تحديث هام جدا بخصوص الاليزيه

[mfawzyali]

السلام عليكم

بعد ان ارسلت رساله الى عزب العرب مصر

قامو بالاتصال بيا منذ قليل حد من خدمه العملاء

وشرحتلها كل حاجه في العربيه و قولتلها انا ممكن ابعتلك الشكاوي اللي الناس بتقولها

واتفقت معاها انا هبعتلها الموضوع اللي الناس بتشتكي فيه من تكييف العربيه

والناس كانو معايا محترمين للغايه و قالتلي

ان فعلا العربيه اول ما نزلت ستروين مكنتش عامله حسابها ان درجات الحراره هنا غير اوروبا و فرنسا

وبناء عليه هما فعلا عملو تعديل و التعديل ده بيتعمل ببلاش لأي عربيه نزلت الاول

والعربيات اللي نزلت بعد اول دفعه كلها التحديث جي جاهز فيها

وهيا طلبت تشوف الموضوع و تبحث الشكوى اللي الناس قدمتها و انا ان شاء الله هبعتلها الكلام ده

عشان الناس ان شاء الله تاخد حقها ولو في حد غلط في التوكيل يتحاسب

وديه شهاده مني امام الله

[M I D O]

حاجة كويسة الاستماع لمشاكل العميل رغم ان معروف عن عز العرب انة توكيل فاشل

[asuity]

هو حضرتك معاك العربية ومن امتى؟

[mfawzyali]

هو حضرتك معاك العربية ومن امتى؟

لا الصراحه انا مجبتش انا كنت مجهز الفلوس و هجيب

بس بعد الموضوع اللي اتكتب رجعت في رأيي

وبعت لعز العرب نفسه و الناس اتصلت بيها بنفسها

وعشان كدا انا قلت لازم اوصل الرساله للناس

[asuity]

لا الصراحه انا مجبتش انا كنت مجهز الفلوس و هجيب

بس بعد الموضوع اللي اتكتب رجعت في رأيي

وبعت لعز العرب نفسه و الناس اتصلت بيها بنفسها

وعشان كدا انا قلت لازم اوصل الرساله للناس

طيب عموما انا من الناس اللي عملت الشكوى مع اسلام عفيفي ومحمد زيزو وبقول لحضرتك من خبرتي السيئة جدا مع عز العرب انهم بتوع كلام وبس خصوصا في المشاكل اللي في عربياتنا وكلامهم كله معانا كان كله كدب وملاوعة.

والله والله والله نصيحة لوجه الله فكر في خيارات تانية بالفلوس اللي معاك .. انت مش جايب عربية عشان تتعبك وكل يوم والتاني تبقى في مركز الصيانة.

وربنا يهديك للي فيه الصالح

[Mohamed_Hamid]

بالتوفيق ان شاء الله وتاخدوا حقكم

[islam.afifi]

حد غلط في التوكيل ؟
بالأمانه لو حد اتكلم في حق التوكيل هيكون اللي شوفناه من معاملتهم
و ان شاء الله ناخد حقنا برضه

[mahmoud_afifi]

حد غلط في التوكيل ؟
بالأمانه لو حد اتكلم في حق التوكيل هيكون اللي شوفناه من معاملتهم
و ان شاء الله ناخد حقنا برضه

صاحب الموضوع يقصد ان حد من التوكيل يكون غلط ويتحاسب على الي عمله. مش انتم الي غلطتوا في التوكيل.
على العموم حقكم تغلطوا فيهم :d

[islam.afifi]

صاحب الموضوع يقصد ان حد من التوكيل يكون غلط ويتحاسب على الي عمله. مش انتم الي غلطتوا في التوكيل.
على العموم حقكم تغلطوا فيهم :d

بحسب :d
الواحد على اخره مش ناقص حد في التوكيل يفتح بقه :d

[mfawzyali]

بحسب :d
الواحد على اخره مش ناقص حد في التوكيل يفتح بقه :d

واضح ان في سوء تفاهم :d

انا قصدي المهندس اللي في التوكيل اللي ضحك على الناس و قال احنا معملناش حاجه في العربيه

انا ممكن اديك اللينك اللي قدمت فيه الشكوى

او لو حابين ابعتلها التوبيك اللي مفتوح عشان هيا عايزه تعرف ايه المشكله

[islam.afifi]

واضح ان في سوء تفاهم :d

انا قصدي المهندس اللي في التوكيل اللي ضحك على الناس و قال احنا معملناش حاجه في العربيه

انا ممكن اديك اللينك اللي قدمت فيه الشكوى

او لو حابين ابعتلها التوبيك اللي مفتوح عشان هيا عايزه تعرف ايه المشكله

لو حضرتك بتتكلم على أ/ إيمان اللي في التوكيل انا فعلا كلمتها و قولتلها الشكوى و هي على علم بالموضوع

[Ahmed Eraqy]

ان فعلا العربيه اول ما نزلت ستروين مكنتش عامله حسابها ان درجات الحراره هنا غير اوروبا و فرنسا

و يا تري كانوا عاملين حسابهم فى تبريد الماتور و الجير بوكس و لا هيسخنوا كمان فى الحر

الناس ديه بتهزر ... ازاي طيب صدروها لمصر طالما متصنعة لاوربا .... كلام ميخشش عقل

[rotanamasoud]

و يا تري كانوا عاملين حسابهم فى تبريد الماتور و الجير بوكس و لا هيسخنوا كمان فى الحر

الناس ديه بتهزر ... ازاي طيب صدروها لمصر طالما متصنعة لاوربا .... كلام ميخشش عقل

اى واحد راكبها فى السعوديه مشتكاش منها
العيب فينا احنا اللى مش عاملين مواصفات قياسيه للعربيه اللى تنزل مصر
فالمصنع اخد المواصفات القياسيه السعوديه او الخليجيه وحطها فى الاعتبار فى التصنيع والانتاج لاكن مصر ملهاش فنزلت استاندر اروبى
ابسط المواصفات من وجهه نظرى
1- عفشه خدمه شاقه للطرق المصريه
2- ارتفاع مناسب للمطبات المصريه
3-نظام تبريد وتكييف مناسب للاجواء المصريه
4-نظام وقود يعمل حتى بنزين 80 وفلاتر بنزين معدله لوساخه البنزين المصرى
واى عربيه تنزل مصر لازم تطابق الاربع مواصفات الاساسيه دى عشان تترخص

[Ahmed Eraqy]

اى واحد راكبها فى السعوديه مشتكاش منها
العيب فينا احنا اللى مش عاملين مواصفات قياسيه للعربيه اللى تنزل مصر
فالمصنع اخد المواصفات القياسيه السعوديه او الخليجيه وحطها فى الاعتبار فى التصنيع والانتاج لاكن مصر ملهاش فنزلت استاندر اروبى
ابسط المواصفات من وجهه نظرى
1- عفشه خدمه شاقه للطرق المصريه
2- ارتفاع مناسب للمطبات المصريه
3-نظام تبريد وتكييف مناسب للاجواء المصريه
4-نظام وقود يعمل حتى بنزين 80 وفلاتر بنزين معدله لوساخه البنزين المصرى
واى عربيه تنزل مصر لازم تطابق الاربع مواصفات الاساسيه دى عشان تترخص

ما هو المشكلة لو زي ما بيقولوا مش عاملين حساب درجات الحرارة هنا الواحد خايف تبقى فيه مشكلة بعد كده ان المحرك أو الجيربوكس يسخنوا