تكييف الأليزيه و الحل ؟

[mfawzyali]

السلام عليكم

انا بعد تفكير قلت اني هجيب السي اليزيه

ولكن بعد موضوع التكييف اللي الناس بتكلم عنه

قررت اني اروح للنيسان صني السوبر صالون مظطر

ولكن هل كل عربيات الاليزيه نازله بالعيب ده وهل مافيش حل ليها ؟

[dr.hazem]

مفكرتش في البيجو ال301؟؟

Sent from my Xperia Arc S using Forum Runner

[mfawzyali]

مفكرتش في البيجو ال301؟؟

sent from my xperia arc s using forum runner

فرق السعر رهيب بين الاتنين البيجو غليت اوي اوي

والفرق بين الاتنين هو ان البيجو جنوط 16

دلوقتي عايز اعرف بس هل الستروين مشكله التكييف ديه فيها في العربيات كلها فعلا

[Rsarabia]

حتى لو مش فى كل العربيات
حضرتك هتشترى عربية لها سمعة و هى خلاص لزق فيها ان فيها مشاكل فى التكييف و دا هيأثر على سعر اعادة البيع بكل تأكيد هى و البيجو 301
الصنى الجديدة هى كمان لها مشاكل و لكن حاجات بسيطة فى الفرامل و التوكيل بيغيرها فى الضمان
اتوكل على الله و هات الصنى مدام عاجباك

[Swift94]

بص انا معي اليزية 2014 التكيف كويس مع العربية انا جيبت موديل 2014 بس انا كل الشكوة من انا الفتيس كان ممكن يكون احسن من كدا 4 نقلات بس فا عند 140 كيلو rpm بيكون عند 4 فا دا بيعلي صوت العربية

[zooma2009]

استلمت العربية والحمد لله (الى اﻻن) العربية اتظبط وده تطور نوعي كبير جدا من عز العرب.
قابلت امبارح اتنين من اكثر الشخصيات احتراما المهندس محمد غازي والمهندس امر الكوافي شخصين رائعين وقمة اﻻحترام وفاهمين ازاي يكسبوا العمﻻء.
عموما وكما اتفقنا طبقا ﻻوامر حماية المستهلك العربية هتكون تحت المﻻحظة لمدة اسبوعين للتجربة وان شاء الله تكون العربية عند حسن الظن.

والله المستعان

ده كان رد العضو asuity بعد معمل ابديت للسوفت وير فالتوكيل

[amrelsaqqa]

المشاكل اتحلت والحمد لله في العربية

[boushy]

عربيه ولا ليها لزمه انا بعتها وخسرت فيها 20000 جنيه حسبي الله ونعم الوكيل

[hamaka]

عربيه ولا ليها لزمه انا بعتها وخسرت فيها 20000 جنيه حسبي الله ونعم الوكيل

واضح ان حضرتك اتسرعت و بعتها لأن مشاكل التكييف طلعت سوفت وير و اتحلت باخر ابديت فى التوكيل عند الناس اللى كانوا بيشتكوا من حوار التكييف و دلوقتى اللى اشتراها منك هو الكسبان..خدها بأقل من سعرها 20000 و بمشوار للتوكيل خلص المشكلة....عموماً ربنا يعوض عليك و تجيب الحاجة اللى تريحك...

[boushy]

واضح ان حضرتك اتسرعت و بعتها لأن مشاكل التكييف طلعت سوفت وير و اتحلت باخر ابديت فى التوكيل عند الناس اللى كانوا بيشتكوا من حوار التكييف و دلوقتى اللى اشتراها منك هو الكسبان..خدها بأقل من سعرها 20000 و بمشوار للتوكيل خلص المشكلة....عموماً ربنا يعوض عليك و تجيب الحاجة اللى تريحك...

انا مكنش عندي مشكله فتيس أكتر من إنها عربيه سيئه في كل حاجه وضعيفه جدا
الحمد لله إني خلصت منها

[fepsceasar]

انا مكنش عندي مشكله فتيس أكتر من إنها عربيه سيئه في كل حاجه وضعيفه جدا
الحمد لله إني خلصت منها

فى حاجة اسمها سيئة فى كل حاجة والرجل بيتكلم عن التكييف مش الفتيس

[seeworld]

تقرير الاليزية

حرام عليك ياراجل الاليزية فاشلة
العربية كانت كل مشكلتها التكييف واتحل من فترة كبيرة وكانت سويفت وير
العربية معايا بقالها شهرين ونص وعامل بيها 10 الاف كيلو والعربية اكتر من رائعة انا سفرت اسكندرية وجايب بيها 200 وماشاء الله ثبات عالى جدا لدرجة انى مش حاسس انى ماشى 200
دا غير فراملها الممتازة والشيفت بتاعها فى السراعات ونقل الفتيس حكاية فى السحب
حرام عليك لما تعيب فى عربية ان الحمدلله على الاقل برقبة الكيا والالنترا

[S.Hasan]

انا مكنش عندي مشكله فتيس أكتر من إنها عربيه سيئه في كل حاجه وضعيفه جدا
الحمد لله إني خلصت منها

مستغربك اوي