زيارة مقر حماية المستهلك

[mohamed zizo]

بامر من جهاز حماية المستهلك .. ذهبت اليوم الى عز العرب مرة اخرى والعربية هتبات عندهم مع وعد من المهندس هشام باصلاح السيارة وارجاعها الى طبيعتها .. اتنمى والله.

والله المستعان

يا ابو حميد ان شاء الله المره تصيب ان شاء الله ....... نتمنى يارب انتم السابقون ونحن اللاحقون

[mohamed zizo]

دعواتكم يا رجاله مشكلتنا تتحل وفعلا يصدقوا المره دى .... الكل يقول ... ياااااااااااااااااااااااااااارب

[Mohamed_Hamid]

أبشروا خير ان شاء الله.

[S.Hasan]

سيدي الفاضل .. الحمد لله ركبنا عربيات كتير من الكوري للياباني للاوروبي والحمد لله على نعم ربنا علينا.

سيدي الفاضل .. هو لما مركز الصيانة المعتمد يفشل في حل مشاكل عملاءه تماما ده يبقى اسمه ايه؟!!

سيدي الفاضل .. لما التوكيل (المحترم) بيكدب على كل الناس اللي عندهم مشاكل وبيقول اي حجج واي اسباب عن العيوب .. من software update لبنزين مغشوش لاي كلام عشان يبعد المسئوليه عنه .. حضرتك شايف ده ايه؟!!

سيدي الفاضل .. لما كل شويه تخبط مشوار للصحراوي ومشوار كبير زي ده والعطلة من الشغل على امل اصلاح العيوب وتلاقي اهمال من مركز الصيانة وعدم قدرة على اصلاح العيوب .. حضرتك شايف الكلام ده ازاي؟!!

سيدي الفاضل .. انت شاكلك مش في مصر اصلا وواضح انك في الخليج يعني توكيل تاني غير توكيل مصر (المحترم) عز العرب .. يبقى اسمحلي القياس مختلف واللي ايده في الميه مش زي اللي ايده في النار.

سيدي الفاضل .. انا العربية عامل بيها 6200 كيلو منهم 4000 كيلو تقريبا من غير تكييف عشان التكييف فصل نهائي في عز الحر بتاع مصر ده ولانه لما كان بيشتغل كانت العربية بنسبة 100 في 100 بتتأثر وكانت احيانا مش بتتحرك من مكانها ده غير انه ظهرتلي رسالة على شاشة العربية ان اللموتور فيه مشكلة ولازم اركن!!!!!!

سيدي الفاضل .. محدش من الاعضاء بيتجنى على العربية بس احنا بنبين حقائق عشان اللي عايز يشتري يكون على نور وميحصلوش اللي حصلنا.

سيدي الفاضل .. ادعيلنا عشان احنا جبنا اخرنا

تحياتي

اوافقك تماما وربنا يكرمكم وتلاقوا حل ان شاء الله

[islam.afifi]

بامر من جهاز حماية المستهلك .. ذهبت اليوم الى عز العرب مرة اخرى والعربية هتبات عندهم مع وعد من المهندس هشام باصلاح السيارة وارجاعها الى طبيعتها .. اتنمى والله.

والله المستعان

ان شاء الله تكون الدنيا بقت كويسة
و الحمد لله اننا على إتصال و ان شاء الله نفيد اللي عنده مشكلة و يكون عرف الخطوات اللي عملناها

[islam.afifi]

صديق ليا معاه العربيه و كان بيشتكي منها بساله النهارده قال انه راح التوكيل و نزلوا ليه سوفت وير جديد و العربيه بقت ممتازه
بقا مبسوط منها جدا بعد ما كان قرفان منها
ربنا يصلح الحال ان شاء الله و تعدي المشكله علي خير

ربنا يطمنك يا باشا
بس ياريت حضرتك تأكلدنا كان عنده كركرة برضه ؟
ولا مشكلة سحب العربية مع التكييف

[islam.afifi]

دا كلام زي الفل وأخبار حلوة للناس اللي هنا.

أمين يا رب

[asuity]

استلمت العربية والحمد لله (الى اﻻن) العربية اتظبط وده تطور نوعي كبير جدا من عز العرب.
قابلت امبارح اتنين من اكثر الشخصيات احتراما المهندس محمد غازي والمهندس امر الكوافي شخصين رائعين وقمة اﻻحترام وفاهمين ازاي يكسبوا العمﻻء.
عموما وكما اتفقنا طبقا ﻻوامر حماية المستهلك العربية هتكون تحت المﻻحظة لمدة اسبوعين للتجربة وان شاء الله تكون العربية عند حسن الظن.

والله المستعان

[kamero]

استلمت العربية والحمد لله (الى اﻻن) العربية اتظبط وده تطور نوعي كبير جدا من عز العرب.
قابلت امبارح اتنين من اكثر الشخصيات احتراما المهندس محمد غازي والمهندس امر الكوافي شخصين رائعين وقمة اﻻحترام وفاهمين ازاي يكسبوا العمﻻء.
عموما وكما اتفقنا طبقا ﻻوامر حماية المستهلك العربية هتكون تحت المﻻحظة لمدة اسبوعين للتجربة وان شاء الله تكون العربية عند حسن الظن.

والله المستعان

الف مبرووك وان شاء الله تكون المشكله اتحلت !!
بس لو قصدق على المهندس امر الكوافى المليان الابيضانى مدير بروتون
يبقى خدبالك ده بياع كلام والله
هو راجل محترم اه بس فى الشغل بياع كلام

[asuity]

هو يا باشا .. والله انا ليا ان العربية تظبط عشان انا شوفت الويل في العربية دي. عموما الحمد لله العربية كانت طبيعية من الصحراوي لغاية البيت والدنيا كانت زحمة وحر وكانت كويسة ربنا يديمها نعمة.

دعواتكم

[hamaka]

استلمت العربية والحمد لله (الى اﻻن) العربية اتظبط وده تطور نوعي كبير جدا من عز العرب.
قابلت امبارح اتنين من اكثر الشخصيات احتراما المهندس محمد غازي والمهندس امر الكوافي شخصين رائعين وقمة اﻻحترام وفاهمين ازاي يكسبوا العمﻻء.
عموما وكما اتفقنا طبقا ﻻوامر حماية المستهلك العربية هتكون تحت المﻻحظة لمدة اسبوعين للتجربة وان شاء الله تكون العربية عند حسن الظن.

والله المستعان

ألف مبروك يا باشا و ان شاء الله العربية تفضل كويسة معاك و تتبسط بيها ، و بخصوص المهندس محمد غازى أنا اتعاملت معاه شخصياً و هو فى منتهى الاحترام أقوال و أفعال و بيعرف فعلاً يكسب العميل بتاعه ، مش يقولك احنا تحت امرك و فى الاخر مفيش فعل ، مهندس امر أنا معرفوش و متعاملتش معاه بصراحة...

أما بالنسبة لعيب العربية فا ده كده معناه انها كانت مشكلة سوفت وير فعلاً مش أى حاجة تانى الحمد لله ، ربنا يباركلكم فيها....

[zooma2009]

هو يا باشا .. والله انا ليا ان العربية تظبط عشان انا شوفت الويل في العربية دي. عموما الحمد لله العربية كانت طبيعية من الصحراوي لغاية البيت والدنيا كانت زحمة وحر وكانت كويسة ربنا يديمها نعمة.

دعواتكم

والله يا باشا انا فرحانلك اوي

يارب تبقي المشكله اتحلت نهائي وتتمتع بعربيتك , لأن بجد العربيه دي خساره

يارييت تطمنا كلنا

[amrelsaqqa]

الف مبروك يا رجالة
وعايزين نطمن على استاذ اسلام برضه عمل ايه في عربيته ؟

[Mohamed_Hamid]

قلتلكم ابشروا خير ان شاء الله :) الف مبروك وربنا يرزقكم خيرها ويكفيكم شرها

[Haitham G]

مبروك يا باشا وعقبال باقى الاعضاء ان شاء الله