عايز أسقط موتور لستروين ax

[egycompo2012]

انا معايا العربية دى بقالها سنة وبعشقها عشق غير طبيعى، دى اول عربية اجيبها وانا حوشت 20 الف جنيه ورغم ان كل الناس بتقولى بيعها وهات حاجة احسن بس انا قررت انهاردة انى اظبط فى العربية لحد ما اخليها اعلى حاجة ان شاء الله

انا عندى كام سؤال لو اى حد ممكن يفيدنى بعد اذن الاعضاء المحترمين.

1- انا عايز اسقط موتور اوتوماتيك
هل ليها موتور محدد معروف اوتوماتيك؟
لو ليها. منين اجيبه و ايه نوعه وبكام؟

2- هل ممكن اسقط اى نوع موتور يركب عليها ولا لازم فئة معينة؟
انا سمعت ان لازم الموتور يبقى ستروين بس انا ليا واحد صاحبى معاه فولفو ومسقطلها موتور بى ام وفى حد تانى قاللى انه كان فى المرور وبتاع الفحص قاله ان مادام القواعد مش ملعوب فيها يبقى خلاصز اعتقد لو موضوع القواعد ده صح هبقى محدود جدا بنوع الموتور. و هل ممكن اعدى الموضوع فى المرور بقرشين ولا لأ

3- انا اتفقت مع واحد بتاع فيبر بيصمملى تصميم تابلوه شبيه بالتابلوه بتاع ال ds3 بس على مقاسات العربية. وعامل فيه مكان عايز احط كمبيوتر للعربية.

هل هحتاج ان انا اغير ضفيرة الكهربا بتاعة العربية كلها عشان الاوبشنز اللى انا عايز ازودها؟
ولازم طبعا الموتور يكون فيه كمبيوتر اصلا

اسف للتطويل و شكرا مقدما

[iBiZa]

مواتير ال106 بتنزل كلها عشان نفس القواعد و نفس كل حاجه فرق اللوجو.

ممكن برضه موتورها الVTS

شوف اللينك ده:
[url=http://www.track-days.co.uk/gassing/topic.asp?h=0&t=951297&d=0&nmt=][Project Post] Citro

[eng.salama93]

أسأل علي الإكسارا الأتوماتيك لو يركب عندك هيبقي حاجة كويسة ان شاء الله

[iBiZa]

أسأل علي الإكسارا الأتوماتيك لو يركب عندك

مينفعش عشان القواعد مختلفه تماما و الموتير كذلك.

المواتير اللى بتركب على Citroen Ax و Peugeot 106 بتبقى اول حروف فيها TU و دول اخرهم 1600 cc و 120 حصان. و تقدر تقرأ عليهم هنا PSA TU engine - Wikipedia, the free encyclopedia

المواتير اللى بتركب على Citroen ZX / Xsara و Peugeot 205/306/405 بتبقى اول حروف فيها XU و دول من 1200 cc الى 2000cc turbo و تقدر تقرأ عليهم هنا PSA XU - Wikipedia, the free encyclopedia

[eng.salama93]

طيب و البيجو هتتثبت أزاي ف الرخصه و هي مش من نفس الشركة المصنعة ؟؟

[iBiZa]

مواتير البيجو و الستروين بيتثبتوا عادى عشان نفس الشركه.

زى مواتير الVW - Audi - Seat - Skoda كلهم واحد و وبيتم اثباتهم على بعض.

[eng.salama93]

أه لا موأخذه نسيت ان بيجو و سيتروين تبع بعض :d أصلي رينوهاوي :d

[rotanamasoud]

مينفعش عشان القواعد مختلفه تماما و الموتير كذلك.
القواعد واحده لاكن لا يوجد حجم فى الحوض
المواتير اللى بتركب على citroen ax و peugeot 106 بتبقى اول حروف فيها tu و دول اخرهم 1600 cc و 120 حصان. و تقدر تقرأ عليهم هنا psa tu engine - wikipedia, the free encyclopedia
الاكسارا بتنزل بمحركات الtu فئه ال1400 وال1600
المواتير اللى بتركب على citroen zx / xsara و peugeot 205/306/405 بتبقى اول حروف فيها xu و دول من 1200 cc الى 2000cc turbo و تقدر تقرأ عليهم هنا psa xu - wikipedia, the free encyclopedia
الzx بتنزل بكل مواتير الtu وال xu واكود الديزل

لصاحب الموضوع انا ركبت الاتنين والكبيره هى الصح والتعديل فى الكبيره مفتوح بمراحل عن الصغيره
فتيس اوتوماتك له سربنتينه تبريد للزيت يعنى عايز حوض ووسع الكبيره

[egycompo2012]

انا عايز اشكركم جميعا للردود السريعة والمعلومات اللى بجد مفيدة جدا ، والعربية الكبيرة واضح ان التعديلات فيها افضل بس انا مش عايز اجيب عربية اعدلها. انا عايز اعدل عربيتى عشان بحبها ومش قادر استغنى عنها ومش حابب ان الناس تبص عليها وتقول انها عربية تعبانة، لانها كانت اول عربية اجبها فى حياتى وعدينا سوا بحاجات كتير قوى ، انا عندى عربية تانية دلوقتى بس لسة محتفظ بالستروين

انهاردة روحت للميكانيكى اللى بتعامل معاه وهو راجل فى قمة الاحترام بصراحة وشغله كله نضيف دايما وحكيتله على اللى انا عايز اعمله، قاللى هيقعد معايا ونشوف المواتير اللى تركب فيها ايه وايه احسن حاجة تتسقطلها ولما قولتله على موضوع الاوتوماتيك قاللى الافضل انك تسيبها مانوال عشان العربية دى بتحب المانوال بس لسه هوريلوا كل التعديلات الشكلية اللى انا عايز اعملها عشان نوصل للشكل النهائى ويقوللى اعمل ايه قبل ايه وهفضل متابع معاكوا ان شاء الله

جزاكم الله كل خير

[iBiZa]

انا عايز اعدل عربيتى عشان بحبها ومش قادر استغنى عنها ومش حابب ان الناس تبص عليها وتقول انها عربية تعبانة، لانها كانت اول عربية اجبها فى حياتى وعدينا سوا بحاجات كتير قوى ، انا عندى عربية تانية دلوقتى بس لسة محتفظ بالستروين

يبقى كده احسن حاجه هو موتور ال1600 و ده هيديكى 120 حصان و يفضل تجيب عفشه ال106 عشان 4 مسمار.