الاليزية حبيبتى واحد بن ....* بوظ شكلها :(

[elsayed mohame]

اخواتى فى الله اللى حبتهم من غير ماشوفهم ..
حابب افضفض كل الحزن اللى جوايا معاكم .. معلش هضايقكم :(
العربية ما شاء الله تحفة شكلا وامكانيات وكماليات وجودة ..
انا قولتلكم قبل كده انها أول عربية ليا .. وحبيتها جدا .. روحت النهاردة اودى والدتى للدكتور نزلت لقيت العربية الفرانى الجانبين فيهم حكات جايبة اللون الأبيض وبقى شكلها مش حلو فى 3أبواب وكمان المراية الشمال متنية عدلتها بس جيت اظبطها من جوه مفيش استجابة .. اليمين بتستجيب لكن الشمال لأ ..
أنا مأمن على العربية فى مصر للتأمين 90% و75%سرقة ..
وقاعد بقالى 4ساعات مخنوق وزهقان ومزعل كل اللى حوالى ومضايق جداااااااااااا ومش عارف حد قالى لو رحت التوكيل هيرشها بس كده هتقلل بتاع10000 جنية من قيمة العربية هو لدرجة دى الرش وحش!!
كمان مش هيغير الصاج اللى على فكرة متخبطش وسليم بس الدهان اللى شكله مش تمام على 3 ابواب .. حد يحاول يرفع من نفسيتى والله مش عارف اتنفس وحاسس ان الدنيا اتقفلت فى وشى لانى تعبان جدا والعربية من مالى الخاص ومجهود شغلى :(
وبالنسبة للتكييف والسحب .. انا هوصفلكم لانكم اكثر خبرة منى انا لسه مفهمش كويس بس هاوصف .. التكييف لما بيشتغل كويس هو مش تلاجة اوى - احتمال مكنش عارف اشغله لما اروح التوكيل هسأل - بس هو كويس جدا بس بيخلى العربية تسحب بنزين جامد جدا وبتحتاج تدوس بنزين جامد علشان العربية تعلى معاك لكن عادى متهكش يعنى من غير تكييف بتدوس بنزين وبتحس ان التكة الخفيفة بتفرق لكن التكييف لو شغال لازم تدوس جامد واستهلاك البنزين بيكون جامد برضو بالمناسبة انا اكاد اكون مبطلطوش فى اليومين اللى فاتو فى 4 او خمس مشاوير فى حدود 10 او 20 كيلو للمشوار .. هما دول المشكلتين لكن فى المجمل حلو ..
أما اللى حصل النهاردة فيارب مكنش استغبيت وبدل ما اكتفى باحباطى وباحباط اسرتى اكون نقلت احباطى ليكم والله مقصودش بس كنت عاوز اتكلم مع اى حد علشان مخنوووووووووووووق جدا ومش عارف اعالج شكل العربية ازاى ؟!! بشكل مثالى يرجعهالى زى الأول ..
فى الختام .. ياريت حد يقولى عنواين التوكيل اللى هقدر اعمل الصيانة فيه .. وتليفوناتهم والعنوان بالكامل وياريت لو ليهم اكتر من فرع .. انا من بنها .. وهل لو فى حل للعربية اعمله دلوقتى فى التوكيل ولا استنى لما اخلص 1000 كيلو ولا الصيانة بتتعمل قمته تحديدا ..
اسف على الإطالة بس ده عشمى فيكم :(

[ahmedsrs]

ولا تزعل نفسك ولا قيمتها هتقل ولا حاجة بالعكس كده هى على اصلها فابريكة وتجاهل انك تعمل فيه حاجة خالص الى بعد فترة وخدها قاعدة مفيش عربية فى البلد مش محكوكة

[elsayed mohame]

ولا تزعل نفسك ولا قيمتها هتقل ولا حاجة بالعكس كده هى على اصلها فابريكة وتجاهل انك تعمل فيه حاجة خالص الى بعد فترة وخدها قاعدة مفيش عربية فى البلد مش محكوكة

مش فاهم يعنى اسيبها كده موديهاش التوكيل!! طب وشكلها وازاى مش هتقل قيمتها !

[dr.hazem]

لو اللي عليها بويه من عربيه تانيه الموضوع سهل...
شوية كمباوند وهيطلعم وكله يرجع فل الفل ان شاء الله....

اما لو الابيض ده طبقة المعجون اللي تحت الدهان يبقى دي حكة جامده وده الفلر اللي تحت الدهان وده لازم يتدهن.....


تحياتي

Sent from my Xperia Arc S using Forum Runner

[elsayed mohame]

لو اللي عليها بويه من عربيه تانيه الموضوع سهل...
شوية كمباوند وهيطلعم وكله يرجع فل الفل ان شاء الله....

اما لو الابيض ده طبقة المعجون اللي تحت الدهان يبقى دي حكة جامده وده الفلر اللي تحت الدهان وده لازم يتدهن.....


تحياتي

sent from my xperia arc s using forum runner

الف شكر .. اعتقد انه الفلر لانى حاولت امسحه مطلعش .. منه لله ربنا يسامحه :(

[Land_Cruiser]

قدر الله و ما شاء فعل. طبعا اول نصيحه ان حضرتك ما تفكرش في موضوع الرش ده خالص لانه فعلا بينزل من تمن العربيه جامد لان المشتري بعد كده بيظن ان الرش نتيجه حادثه لاقدر الله و مش خرابيش. نصيحتي لحضرتك انك تبص علي الخدوش دي و تشوفها واصله للصاج و لا لأ و لو بسيطه ممكن البوليش يشيلها او ممكن حضرتك توديها لكار كير كويس يبص عليها و يحددلك ايه اللي ممكن يتعمل علشان يظبط شكلها و ان شاء الله خير ما تضايقش نفسك و منه لله اللي عمل كده

[elsayed mohame]

قدر الله و ما شاء فعل. طبعا اول نصيحه ان حضرتك ما تفكرش في موضوع الرش ده خالص لانه فعلا بينزل من تمن العربيه جامد لان المشتري بعد كده بيظن ان الرش نتيجه حادثه لاقدر الله و مش خرابيش. نصيحتي لحضرتك انك تبص علي الخدوش دي و تشوفها واصله للصاج و لا لأ و لو بسيطه ممكن البوليش يشيلها او ممكن حضرتك توديها لكار كير كويس يبص عليها و يحددلك ايه اللي ممكن يتعمل علشان يظبط شكلها و ان شاء الله خير ما تضايقش نفسك و منه لله اللي عمل كده

ايه البوليش ده .. هى الخرابيش بيضاء يبقى كده مش واصلة للصاج صح .. وايه هو البوليش ده !!
والف شكر لحضرتك

[hko]

علي حسب كلام حضرتك الخبطه مش جامده يبقي كده البويه مطلعتش
الابيض ده لون العربيه التانيه والحل هات قماشه وبلها بنزين وادعك جامد
وان شاء الله اللون هايطلع :)

[Land_Cruiser]

ايه البوليش ده .. هى الخرابيش بيضاء يبقى كده مش واصلة للصاج صح .. وايه هو البوليش ده !!
والف شكر لحضرتك

لو مجرد لون ابيض و مفيش تجاريح في الصاج يبقي ممكن البوليش و الكمبوند يداروه. البوليش و الكمبوند دول حضرتك بتضتريهم من عند بتوع الاكسسوارت السيارات او من البنزينات و ممكن تجرب في جزء صغير مش باين قوي

[elsayed mohame]

علي حسب كلام حضرتك الخبطه مش جامده يبقي كده البويه مطلعتش
الابيض ده لون العربيه التانيه والحل هات قماشه وبلها بنزين وادعك جامد
وان شاء الله اللون هايطلع :)

مش عارف بس حاولت امسحها بقماش وماية الأبيض فضل كانك مقشر العربية :(
وبعدين اخر جملة لحضرتك اللون هيطلع !! مش فاهم ازاى هو مش المفروض الأبيض تحت الفيرانى يبقى ازاى ؟!

[elsayed mohame]

لو مجرد لون ابيض و مفيش تجاريح في الصاج يبقي ممكن البوليش و الكمبوند يداروه. البوليش و الكمبوند دول حضرتك بتضتريهم من عند بتوع الاكسسوارت السيارات او من البنزينات و ممكن تجرب في جزء صغير مش باين قوي

هى الصاج سليم مش مخبوط بس كأنك مقشر اللون من عليه للأسف :(

[Haitham Basha]

يا معلم و لا يهمك فداك مليون ألف عربية المهم إنك و أهلك بخير الي يجي في الحديد بقشيش ، قول الحمد لله الذي كفاني الشر و دفع عني الأذى و هو على كل شيء قدير ... الموضع سهل إن شاء الله مش صعب يعني تعملها موضع البولش زي ما الإخوة الأفاضل قالولك و كلو هتبقى تمام و بعدين يا باشا إعتبرها بوسة العربية و ربنا يباركلك فيها و يدك خيرها و يكفيك شرها آمين يا رب

[elsayed mohame]

يا معلم و لا يهمك فداك مليون ألف عربية المهم إنك و أهلك بخير الي يجي في الحديد بقشيش ، قول الحمد لله الذي كفاني الشر و دفع عني الأذى و هو على كل شيء قدير ... الموضع سهل إن شاء الله مش صعب يعني تعملها موضع البولش زي ما الإخوة الأفاضل قالولك و كلو هتبقى تمام و بعدين يا باشا إعتبرها بوسة العربية و ربنا يباركلك فيها و يدك خيرها و يكفيك شرها آمين يا رب

ربنا يكرمك .. ان شاء الله هروح بنزينة اسأل عليه الاول وبعدين اخد قرار ان شاء الله ..

[amrelsaqqa]

ممكن تصورها واحنا نقوللك هى ايه ، ممكن فعلا تبقى حاجة بسيطة واللون الابيض يبقى مش تحت الفيرانى ، يكون لون العربية التانية وجه فوق اللون بتاعك ، وده ممكن عادى ما يطلعش بقماشة بس يطلع بالكومباوند والبوليش

[islam.afifi]

معلش فداك يا باشا و ربنا يكفيك شر العين