ساعدوني في قرار الاليزيه

[mohamedyounis]

السلام عليكم :يا جماعة انا محتار جدا في قرار السيارة هل اشتري السي اليزيه ام البيجو 301 ... الاثنين توأم ولكنني لا اجد السيتروين منتشرة في الشوارع زي البيجو وكمان بيقولوا حصل مشاكل في سحب العربية دي مع التكييف وهناك شكاوي من التوكيل ولكن ايضا السيارة شكلها جميل والصالون بتاعها جميل وهناك فرق غير هين في السعر ( قصدي الهاي لاين) عن البيجو.

هل هناك نصيحة ممن اشتراها
اكون شاكر جدا

[mohamed hussei]

صراحة انا شوفت بيجو 4 مرات في شارع اواكتر والوان مختلفة عكس اليزية والمنتدي بيجو نشيط عن هنا مفيش نشاط خالص محدش ذكر مميزات العربية ولة تقارير ولة اي حاجة

[asuity]

والله يا باشا انا من الناس اللي عندهم مشاكل في الاليزيه وللامانة مش كل الناس اشتكت منها بالعكس في ناس مبسوطة جدا من العربية - وهي تستاهل بصراحة لولا العيب اللي فيها عندي - انا عن نفسي شفتها كتير - مش منتشرة زي البيجو فعلا - بس العربية بايعة برده.

عموما العربيتين تبيكال زي بعض وانتشار البيجو الفظيع ده مصلحة للستروين عشان انتشار قطع الغيار .. فانت لو مطمن للستروين هاتها واتمتع بشكلها الاجمل من البيجو - وجهة نظري - واستفيد برده من انتشار البيجو عشان قطع الغيار.

وربنا يوفقك للقرار الصح.

[boushy]

بلااااااااااااااااااااااش العربيه ده خالص
أسواعربيه في التاريخ

[مهدي أيمن]

بلااااااااااااااااااااااش العربيه ده خالص
أسواعربيه في التاريخ

عيب عليك ياراجل هي معي اكثر من رائعة

[tamerosman]

واضح ان عز العرب كالعادة مموت العربية ....انا شايف انشار البيجو اكبر بكتير

عز العرب افشل توكيل فى مصر و البعد عنه غنيمه خصوصا ان الستروي اليزيه ملهاش اى قطع غيار خارج التوكيل

انا بتكلم عن عز العرب عن تجربة ﻻنى معايا جين 2 و نص قطع غيارها مش موجودة فى عز العرب مع انها نازلة من 2006 و منتشرة ...فما بالك بعربية جديدة و لسه يدوبك بايع منها كام حتة !!