اي مساعدة في ستروين اكسارا انا جاهز ان شاء الله

[Honda_lover]

اي حد محتاج استفسار في الستروين اكسارا ان شاء الله انا جاهز

[rotanamasoud]

طول عمرك صاحب واجب
استفسار ممكن الفروق بين الاكسارا والzx

[Honda_lover]

طول عمرك صاحب واجب
استفسار ممكن الفروق بين الاكسارا والzx

شكرا لذوقك بالنسبة للفرق بين الاكسارا و ال zx فهو كبير
1- محرك الاكسارا 1600 واحد كامة حقن اليكتروني من احسن المحركات اللي تم صنعها قليل الاعطال اكثر اعتمادية عمر افتراضي طويل جدا جدا جدا قد يصل الي مليون كم بشرط الاستخدام المظبوط ( الصيانة في معادها) في المقابل محرك zx سعة 1400 كاربرتير سهل الصيانة عن الحقن
2- المساحة الداخلية للاكسارا اكبر من ال zx
3-العفشة تعتبر هي هي مع اختلاف بسيط جدا
4- شكل الطابلوه للاكسارا او الصالون بصفة عامة احسن من zx
5- الاكسارا موديل اعلي فبالتاكيد استخدام اقل
6- فرق السعر مش كبير بينهم بالتالي الافضلية للاكسارا
7- تكييف الاكسارا لا يؤثر علي السحب نهائيا بعكس ال zx بيأثر بس مش اوي
8- سعر السوق للاكسارا يتراوح من 35 الي 42 وال zx من 27- 33 طبعا كلامي للحالات الكويسة

[fepsceasar]

مكان الزرارين الكهربا فى اكسارا1 اللى بيبقى مكسور دائما ايه علاجه
واحد فى الحرفيين طلب ف الوش ده هو والساعة 700 جنيه ده منطقى؟؟؟

[rotanamasoud]

انا مركب عندى محرك اكسارا 1400 الزهر لاكن مشغله على الكاربراتير(حاولت اركب ال1600 بس كان لازم الضفيره والكرتات)
انا شايف اكبر عيوب الاكسارا هى المشاكل الكهربائيه وطبعا هى اعلى من الzx

[exelence]

فى رأيك عربية بولو 1999 أحسن ولا إكسارا 2001 لان ظهر قدامى عربية إكسارا و بصراحه ما كنتش اعرف عنها حاجه فهل هى كويسه و تستاهل الشراء

[Honda_lover]

فى رأيك عربية بولو 1999 أحسن ولا إكسارا 2001 لان ظهر قدامى عربية إكسارا و بصراحه ما كنتش اعرف عنها حاجه فهل هى كويسه و تستاهل الشراء

الموضوع مخصص للاستشارات الفنية في الاكسارا وليس للمقارنة مقدرش اقولك انهي احسن لاني مركبتش البولو ولكن كل اللي اقدر افيدك فيه ان الاكسارا محترمة وقطع غيار متوفرة وسعرها كويس وعملية جدا توكل علي الله فيها بس بشرط الحالة الجيدة عشان متتعبكش معاها

[sameh_loza]

انا خايف من الاكسار للاسباب الاتية :
- قطع الغيار من حيث توفرها واسعارها زي علبة الدريكسون والكبالن وطرمبة الباور الفوانيس الامامية والخلفية وكمان الحساسات بتاعتها كل هذه الحاجات المستهلكه اخبارها اية
- صيانتها واسعار الصيانه عند الميكانيكية
- الاوتوماتك اخباره ايه
- السخنيه
ارجو مساعدتك في الرد علي هذه الاستفسارات

[fepsceasar]

انا خايف من الاكسار للاسباب الاتية :
- قطع الغيار من حيث توفرها واسعارها زي علبة الدريكسون والكبالن وطرمبة الباور الفوانيس الامامية والخلفية وكمان الحساسات بتاعتها كل هذه الحاجات المستهلكه اخبارها اية
- صيانتها واسعار الصيانه عند الميكانيكية
- الاوتوماتك اخباره ايه
- السخنيه
ارجو مساعدتك في الرد علي هذه الاستفسارات

- الصيانة فى العبيط (اسف على التعبير الدارج) والحمد لله اعطالها مش كتير لو بتعمل الصيانة الدورية
- سمعت مقولة مش عارف ده فتى ولا ايه بيقولك لو عاوزاوتوماتيك هات اكسارا2 افضل
- انا مرة ظهرت عندى موضوع السخونية لغيت التكييف السخن لان الخرطوم بتاعه كان بينقط ..لكن عموما ولله الحمد الموضوع مش مشكلة ولا متكرر .. ولو عاوز ارجع التكييف السخن ممكن اجيب الكاوتشة بتاعته لكن كده كده مش بستخدمه

[fepsceasar]

فى رأيك عربية بولو 1999 أحسن ولا إكسارا 2001 لان ظهر قدامى عربية إكسارا و بصراحه ما كنتش اعرف عنها حاجه فهل هى كويسه و تستاهل الشراء

بعد اذن صاحب الموضوع متهيالى العربيتين فى فئتين مختلفتين والاكسارا اعلى ..بس على العموم ما اقدرش افتى لانى ما ركبتش بولو

[Honda_lover]

للرفع ومستمر في تلقي استفساراتكم

[hemanil]

اشتريت اكسارا 1 موديل 2002
وكنت عايز من حضرتك
ازاى اتعامل معاها
يعنى تتغسل عادى كده وبطريقة معينة
وايه افضل زيت موتور وزيت فتيس ليها والفلتر وبيتغيرو كل قد ايه
وياريت لو فيه نصائح اخرى اكون شاكر لو شاركتونى اياها
ولكم جزيل الشكر لهذا المنتدى المحترم

[Honda_lover]

بالنسبة للغسيل تغسل عادي جدا من الخارج ممنوع منعا باتا غسيل المحرك بالماء او الابواب من الداخل ايضا بالنسبة للزيت متوقف علي العربية ماشية كام كم?? اهتم بالصيانات الدورية من بوجيهات وسيور وفلاتر حضرتك مذكرتش العربية مانيوال ولا اوتو??

[hemanil]

قبل كل شيئ عاوز اشكرك على ذوقك اللى ظهر فى سرعة الرد
واسمحلى اطمع شوية واقول
العربية اكسارا 1 موديل2002 اتوماتيك ماشية 200 الف كيلو
فيها المساحات والاشارات مش شغالة وصاحبها قالى الكارت bsi
وفعلا لما غيرتة المساحات اشتغلت والاشارات كمان لكن العربية مادرتش
لان الكارت اللى بتاعها الجاكات اللى فيه الوانها اصفر وازرق واحمر واسود
اما الكارت اللى جبته كانت الجاكات كلها اسود وهارجعة (وريت لو امكن تدلنى على مكان يكون فية الكروت دى)
ده االى خلانى استنتج حاجتين
الاولى ان عيب المساحات والاشارات فعلا فى الكارت
الثانى ان الكارت مش بتاع الموديل ده
ثانيا موضوع الفتيس ملخبط معايا شوية والمبات كل شوية تنور بتاعة الفتيس وخصوصا على السرعة البطيئة
ولك جزيل الشكر

[Depsi]

انا ناوى ان شاء الله اجيب اكسارا 2 اوتوماتيك ومحتاج مساعدتك فى كذا حاجة لو سمحت
يفضل العربية اللى اجيبها متعديش كام كيلو
اكشف عليها فين
اية الحاجات اللى ابص عليها الاساسية فى العربية
العربية تعمل كام دلوقتى
وشكرا جزيلا