بخصوص السي 4

[lawindish]

عندي فيات بونتو كلاسيك 2011. السيارة جميله و ليس بها اى مشكله و لله الحمد. ظروفي تحتم على السفر كثيرا ز مشكلة الفيات حجمها صغير و الموتور ضعيف ف كنت بفكر ابيعها و اشتري حاجة بنفس السعر ف لقيت السي4 من السيارات اللي في نفس السعر تقريبا و فئة اعلى يعنى رحة و ثبات و سرعة اكتر من الفيات. عندي كام تساؤل:
1-انا جايب عربيتي زيرو فهل الموضوع مستاهل؟ (كوني ممكن ادخل في مشاكل و أعطال في المستعمل).
2-و لو هجيب سي4 انهى سنة تعتبر الافضل ولا مش فارق؟
3-هل يوجد منها مانيوال؟ هل الأوتوماتيك يتخاف منه ولا هو مش معقد؟
4-انا كنت جربت الميجان 2006 و معجبنيش الفتيس الأوتو فهل هم زي بعض؟
5- هل فيها مشاكل كهرباء في الاكسسوارات؟
6- ما هى أشهر المشاكل؟

انا شفت موضوع كان فيع أسعار قطع الغيار لقيتها مناسبة بس المساعدين غالية شوية فتفاءلت. دلوني الله يباركلكم.

ملحوظة: الحمد لله عربيتي مفيهاش اى مشكله او عطل الفكرة انها ضعيفة و صغيره و مش مريحة في الطوالي و انا معظم سواقتى في الطوالي

[hamaka]

عندي فيات بونتو كلاسيك 2011. السيارة جميله و ليس بها اى مشكله و لله الحمد. ظروفي تحتم على السفر كثيرا ز مشكلة الفيات حجمها صغير و الموتور ضعيف ف كنت بفكر ابيعها و اشتري حاجة بنفس السعر ف لقيت السي4 من السيارات اللي في نفس السعر تقريبا و فئة اعلى يعنى رحة و ثبات و سرعة اكتر من الفيات. عندي كام تساؤل:
1-انا جايب عربيتي زيرو فهل الموضوع مستاهل؟ (كوني ممكن ادخل في مشاكل و أعطال في المستعمل).
لو حالة ممتازة و مش ماشية كتير و صيانة توكيل مش هتحس بفرق ان شاء الله
2-و لو هجيب سي4 انهى سنة تعتبر الافضل ولا مش فارق؟
حاول تخليك من أول 2008 عشان يكون نزل فيها الفتيس المعدل
3-هل يوجد منها مانيوال؟ هل الأوتوماتيك يتخاف منه ولا هو مش معقد؟
فى منها مانيوال بس نادر انك تلاقيه ، الأتوماتيك بتاعها مايتخافش منه ولا حاجة طالما عارف العطل المشهور بتاعه و عارف ايه اللى بيتعمل ساعتها و ده كده كده فى موديلات 2007 و ما قبلها ، لو ربنا كرمك ب 2008 هيبقى الأوتوماتيك معاك لوز باذن الله
4-انا كنت جربت الميجان 2006 و معجبنيش الفتيس الأوتو فهل هم زي بعض؟
لحد 2007 اه تقريباً زى بعض ، من 2008 فتيس مختلف
5- هل فيها مشاكل كهرباء في الاكسسوارات؟
لأ عادى ، و فى ناس كتير ركبولها اكسسوارات المهم اللى تروحله يركبهالك يبقى بيفهم مش كرنبة
6- ما هى أشهر المشاكل؟
ال solenoids بتوع الفتيس و فى مواضيع كتير فى قسم السيتروين شرحتهم و طرق حل المشكلة و تكلفتها ، الدينامو أحياناً بيبوظ بدرى شوية ، تكييف متوسط (معقول لكن مش تلاجة) ، عفشة أنشف نسبياً من الميجان

انا شفت موضوع كان فيع أسعار قطع الغيار لقيتها مناسبة بس المساعدين غالية شوية فتفاءلت. دلوني الله يباركلكم.

ملحوظة: الحمد لله عربيتي مفيهاش اى مشكله او عطل الفكرة انها ضعيفة و صغيره و مش مريحة في الطوالي و انا معظم سواقتى في الطوالي

العربيات الفرنساوى بوجه عام و السيتروين بوجه خاص من أبرع صانعى السيارات فى مجال راحة الراكب و كراسيهم من أحسن الكراسى كتصميم ، أعتقد ان السي 4 فى النقطة دى تظبطلك احتياجاتك

[lawindish]

أشكرك بشدة، سؤال تاني لو عايز واحده حالتها كويسة تكون في حدود كام عشان انا المتاح معايا هيكون سعر الفيات حوالي 60,000 جنيه مممكن أعلى شوية ف السعر ده هينفع ولا صعب؟

[melkhayat83]

اركب واستمتع ومش هتندم

[hamaka]

أشكرك بشدة، سؤال تاني لو عايز واحده حالتها كويسة تكون في حدود كام عشان انا المتاح معايا هيكون سعر الفيات حوالي 60,000 جنيه مممكن أعلى شوية ف السعر ده هينفع ولا صعب؟

أولاً بالميزانية دى 2008 هتبقى صعبة حبتين عشان هى بتبدأ من 85 و انت طالع بقى حسب الحالة ، فا كده هتدور فى 2005 و 2006 و لو عليت بالميزانية ل 70 ممكن تدخل معاك 2007

فى المجمل :
2005 من 55 ل 65
2006 من 60 ل 70
2007 من 65 ل 75
حسب الحالة و اذا كانت مانيوال او أوتو

[shaheenOnco]

هوا ايه ياباشا اللي يفرق فتيس 2008 عن اللي قبلها؟ او هاتعبك اكتبلي لينك لو فيه موضوع قديم..شكرا