إعـــــــلان

**Mohab.Nabil** · 02-09-2013, 01:06 AM

يا باشا عيب و الله لما تعمل المقارنة ديه

اكيد ركبت الاتنين و حسيت بالفرق بنفسك

انا مسمعتش مشاكل عن العربية الا الجنط 18 صعب شوية فى مصر و دا مش عيب العربية نفسها دا عيب الشوارع هنا فى مصر ..

و 6-7 سنين يعنى يا مين يعيش و الله اعلم سنة 2020 البلد هتبقى عاملة ازاى و هنبقى عايشين اصلا و لا لا

كده يبقى ملغية فكرة اعاادة البيع لأن بعد 7 سنين كله هيبقى تقريبا واحد

اركب يا باشا و استمتع و سيبك من كلام الناس .. شوف نظرتك لما بتشوف دى اس 5 ماشية فى الشارع و نظرتك لما تشوف اسبورتاج فى الشارع .. مفيش وجه للمقارنة يا باشا

**Ahmed_Adham** · 02-09-2013, 01:22 AM

أنا شوفت DS5 مرتين وفي المرتين مكنتش ببقى عايز أشيل عيني من عليها كنت بمشي وراها وجنبها وقدامها عشان أشوفها من كل حته عربيه Head turner بجد. طبعا اللي بيشوف سبورتاج مش بيقف عندها أصلا. أنا ولا ركبت دي ولا دي بس صالون ال DS5 من الصور باين انه مصروف عليه واللي سما داخل العربيه "صالون" مكدبش لنه دايما لازم يبقى شيك ومرتب عشانن تستقبل حبايبك فيه.

دوس في ال DS5 وهيبقى العقبه الوحيده قدامك سمع توكيل كيا عن توكيل ستروين (عز العرب) وندره العربيه ممكن تضايقك شويه في قطع الغيار خصوصا انك هتحتفظ بيها لفتره فلو الحته دي متفرقش معاك اتك على الله وخلص.

ملحوظه: قريت كلام هنا انها مش بتنزل بالكراسي المضلعه اللي بتظهر في الصور. الكلام ده صح ولا لاء؟

**Ahmed TRAVCO** · 02-09-2013, 01:35 AM

أنا شايف اننا لما نقارن الDS5 بالSportage يقى بنهزر!!

الDS5 طيارة... مش عربية!! حاجة تحفة تحفة تحفة... انا اتوهمت - حرفيا - لما اتفرجت عليها في المصرية اللي في الغردقة من فترة... واحب اقول اني لو مكانك هجيبها بدون تفكير حتى في الباسات او الشيروكو... ومش هبالغ لو قلت اني اجيبها وما اجيبش الفئة التالتة من بي إم!!

عارف ايه مشكلة (الطيارة) دي؟؟؟ التوكيل اللي اسمه عز العرب ده!!! مشفتش بني آدم بيشكر فيه ابدا... كل اللي اعرفه انه مطلع عين عملاء البروتون والسيتروين ومبيهتمش غير بالفولفو فقط لا غير... فياريت تتأكد من النقطة دي جايز تكون التحفة دي واخدة حقها عندهم (اتمنى)...

انما في الاخر الDS5 حاجة جبااارة جدا ولو دخلت على اليوتيوب او اي موقع سيارات اجنبي هتشوف الناس بتقول ايه عليها...

**Mohab.Nabil** · 02-09-2013, 01:36 AM

المشاركة الأصلية كتبت بواسطة Ahmed_Adham مشاهدة المشاركة

ملحوظه: قريت كلام هنا انها مش بتنزل بالكراسي المضلعه اللي بتظهر في الصور. الكلام ده صح ولا لاء؟

مبتنزلش فيها فعلا .. و مش بينزل الا فرش لونه اسود بس فى مصر ( عدم احترافية عز العرب عادى )

اللى انا سمعته و الله اعلم شائعات ولا كلام حقيقى ان عربيتين بس فى مصر اللى نزلوا بالكراسى ديه و لونها احمر ( نبيتى ) و الاتنين كانوا special order

**mohammed dodda** · 02-09-2013, 01:53 AM

طب سمعنا ان الناس بتبيعها بسرعة والمعروض منها كسر زيرو ملحوظ جدا بسبب التربو وبنزين 95 وانه مينفعلهاش 92 فهل الكلام ده صحيح؟؟

**shaheenOnco** · 02-09-2013, 02:07 AM

صباح الفل...
بص ياباشا انا بصيت علي ملفك وعرفت لن كان معاك ديهاتسو تيريوس...انا شخصيا كان معايا قبل ال c4 لاتسر ودايو...الاوروبي عموما والفرنساوي خصوصا ده حاجه تانيه خاااالص...مش قصدي بس في الامكانيات و المميزات..انا قصدي كمان في العيوب...يعني مفيش عربيه ياباني ولا كوري هاتلاقي كل اللي بيبع قطع غيارها او بيفهم فيها بره التوكيل بيتعدوا علي الصوابع...مش بخوفك طبعا..بس ده عيب قصاد ميزة امكانيات العربيه..
عندي ليك اقتراح ممكن تقول عليه ساذج بس انا شايف انه عملي..هاتلك c4 2007 اقعد بيها سنه ولا حاجه..في حدود 70000 ومهما خسرت فيها مش هاتخسر 10000...علشان تفهم بس طبيعة الفرنساوي وعيوبه وتصليحه..صحيح الds5مش هاتبقي محتاجه مصاريف زي عربيه 2007..بس انا بتكلم في الفكرة نفسها قبل ما تدفع اكتر من 200 الف في حاجه مجهوله بالنسبه ليكي...
يارب يكون رأيي مفيد..
وايا كان اللي هاتجيبه بجد خد بالك من الحسد ..واسأل مجرب :-(
ربنا معاك ياباشا

**الغزالى** · 02-09-2013, 02:30 AM

العربيه بقت جنط 17 كلها مفيش جنط 18
وانا رأى لو بتقارن الاسبورتاج بال DS5
ال Ds5 هاتكسب ... لان الاسبورتاج الهاى لاين مش هاتيجى فى نفس كماليات ولا حلاوه ال Ds5
انا شخصيا بعشقها ... لما كنت بتيجى المعرض عندنا كنت بعشق القاعده فيها ...
شكل التابلوه بالقنصوله .... بالعدادت و فتحات السقف البانورما .. خيال علمى ...
غير الشكل الخارجى .. خزعبلى مع الماتور ال 1600 تربو 156 حصان .. عزم 250 عند ال 3400 Rbm تقريبا
صلى استخاره واتكل على الله ...
لو هتخاف منها ...
ممكن تفكر فى ال V40 الفولفو قنبله برضو
بس يعبها حاجتين .. انها مفيهاش حساسات ركن ولا بلوتوث فى الهاى لاين
وال 2 نفس السعر تقريبا ...
لو ليك مزاج تتفرج على ال v40 وتقعد فيها عرفنى وانا اخليك تيجى صاله العرض عندنا تقعد فيها براحتك

**Mohamed.Ramah** · 02-09-2013, 06:33 AM

Citroen DS5 صعب تقارنها بكيا العربية ليها وضع واحساس تانى خالص وعزل يعنى تعطى انطباع ال luxury cars العربية بتحتوى على تجهيزات روعة من الداحل وتصميم خارجى اكثر من رائع بالاضافة انها فئة مختلفة لو بتقارن بينها وبين الكيا سبورتاج فهى crossover car اما الds5 تقدر تقول انها shooting-brake. car بتجمع فى التصميم بين hatchback and estate

لو بتبص لمبيعات حتتفوق الكيا طبعا وكيا سبورتاج على مستوى العالم فى 2012 باعت من الاسبورتاج 387,142 سيارة
مقابل 34,500 للسيتروين الطبيعى انك متشوفهاش حتى فى دول احرى كتير

السيتروين ds5 كانطباع بعد قيادتها :

الموتور استجابة وتسارع رائع

الراحة الداخلية راحة الجلوس جيدة هو تحس انك غرقان جوة لانها واسعة والانتريور كبير بس كراحة على الطريق لاء مش مريحة الاحساس بالطريق كا سيارة executive خاصة مع الجنوط 18 مش مريحة

متقدرش تقول على السيارة انها رياضية بسبب المقود معزول تماما مفيش احساس بالطريق

السيارة على الطرق المفتوحة : حركة الهواء القوية بتأثر على جسم السيارة خاصة فى السير فى خط مستقيم

العزل الداخلى : جيد جدا مفيش صوت مسموع للطريق داخل السيارة اما صوت المحرك والتربو فى التسارع فهو صوت رياضى ومسموع الى حد متوسط داخل السيارة

الجودة الداخلية : طبعا دة حاجة ملحوظة من اول ما بتفتح باب السيارة وجيدة جدا فعلا

الامان :جيد جدا 6 وسائد + ABS - ESC

وضعية الجلوس فى الامام والخلف ومدى الراحة : الجلوس فى الامام جيد احساس بالوسع و السقف البانوراما

الخلف : السيارة ضيقة شوية بالاضافة لميل السقف لو شخص طويل حيحس بدة

الشنطة : مساحتها جيدة وخاصة لما بتقفل الكنبة

دة نقاط حبيت الفت نظرك ليها وطبعا لازم تشوف السيارتين على الطبيعة وتسال على توافر قطع الغيار والصيانة فى التوكيل لان دة اهم شىء خاصة انت ناوى باذن الله تكون عربيتك لمدة كبيرة ودة حيفرق معاك جدا وموفق فى الشراء

**eleanor** · 02-09-2013, 07:23 AM

السيتروين عربيه جامده وممكن بعد 7 سنين تحس ان شكلها لسا جديد لانها طفره فى عالم العربيات
اما الكيا اسبورتاج ممكن تفكر فيها لو كبيرك 5 سنين وهاتبيع علشان تعرف تمسك سعر كويس ولو انى ضد مبداء انى اشترى زيرو وافكر فى سعر اعاده البيع لكن انا بشترى زيرو علشان استمتع بيه

**Mohamed.Ramah** · 02-09-2013, 04:32 PM

هههههههههه لا ابدا كلنا كدة وفكرة العربية الكاملة دة نادرا فى مصر لان للاسف المواصفات البتجيلنا او بيستوردها الموزع او المعرض مع الاسعار بتجيب زهايمر للواحد انا عاوزك متحبطش وتوسع دايرة اختياراتك

بنفس المبلغ فى خيارات اخرى :

بى ام يبقى 316 2012 مستعملة

[youtube]http://www.youtube.com/watch?v=IhfQ1fJC_8U[/youtube]

المنتدى مش بيرضى يخلينى اضيف اكتر من فيديو فحضطر احط كل فيديو فى مشاركة واقسمها مش عارف فية اية !

**Mohamed.Ramah** · 02-09-2013, 04:35 PM

باسات 2012 / 2013 اول فئة 2013 جديدة وثانى فئة 2012 مستعملة 1.4 تيربو

[youtube]http://www.youtube.com/watch?v=8pfVXIYDJOs[/youtube]

بيجو 508 2013 الفئة الاولى جديدة او الفئة الثانية مستعملة نفس الموديل 1.6 تيربو

[youtube]http://www.youtube.com/watch?v=8MuqGCU_rRY[/youtube]

سكودا اوكتافيا A7 2013 جديدة 1.4 تيربو الفئة الاولى

[youtube]http://www.youtube.com/watch?v=UyAj9-Sq8hc[/youtube]

نصيحة لو حتدور على مستعمل متعتمدش على كونتاكت لان اعلاناتة قليلة واسعار مبالغ فيها يجيب احباط + مش كلها صحيحة مبالغ فيها

**Mohamed.Ramah** · 02-09-2013, 04:37 PM

بيجو 508 2013 جديدة 1.6 تيربو

[youtube]http://www.youtube.com/watch?v=8MuqGCU_rRY[/youtube]

سكودا اوكتافيا A7 2013 جديدة 1.4 تيربو الفئة الاولى

[youtube]http://www.youtube.com/watch?v=UyAj9-Sq8hc[/youtube]

نصيحة لو حتدور على مستعمل متعتمدش على كونتاكت لان اعلاناتة قليلة واسعار مبالغ فيها يجيب احباط + مش كلها صحيحة مبالغ فيها

**Mohamed.Ramah** · 02-09-2013, 04:38 PM

سكودا اوكتافيا A7 2013 جديدة 1.4 تيربو الفئة الاولى

نصيحة لو حتدور على مستعمل متعتمدش على كونتاكت لان اعلاناتة قليلة واسعار مبالغ فيها يجيب احباط + مش كلها صحيحة

وعذرا المشاركات اتقسمت لان المنتدى مقبلش اضيف اكتر من فيديو فى نفس المشاركة فاضطريت اكتبهم كدة XD

[youtube]http://www.youtube.com/watch?v=UyAj9-Sq8hc[/youtube]

Comment

إعـــــــلان

.

اخر كلام فى الds5

اخر كلام فى الds5

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment