا المفروض هستلم العربية الخميس إن شاء الله هي موديل كام اصلي حجزها من معرض موديل 2014
رخصت العربية بكام 3 سنين؟

[S.Hasan]

الف مبروك وربنا يديك خيرها ويكفيك شرها ومستنين تقرير بالصور يا باشا

[elsayed mohame]

الف مبروك انا المفروض هستلم العربية الخميس إن شاء الله هي موديل كام اصلي حجزها من معرض موديل 2014
رخصت العربية بكام 3 سنين؟

2014 .. الله يبارك فيك .. حوالى 1375 تقريبا

[elsayed mohame]

الف مبروك و ربنا يبارك لك فيها

الله يبارك فيك .. امين يارب .. الف شكر يا باشا :)

[elsayed mohame]

الف مبروك وربنا يديك خيرها ويكفيك شرها ومستنين تقرير بالصور يا باشا

الله يبارك فيك .. ان شاء الله قريب :)

[ahmed.ammar]

الف مبروك وربنا يديك خيرها ويكفيك شرها ياارب

لو سمحت هما اتصلوا بيك وقالولك هتستلم يوم كذا ولا انت اللى فضلت تتصل وتتابع معاهم
اصل انا حاجز من نص مايو والمفروض استلم من زمان يعنى تقريبا انا وانت الدفعه الثانيه ف الاستلام نفس الوقت ومحدش كلمنى وكلمت جورج اخر رمضان كان قالي قبل العيد دى كانت اخر مره

وصحيح مقولتلناش جيبتها لون ايه اصل انا حاجز الشامبين

[eleanor]

الف مبروك وربنا يديك خيرها ويكفيك شرها

[elsayed mohame]

الف مبروك وربنا يديك خيرها ويكفيك شرها ياارب

لو سمحت هما اتصلوا بيك وقالولك هتستلم يوم كذا ولا انت اللى فضلت تتصل وتتابع معاهم
اصل انا حاجز من نص مايو والمفروض استلم من زمان يعنى تقريبا انا وانت الدفعه الثانيه ف الاستلام نفس الوقت ومحدش كلمنى وكلمت جورج اخر رمضان كان قالي قبل العيد دى كانت اخر مره

وصحيح مقولتلناش جيبتها لون ايه اصل انا حاجز الشامبين

انا طبعا فضلت ازن ازن ازن على دماغهم .. المفرض كان قبل 30 يونيو قالك لأ ده الدولار هيغلى ياعمى انت خلاص جبتها سلم بقى ذمبى ايه قالك الدولار اهو ربنا عداها على خير ها سلم قبل رمضان قالى لا طب قبل العيد قالك لأ وبعدين جه وقت التسليم واتفقنا على يوم الأربعاء قاموا فضين الإعتصام والدنيا مبقتش تمام اجلتها اسبوع واستلمت السبت اللى فات .. الحمد لله .. بمناسبة الشامبيون كنت كل ما كلمهم يقوللولى سيبك من الفيرانى اللى انت حجزها فى واحدة شامبيون دلوقتى خدها اقولهم انا حاجز فيرانى ومش هستلم غير اللون اللى انا مختاره .. عامة بينى وبينك العربية ما شاء الله كل الألوان عليها تحفة ..

[elsayed mohame]

الف مبروك وربنا يديك خيرها ويكفيك شرها

الله يبارك فيك .. امين يارب .. الف شكر لحضرتك ..

[ahmed.ammar]

انا كنت رايح انا والعائله نختار سيلفر ولا فيراني روحنا حاجزين الشامبين ههههههههه

انا زيك قالولي بعد شهر يعنى النص الثاني من 6 وقبلها بشويه قالك لا دى هتبقي اول 7 قبل رمضان بعدها لا حس ولا خبر لحد نص رمضان كده كلمنا جورج قال ادونى بياناتكم وحجزتوا امتى وكلام كده وقالنا متقلقوش هتستلموا قبل العيد وهتعيدوا بيها وكلام كده وكتبتله على الصفحه بعد العيد قالي برجاء الاتصال بيا وحصل ظروف ومتصلناش وبصراحه لا انا ولا والدى لينا فى المحايله والزن والرغي الكتير وكنا حاجزين ريو في معرض اوتومالك ولغينا حجزها بسبب كده

بس مشكله التكييف دى مخليه الواحد يقلق ويبدأ يفكر يستلم ولا يعمل ايه ولو مستلمش ايه ممكن يكون البديل المتاح بنفس السعر وبنفس الكفاءه !!