إستشارة فى c4

[saiedccs]

العربية وانا ماشى باور الدريكسيون بيفصل لدرجة انى بكسر الدريكسيون بصعوبة عشان ادخل شارع
وساعات بتبقى تمام و العيب ده بتكرر كتير دلوقتى
العربية 2006 اتوماتك

[Ahmed Amin]

راجع علي فيوز الباور في علبة الفيوزات,
أنا مش فاكر هوا كام أمبير بالظبط,, بس طلع الفيوزات وأكشف عليهم وشوف لو فيهم واحد مقطوع أو مش كويس
لأن في الغالب المشكلة بتكون من الفيوز.

[waleedrahmy]

راجع علي فيوز الباور في علبة الفيوزات,
أنا مش فاكر هوا كام أمبير بالظبط,, بس طلع الفيوزات وأكشف عليهم وشوف لو فيهم واحد مقطوع أو مش كويس
لأن في الغالب المشكلة بتكون من الفيوز.

هو الباور في العربية كهرباء؟

[احمد عبد القاد]

حصل معى نفس الموضوع ، الاول صوت صفارة من طرومبة الباور تسمعها فقط لما تكون رأكن فى مكان هادئ ويتغير الصوت مع لف الدركسيون يمين وشمال وبعد كدة ابتدت تفصل باور وأنا ماشى ، كشفت فى التوكيل المهندس قال الاول نكشف على الفيوز بس كان سليم فقال لازم تغير طرومبة الباور وسعرها بالتوكيل حوالي ٥ آلاف جنيه
سألت بره لقتها جديدة ب ٣٥٠٠
فقررت تغيرها بواحدة استيراد ب١٥٠٠ جنيه شامل التركيب وضمان شهر
نصيحة عند الشراء لازم الطرومبة اللى هتخدها تكون راكبة فى السيارة المقطوعة وأول مرة تتحل أمامك وحافظ على الزيت اللى جواها
وطبعا تختارها من أنظف سيارة وأعلى موديل يعنى ابعد عن إى طرومبة مفكوكة جاهزة عنده لان ده حصل معى الاول ركب لى واحدة كانت مفكوكة جاهزة .
الباور اشتغل تمام بس وأنا بركن باليل فى الهدوء سمعتها بتصفر أيضاً ، تانى يوم غيرتها بوحدة أنا اخترتها من عربية حالتها جديدة
لذلك ادفع الثمن بعد التركيب والتأكد أنها سليمة ولازم يكون فى فترة ضمان لا تقل عن شهر

وعموما أتمنى يكون عندك الفيوز بس اللى فى مشكلة وتتحل على خير ان شاء الله

[Ahmed Amin]

هو الباور في العربية كهرباء؟

Electric Hydraulic Power Steering. EHPS

[Ahmed Amin]

العربية وانا ماشى باور الدريكسيون بيفصل لدرجة انى بكسر الدريكسيون بصعوبة عشان ادخل شارع
وساعات بتبقى تمام و العيب ده بتكرر كتير دلوقتى
العربية 2006 اتوماتك

أبقي راجع الموضوع هيفيدك جداً وهوا علاج لمشكلتك.
هيا للاسف الصور مش ظاهرة فيه بس أنت دور وأشكف عال فيوز ال ٧٠ أمبير وشيلة وحطة.
وانا شوفت عربيات في التوكيل عماو فيها الحركة دي واشتغلت تاني عادي بعدها.
بس اعمل اللي هنا بنفس الخطوات

http://www.nilemotors.net/Nile/333292-307.html

[saiedccs]

لكم جميعا جزيل الشكر
راجعت الفيوز و لقيته سليم لكن فى محاولة اخيرة سأقوم بتنظيف مكان الفيوز لعله السبب

[Ahmed Amin]

الشكر لله, وراجع علي مستوي زيت الباور كمان.
ولو كان ناقص زودة بزيت سيتروين الاصلي.

بالتوفيق.

[Ahmed Amin]

دا زيت الباور بتاعك اللي هتزوط بيه لو لاقيته ناقص

http://www.nilemotors.net/Nile/3872550994-post46.html

متحطش موبيل ولا اي زيت تاني,,

[MuhamedNabil]

مشكلتك دى هى الكانت عندى و عملت معايا الصح ( تفصل فى ملف مثلا تلاقى نفسك مرة وحد الدركسيون تقل و انت مش مدى خزانة و طيران على الجزيرة او فى الرصيف و مرة وحدة بردة يرجع البور و انا فى ملف مكلبش بادية الاتنين عشان الف الدركسيون و نفس الكلام برده تلاقى نفسك مرة حتحضن الجمبك او طيران فى الرصيف على طول )

ولاكن ليها حل .......... بس مش سهل.

- مبدئيا ممكن تبص على الحجات دى
- منسوب الزيت ( خلف الكشاف اليمين )
- الفيور و زى مالاعضاء وصفه و هو تقريبا اسمع MF8 حتلاقى فى كتلوج العربية
- وصلة الارضى خلف الكشاف اليمين و عبارة عن سللك اصفر فى خط احمر على ما اذكر اتاكد انه راكب كويس و مفيش املاح او صدي
- تفك الفيشة بتاعت الطلمبة و تشوف لو فى اى اعراض تلف ( سايحة مثلا او مصدية ) الاسهل العربية تكون مرفوعة و البيفك ميتغشمس عشان ميبوظش الفياش.

لو كل ده سليم يبقى تشمر بقى و تخش فى الجى
- حتفك الطلمبة من العربية و تصفى الزيت.
حتفك اجزاء الطلمبة نفسها لحد متوصل للشريحة العليها الكنترول
اول 4 مسامير من ناحية القربة حيفوكوا الجزء الفية قربة الزيت السودة لو صح التعبير



بعد كدة 3 مسامير بتوع كهربة الماتور و الاربع مسامير المن نحية الماتور و هما اقصر من بتوع النحية التانية



الجزئين دول بيكون بينهم سيليكون عشان يمنع تسريب الزيت حيتفك بصعوبة شوية بس اوعى تدق على اى حاجة فى الطلمبة ممكن تستخدم موس من بتوع زمان دول و تحاول تفصل السيليمون بيه



حيظهرلك الشريحة متدخضيش :)
حتلاقى مكثفين جمب بعض هنا كان الواحد الناقص لحامه مشروخ و هو سبب التقطيع



انا اختهم عند المأمون و خليته لحمهم تانى الاتنين و تخلى بالك من الاتجاه بتاع المكثف يكون زى الفى الصورة





بعد متلح ركب تانى و إن شاء الله كله يرجع زى الفل. و عشان اكون امين اكتر معاك الموضوع ده كنت وصلتله بعد ما اشتريت طلمبة استيراد و قررت افك بتعتى و اشوف اخرها ايه و الحمد لله ربنا وفقنى و لقيت المشكلة و بالصدفة اصلا صبعى خبط فى المكثف ده و لقيته دلدل كدة على شعرة
و قولت لواحد عليه فى مركز حدمة قالى بعد كدة انه صلح طلمبتين وحدة كملت زى الفل و التانية 3 شهور و رجعت تانى بس ممكن يكون هو لحم واحد بس و طنش التانى.

ربنا معاك و خلى بالك و انت سايق ديما ايدك الفضية standby فى الملفات الذات عشان فى اى لحظة ممكن تقل معاك و تفصل و العكس صحيح و هيا فاصلة لازم تكون انت جاهز فى اى وقت انها تقرر ترجع و انت فى ملف و قارص على الدركسيون.

اهلا بيك فى PSA PEUGEOT CITROËN متعة القيادة و الساسبنس :))

[saiedccs]

أنا عاجز عن الشكر لكم جميعا
إنشاء الله أفك و أشيك عليها

[A.Adel]

اهلا بيك فى psa peugeot citroën متعة القيادة و الساسبنس :))

lol

[AEDALLAM]

انا عندى نفس المشكله ب حصلت بعد ما غيرت الدينمو بفتره قصيره جدا مش عارف ده ليه علاقه بتغيير الدينامو ولا لا برجاء الافاده للاهميه وشكرااااااااا

[MACATHIUS]

مشكلتك دى هى الكانت عندى و عملت معايا الصح ( تفصل فى ملف مثلا تلاقى نفسك مرة وحد الدركسيون تقل و انت مش مدى خزانة و طيران على الجزيرة او فى الرصيف و مرة وحدة بردة يرجع البور و انا فى ملف مكلبش بادية الاتنين عشان الف الدركسيون و نفس الكلام برده تلاقى نفسك مرة حتحضن الجمبك او طيران فى الرصيف على طول )

ولاكن ليها حل .......... بس مش سهل.

- مبدئيا ممكن تبص على الحجات دى
- منسوب الزيت ( خلف الكشاف اليمين )
- الفيور و زى مالاعضاء وصفه و هو تقريبا اسمع mf8 حتلاقى فى كتلوج العربية
- وصلة الارضى خلف الكشاف اليمين و عبارة عن سللك اصفر فى خط احمر على ما اذكر اتاكد انه راكب كويس و مفيش املاح او صدي
- تفك الفيشة بتاعت الطلمبة و تشوف لو فى اى اعراض تلف ( سايحة مثلا او مصدية ) الاسهل العربية تكون مرفوعة و البيفك ميتغشمس عشان ميبوظش الفياش.

لو كل ده سليم يبقى تشمر بقى و تخش فى الجى
- حتفك الطلمبة من العربية و تصفى الزيت.
حتفك اجزاء الطلمبة نفسها لحد متوصل للشريحة العليها الكنترول
اول 4 مسامير من ناحية القربة حيفوكوا الجزء الفية قربة الزيت السودة لو صح التعبير



بعد كدة 3 مسامير بتوع كهربة الماتور و الاربع مسامير المن نحية الماتور و هما اقصر من بتوع النحية التانية



الجزئين دول بيكون بينهم سيليكون عشان يمنع تسريب الزيت حيتفك بصعوبة شوية بس اوعى تدق على اى حاجة فى الطلمبة ممكن تستخدم موس من بتوع زمان دول و تحاول تفصل السيليمون بيه



حيظهرلك الشريحة متدخضيش :)
حتلاقى مكثفين جمب بعض هنا كان الواحد الناقص لحامه مشروخ و هو سبب التقطيع



انا اختهم عند المأمون و خليته لحمهم تانى الاتنين و تخلى بالك من الاتجاه بتاع المكثف يكون زى الفى الصورة





بعد متلح ركب تانى و إن شاء الله كله يرجع زى الفل. و عشان اكون امين اكتر معاك الموضوع ده كنت وصلتله بعد ما اشتريت طلمبة استيراد و قررت افك بتعتى و اشوف اخرها ايه و الحمد لله ربنا وفقنى و لقيت المشكلة و بالصدفة اصلا صبعى خبط فى المكثف ده و لقيته دلدل كدة على شعرة
و قولت لواحد عليه فى مركز حدمة قالى بعد كدة انه صلح طلمبتين وحدة كملت زى الفل و التانية 3 شهور و رجعت تانى بس ممكن يكون هو لحم واحد بس و طنش التانى.

ربنا معاك و خلى بالك و انت سايق ديما ايدك الفضية standby فى الملفات الذات عشان فى اى لحظة ممكن تقل معاك و تفصل و العكس صحيح و هيا فاصلة لازم تكون انت جاهز فى اى وقت انها تقرر ترجع و انت فى ملف و قارص على الدركسيون.

اهلا بيك فى psa peugeot citroën متعة القيادة و الساسبنس :))

دى حاجة تخوف ... خسارة عربية جميلة زى دى يكون فيها العيب دا... كان نفسى اجيبها بس كدة انا اخاف على حياتى.