منين اشتري حاجات لعفشه سي4

[shaheenOnco]

السلام عليكم...الدريكسيون كان فيه هزه كده مع المطبات الصناعيه ولما امشي في طريق مكسر
رحت ل عفشجي قاللي محتاجين بيض وبارات دريكسيون والحقيقه ان لما كشفت علي العربيه قبل ما اشتري اتقاللي نفس الكلام..
في المسيري البار ب 150 والبيضه ب 400 ال ..وكمان عاوز تيل للفرامل قدام عند المسيري ب 275 الاسباني..
ايه رايكم اتكل علي الله وللا اسأل في مكان تاني؟ حاولت اكلم فادي بس موبايله مقفول
شكرااااااااااا

[Mostafa Khalil]

المسيري ميزته ان حاجته اوريجينال كلها ممكن تنزل التوفيقية حتلاقي كام واحد هناك و ممكن تروح لنافع الي في شارع دمشق

[HOSSAM99]

و عليكم السلام و رحمة الله و بركاتة
الأسعار دي غالية و المسيري ده من أكثر الناس المستغله اللي بتبيع الحاجه بضعف ثمنها
علي العموم علشان تعرف فرق الأسعار التيل الأمامي رمسا أسباني بيتراوح بين 140 جنيه و 170 و قبل الغلا و الجشع كان بـ120
و أنا كنت سائل علي جوان غطا التاكيهات بـ245 عند المسيري فردة واحده (هو فردتين) و في التوفيقيه (بديع دسوقي )و أحمد ندا في الحرفيين بين 230 و 250 الفردتين

[Mostafa Khalil]

انصحك تغير الميزانين بالمرة حيفرقو معاك في الرعشة البسيطة في الطرق المكسرة و يحافظوا علي علبة الدركسيون

[shaheenOnco]

انصحك تغير الميزانين بالمرة حيفرقو معاك في الرعشة البسيطة في الطرق المكسرة و يحافظوا علي علبة الدركسيون

ودول بكام ياباشا؟؟

[mangawy2013]

تيش الميزان الاتنين ب 260 عند عمران في الحرفيين ماركه الماني

[mangawy2013]

بيض المقص الاصلي الواحد ب 100 وهما بيبقو 4

[mangawy2013]

بارات الدركسيون لو داخليه ممكن تتكبس وماتحتجش تغيرها لو الخارجيه كنت جايب الاتنين من سنه ونص من عند الهندسيه في التوفيقيه ب 250

[hamaka]

هو المساعدين الاصليين بتوع العربية بيتباعوا فين و بكام بره التوكيل ؟؟

[mangawy2013]

انا جايب 2 مساعدين امامي من الحرفيين عند عمران ب 1100 الاصلي وبطاحتين ب ب150 الواحده